Sam 23:5 - Madak

⁵ U lok gagas li leluxa silok tia, kuren la limixin munepen minia, dinaba ven ia, dola una seega rangarang ia ngan laradi silok. La unantu aumsu aleng lavanga inin tarak.

Sam 23:5 Iomraidhean Croise

Sam 104:15

la dinak lox asuusu leven vaen tik lox amomo di, la levenmonok dan olip nabak lox aklek di, la lengkong kide nabam taba di mi lolos.

Sam 116:13

Anaba song aurut mo lisintua dan vaen ngan laramtaba ri Leeme Silok, kusu ri tong avukat tin mumu neni ga lox arooro ia.

Sam 16:5

Leeme Silok, nenu mun tarak la kopmen tomoroa bok. Ang song kobot mumu mun u, la kopmen bok ba tepanga vetpes nia anak pakes tin. Lorooro axap tarak i nemen at lukngam.

Sam 22:26

Limixin banbalo dinaba an mais at leveluxa di vavara rin. Nedi di repukus taba Leeme Silok, dinaba emi asu min. A sing ne Moroa na lox anarong di xusu dina ngasang kobot amisik at levempanga axap!

Sam 22:29

Limixin dit las nedi, dinaba xis tiktikbu saparav i. Limixin at lavatbung menemen axap dinaba xis tiktikbu saparav i.

Sam 45:7

Uk lok momo mun mi leveloklok ik mokso la uk lox angtungun ti leveloklok ik lok kapmek. Ni lavasuun teren la ne Moroa, ni ne Moroa ram, ga soxolik ka u ngan loorong la ga raba u mi langsangan lomomo i volo lomomo atnedi lentaba lavaorong.

Sam 78:19

Diga tere asu at ne Moroa xeretna, “Kereva, i epovo ne Moroa naba raba dik mi teveluxa de at na lamatbin?

Sam 92:10

Ugara lox alolos pam ia ngan lavatbulumaxao aaxa; ugara lox anarong pam ia mi lomomo.

Sam 92:11

Agara ven pam u, uga sak tup mi lavamunepen tarak la aga ronga lerengteng at limixin dik lok laxapmek.

Metiu 6:17

Do mina mun an, mina saba nunuan lempatlak atnimi mi ladan momonok at la olip la mina gos avukat lenmeren nimi,

Lagale Lavavang At Ne Iesu Karisito Luk Ga Malagan i 7:46

Uxo lok li laxadan mavak at lavatlak tarak, ketla neni i soli laxadan mavak at luxangkedek tarak.

Lagale Lavavang At Ne Iesu Karisito Jon Ga Malagan I 16:22

I lok kuren mun tinimi; monga nemi mi bulu, ketla aba ven bok ba nimi la minaba umsu mi lomomo, la kopmen tara naba lok pes mo lomomo basinge nimi.

1 Korin 10:16

At leluxa at Leeme Silok nedik di tong loklox avukat ti ne Moroa mumu lakap orong i ngan lada at ne Karisito; la nedik di inin teren, i ngan ta do dik ta lok katling luruburu atdik maxeneng at ne Karisito. La do dik di anan at lakde, i ngan labantuxu at ne Karisito naba lox asuusu i do dik ta lok katling luruburu atdik maxeneng at ne Karisito.

2 Korin 1:21

Moroa xa ik lox alolos nema eburu minimi xusu dik ataba tu atmatkun keneng at ne Iesu Karisito. Neni ga soxolik ka dik,

Epesas 3:20

Ata emi asu mi ne Moroa, i epovo na lok laxampanga solo, mo i volo axap mo lempanga nedik di ngising tin la di doxoma i, la mo levempanga i ravasu at lololos teren, mo i gugu xeneng at lorooro atdik.

1 Jon 2:20

Ketla ne Iesu Karisito, Leeme Melemelengan, ga raba vam nimi mi Loroonan Kaala at ne Moroa, kuren la nemi axap miga ruuna ka vam levelinga ruturun teren.

1 Jon 2:27

Ketla nemi miga ruuna ka vam Loroonan Kaala, ne Iesu Karisito ga raba nimi min, la mo Loroonan Kaala ik lok keneng atnemi. La ixo epovo do tara na anasa nimi, ketla Loroonan Kaala i lox axasep nimi mi lempanga axap, la mo Loroonan Kaala xopmen laxaxarang mun, ketla ni i ruturun. La nemi minat kis esogo mi ne Iesu kerekngan Loroonan Kaala ira lox ase vam nemi min.