Sam 27:4 - Madak

⁴ Nia ara sing pam Leeme Silok mi legesa vanga; legesa vanga mene nia a vara rin, do at lorooro axap tarak ana nemen ia ro xeneng at loogu ren, la anaba reven solo loklok nunuan teren la nia anaba ngising i kusu nam lam lorooro rak.

Sam 27:4 Iomraidhean Croise

Sam 23:6

Aklen i do loklok nunuan mi labalamu ram naba kuxun amisik keneng at lorooro axap tarak, la loogu ram naba lok ngan loogu aulis tarak at levenaleng axap nia anaba rooro ren.

Sam 26:6

O Leeme Silok, na a gos lukngak ti lox asuusu i do nia laradi sepsen. La at pas emi asu kangkan loxonin laplavang taram.

Sam 26:8

O Leeme Silok. A vara rinotno na loogu laplavang, ua nenu u nemen teren. Ni na loxot lisisixam taram i nemen e.

Sam 27:8

Uga lok tia, “Ude u, una lotu saparav ia.” Aga vorang i do, “Leeme Silok anaba vosiga u.”

Sam 50:2

Lisisixam at ne Moroa i soosoo su boro Saion, lemenemen silok i nunuan axap la i milik maraanu rino.

Sam 65:4

Nedi nom una soxolik ka di, dina momo; u lok kaka nedi xusu dina nemen to at loogu xaala ram. Manabat kis mimila at levempanga nunuan keneng at loogu ram eburu mi leveloklok anarong at loogu laplavang taram i xaala. Mo naba lok epovo lavavara atnema.

Sam 84:10

Mo legesa aleng mak lok teren to xeneng at loogu laplavang, i silok aleng ti mo legesa abin sangaun kobot aleng mak lok teren to vetpes; naba lox avukat do ana tu mun amisik to maxamang saparap lumusaragu at loogu at ne Moroa rak la nemen gat ana nemen avukat amisik to at laraugu at luvuttadi dik lok laxapmek.

Sam 84:4

Lomomo silok atnedi dik lok to at loogu laplavang taram dim suma i, atla dik pixan emi asu amisik tu.

Sam 90:17

Leeme Silok ne Moroa atnema, una ke mo loklox anarong taram nak lok keneng atnema. Una lox epovo levendoxoma atnema keneng at leven gugu axap nema ma lox i!

Metiu 6:33

Ketla mavana at lempanga axap, mina lolos avot be ri puse ka Linintoo at ne Moroa la leveloklok mokmokso ren, la neni naba raba bok nemi mi nom lempanga mik pakes tin.

Lagale Lavavang At Ne Iesu Karisito Luk Ga Malagan i 10:42

Ketla leges avanga mun uk pakes tin. Maria i vara i do nang tonga leveloklox ase rak, la tara noxo lok pes i na basinge i.” Lisingising

Lagale Lavavang At Ne Iesu Karisito Luk Ga Malagan i 13:24

“Mina lolos kusu miba beles at lumusaragu lixilik at Linintoo at ne Moroa, mila buaang limixin diba lok tong i do dina beles ukeneng, ketla di noxo epovo.

Lagale Lavavang At Ne Iesu Karisito Luk Ga Malagan i 18:1

Melemu ne Iesu ga tong na lavapaase poovo ridi kusu ri lox ase di do diba ngising amisik la nemen gat di guta molo.

Lagale Lavavang At Ne Iesu Karisito Luk Ga Malagan i 2:37

La latlok teren ga met la melemu neni ga nemen naa; la levenmaares teren ga epovo at lavanuan sangaun mi lavanuet. Neni xopmen goxo onon basinge loogu laplavang; at lengkangking la lengkanimin, ni ga lotu saparap ne Moroa la ni ga mun anan la ga ngising.

2 Korin 3:18

La nedik axap di lox asuusu lisisixam at ne Moroa, mila kopmen bok ba tengkontata nak lok pe lengkatli atdik. La na mun lisisixam i laala boro at Leeme Silok, neni Loroonan, la ik lox ekun dik ngan lampoovo ren la ti mo langsangan lisisixam silok teren.

2 Korin 4:6

Moroa axa ga lok keretna, “Laxasep na soosoo su at lamain.” Neni mun ne Moroa mo ga lok laxasep teren i soosoo xeneng at lorooro atdik kusu ri raba dik mi laxasep at lakleklen mumu lisisixam at ne Moroa mo ga soosoo at lemeren ne Karisito.

Pilipai 3:13

Luvutnetak mi luvurinuk, nia a doxoma ruturun i do nia xovisi ana lox epovo i; ketla legesa vanga mun, a lox i. Nia a doxoma xape mo levempanga ga vot saparav ia gano la nia a lolos kusu ana rebeng kaka mo levempanga ne Karisito i gagas li i ria, mo naba vot melemu.

1 Timoti 5:5

Latkin do neni lanaa, la kopmen tara ri lok tatao i, neni nak lok li lodoxoma ren ti loklok tatao at ne Moroa rin, la na ngising amisix i at levenaleng kanimin la at levenaleng kangking.

Ibru 11:6

La mo do tara xopmen tunuunu ren, ixo epovo ni na lox amomo ne Moroa, mila do tara i vara na vot pasa ne Moroa, neni na nuunu do ne Moroa mo i rooro la neni i epovo naba lox anarong nedi lebelen di i ngaongao xusu dinaklen ne Moroa.