Sam 27:1 - Madak

¹ Leeme Silok ni laxasep la Lanatoo rak. Nia anoxo marat tangarang ka teta. Leeme Silok neni loogu matmatkun tarak ti pe levenaniu. Kuren la nia noxo marat bok ba.

Sam 27:1 Iomraidhean Croise

Sam 11:1

Nia a nuunu saga at Leeme Silok, ni laradi xumkubak pe ria. Kuren la a noxo ronga res at limixin tangtangku di tong i ria dola, “Una rava oo ngan lapka uto vana at lempatkaana,

Sam 118:21

Leeme Silok, nia a emi asu minu, mila uga ronga lisingising tarak; la uga lok tooro ia xusu ana sak tup mi lavamunepen tarak.

Sam 118:6

Leeme Silok ik lok eburu minia, la nia xopmen a noxo marat at lempanga limixin kapmek diba lox i ria.

Sam 18:28

O Leeme Silok, um taba ia mi laxasep; la uk lok kepe ia basinge loklok at lamain.

Sam 18:29

Um taba box ia mi lolos ti vesep mi limixin munepen minia, la lolos tip sev asi di.

Sam 18:46

Leeme Silok ni Luntoo rak. A emi asu min, ni lentupe rak. Ana tong asu i ri limixin do ne Moroa i silok aleng la ik lox asepsu ia basinge limixin munepen minia.

Sam 19:14

Nia a vara i do levempapaase rak mi lodoxoma rak nak mokso at lamaram. O Leeme Silok, nenu loxot loklok alipe rak, la nenu laradi rutu korop pe ria.

Sam 3:8

Leeme Silok ik lok tooro limixin teren la di sak tup mi limixin munepen midi. La a sing i xusu neni naba lox anarong limixin teren.

Sam 43:2

Nenu Lurutu See Pe rak, tila u on taba arulu ia? Tila nia a ekip tangarang amisik mi laxaloklok asongot limixin munepen minia dik lok kuxurung ia min?

Sam 62:2

Neni xusuk ik kok avukar ia la ik lox asepsu ia; neni lentupe rak, la kopmen tara naba sev asubu ia.

Sam 62:6

Neni xusuk ik lok tatao ia la ik lox asepsu ia; neni i tupe ia la kopmen tinotno tara noxo sev asubu ia.

Sam 84:11

Leeme Silok neni Lurutu See Pe atnedik la ni Loorong Silok i ruuna lisisinang, la ik lox anarong dik mi lebelemumu la ik lox asilok dik kusu limixin dina lok ngangao atnedik. Neni ixom tebeng alis lempanga avukat basinge nedi dik lok luvukat.

Metiu 8:26

La ni ga lok tidi, “Kereva, kopmen tunuunu atnimi? Mi marat tila?” La ni ga xatu kaxat la ga vaase lolos pe lamanman mi lavatdan kis la duga lox atnaasan la langsangan lenmila ga men ta.

Lagale Lavavang At Ne Iesu Karisito Luk Ga Malagan i 2:30

Ara ven pam langas ti lorooro mi luxatli axa rak,

Lagale Lavavang At Ne Iesu Karisito Luk Ga Malagan i 3:6

La limixin axap diba ven ba lugugu loklox arooro at ne Moroa.’ Ais 40:3-5

Lagale Lavavang At Ne Iesu Karisito Jon Ga Malagan I 1:9

Anai ni laxasep tuturun, laxasep ga si ude at na lavatbung menemen la ik lox asuusu laxasep ti limixin axap.

Lagale Lavavang At Ne Iesu Karisito Jon Ga Malagan I 8:12

La ne Iesu ga vaase manga ri limixin keretna, “Nia laxasep at na lavatbung menemen. Do tara na nuunu rak, neni naba ruuna ka laxasep at lorooro, la kopmen noxot pas at lamain.”

Lovoang At Ne Pol Ti Limixin Nunu to Rom 8:31

Melemu at na ataba tong kaka lavanga salai? Do ne Moroa na tu eburu minedik, nege i epovo xusu na vas asi nedik?

2 Korin 12:9

Ketla ni ga vorang i ria xeretna, “Letaba nabalamu rak tu i epovo xuren, mila lololos tarak naba gugu lolos aleng mo do a lox asuusu i ri limixin, at levenaleng di molobe.” Kuren la aba lok momo aleng tinotno ri mo leveloklok molo rak, kusu mo lololos at ne Karisito naba nemen keneng tarak.

Pilipai 4:13

Nenia a epovo xusu ana lok levempanga axap mi lololos mun, ne Karisito im taba ia min.

Ibru 13:6

Kuren la i epovo do ata tong tuturun mo levelinga kerekngan Lovoang Kaala i tong i, “Moroa neni laradi loklok tooro rak, kuren la nenia anoxo marat mila ixo epovo do limixin dina lok kapmex ia.” Sam 118:6

Lisilimet 21:23

La mo lemenemen silok ixok pakes ti laxangking mi lagaaling kusu duna soosoo axasev i. Lisisixam at ne Moroa im taba amisik losoosoo at levenaleng axap, la Lanasip ni lababao ren.

Lisilimet 22:5

La noxopmen bok ba taxanimin, la limixin di noxok pakes bok ba ri taxasep at lababao xopla laxangking, mila Leeme Silok ne Moroa neni naba lok ngan laxasep tidi, la dinaba ruuna lixitkis silok ti lok tatao limixin la dinaba nemen amisik kuren, la kopmen taxavaxap teren.

Lisilimet 7:10

La digap kup lolos keretna, “Loklox arooro boro at ne Moroa, mo it kis at loxonin orong teren la boro bok at Lanasip.” Sam 3:8