Sam 21:9 - Madak

⁹ La ni naba sele utut kepe axap di ngan laxao, imsum at laxairing, dola ni na ru asuvos. Leeme Silok naba lox asi axap di mi lebelemamao ren, la laxao naba rin asonao di.

Sam 21:9 Iomraidhean Croise

Sam 106:17

Melemu lavatkangka ga rem suang la ga xonom ne Datan, la garak mit bok ne Abiram midi loxoetemen.

Sam 18:38

Aga bobo amet di, la digoxo epovo na xatu kaxar amlong; digak midi etaba ro melamgo rak.

Sam 18:8

Lusuxa ga ravasu at lisna ren la langangao at laxao bokbolot tin tin asonao vanga eburu mi laxali kao bokbolot ga ravasu at lungusno.

Sam 2:12

Minat kis tintiding to melamgo ren; naba lok kapmek do ni na musak la soso mun nemi axap mina uu. Nedi axap dik sixit uto saparap ne Moroa kusu ne Moroa na lok see atdi, dinaba momo.

Sam 2:5

La melemu neni i belengatngas tinotno, la i paase sok di la lumukmusak silok teren ing long amarat aleng tinotno di.

Sam 50:3

Moroa atnedik nom boro naba vot, ketla ni noxo vot atnaasan; laxao bokbolot nabam gomgo rin, eburu mi langsangan lamanman bet nabak lok kangkan i.

Metiu 13:42

La lubungangelo diba lu arup midi ro at lemenemen songsongot; ap mo loxot dibang teng la dina rungur ivivilis.

Metiu 13:50

la diba lu midi ro at lemenemen songsongot. Mo go dibang teng la dina rungur ivivilis.”

Metiu 22:7

La mo loorong silok ga musak teng. Ni ga riki limixin esep teren la diga sev amet di la diga xotos axap lemenemen silok atdi.

Metiu 25:41

Melemu nenia anaba lok tidi limixin to saparap lakngak kia, ‘Uto nimi basinge ia, nemi limixin, lasaxaek naba suxuna nimi; uto nimi at laxao i anan tos amisik, ne Moroa ga gagas min ti ne Satan la lubung angelo ren!

Metiu 25:46

La ne Iesu ga lok bok, “Na limixin Moroa ba riki aonon di ri losongsongot i nemen amisik, ketla limixin mokmokso dinaba lok ka lorooro avolo.”

Metiu 3:10

Moroa mo i gagas kusu ri tara asi larauna ro xa at laraixe atdi. Larauna do kopmen dina pisik asu lempeven una nunuan, neni naba ra asi di la na lu arup midi ro at laxao.”

Metiu 3:12

Neni naba ronga linga at limixin axap, la naba lok pes mun limixin avukat basinge limixin kapmek, kerekngan laradi loklok tatao laraamang i epes lenbolo avukat basinge lenbolo i gu; limixin avukat, neni naba lox arooro di uto vana at laxalibet i ngan lenbolo avukat; la limixin kapmek, neni naba lok li di at lemenemen songsongot, i ngan lenbolo gu di tara kutkut di.”

1 Tesalonia 2:16

digak lok pe nama xusu ma noxo tong asu bok Lagale Lavavang tinedi limixin kopmen di me Judaia, kusu di noxo vubeles at Linintoo at ne Moroa. Laxakapmek atnedi limixin me Judaia i silok la mo laxakapmek ti lok pe limixin kopmen di me Judaia i lox asilok laxakapmek atdi. Kuren la lebelemamao at ne Moroa ira rupot pam saparap di.

2 Tesalonia 1:8

La ne Moroa naba lox asongot nedi, dixokleklen i la nedi bok kopmen dinang tonga res at Lagale Lavavang at Leeme Silok atdik ne Iesu.

Lisilimet 19:15

Lavarise sengsen i sixisu boro at lungusno ren kusu ri sak tup minedi limixin at levennep silok. La neni naba lok tatao di ngan lamgomgo atnedi, la loklok tatao ren ba lolos aleng. Neni naba lox asuusu lebelemamao silok at ne Moroa i lolos aleng.

Lisilimet 20:14

La ne Moroa ga lu arup axap tino nga mi lanmet eburu mi lenep Edesa uto at lemet kao. Mo lemet kao, ni lanmet sepsev agepura.