Sam 23:4 - Madak

⁴ Keke i do ana vas beles keneng at langsangan lamain bonot, nia noxo marat. Leeme Silok, u nemen eburu amisik minia, luvuukup mi lakdak taram ik lox amenemen amisix ia.

Sam 23:4 Iomraidhean Croise

Sam 110:2

Leeme Silok naba lox asilok mo lixitkis amgomgo ram naba ruka i ro Saion; la unabam gomgonga nedi lavamunepen taram.

Sam 118:6

Leeme Silok ik lok eburu minia, la nia xopmen a noxo marat at lempanga limixin kapmek diba lox i ria.

Sam 138:7

At levenaleng levenmumuat i tu kangkan ia, nenu uk lok tatao ia. Nenu up sep tangarang lavamunepen belemamao rak, la uk lox asepsu ia mi lolos taram.

Sam 14:5

Ketla melemu dinaba lingun aleng, atla ne Moroa i nemen eburu minedi limixin di mumu asu levelinga ren.

Sam 3:6

Nia axo marat at legesa sangaun larabin sangaun kobot limixin munepen minia di tu xangkan ia at levengkot axap.

Sam 44:19

Ketla uga ke aie xepe nema kantubu at na limixin di lok ngan laxampanga sio; uga raba arulu nema keneng at lamain bonot.

Sam 46:11

Leeme Silok ni Lanaraavuk la i nemen eburu midik; Moroa at ne Jakop ni loogu matmatkun atdik.

Metiu 1:23

‘Tatkin maxat naba balan madak la naba visik tamdak temes la limixin diba so asen i mi ne Emanuel.’ Ais 7:14 Lavasuun teren do, ‘Moroa eburu midik.’

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

Lagale Lavavang At Ne Iesu Karisito Luk Ga Malagan i 1:79

La ni naba lok ngan laxasep tinedi limixin di nemen keneng at lamain la tinedi bok dik lok maxopok at lamau at lanmet, la neni naba sat lavatpas atdik ti langas at lumulum.”

2 Timoti 4:22

Leeme Silok na nemen eburu mi loroonan taram. Letaba nabalamu at ne Moroa na nemen eburu minu. I ruturun.