Sam 19:9 - Madak

⁹ I lox avukat do laradi na lok ngangao at Leeme Silok, la limixin dinaba lok ngangao epasum amisik. Levelinga loklok akmokso at Leeme Silok ik mokso la i lox avukat amisik.

Sam 19:9 Iomraidhean Croise

Sam 10:5

Laradi xapmek ipnovos at levempanga axap ni ik lox i. Ni ixo epovo na xasep avukat at lavapaase ramtaba ina at ne Moroa. Neni i paase aksaksa ri limixin munepen min.

Sam 111:10

Loklok ti lok ngangao at Leeme Silok, neni lurutu kaxat ti levendomdoma nunuan. La im taba lodoxoma mokmokso rinedi ding tonga res teren. Leeme asu rin naba nemen amisik la noxo xap.

Sam 115:13

Neni naba lox anarong bok nedi di lok ngangao aleng teren, nedi limixin amgomgo la nedi limixin gamasa.

Sam 119:1

Luvukat mo ik lok tinedi lorooro atdi kopmen tosoogong teren, la di rooro mumu asu Lenavolo at Leeme Silok.

Sam 119:106

Anaba lox epovo laxakaape lolos tarak do, anaba mumu asu amisik mo leventaangas mokmokso ram.

Sam 119:111

Lempapaase matmatkun taram i lok ngan loxom pulus nunuan naba nemen amisik eburu minia, la i lox aumsu labalak mi lomomo.

Sam 119:142

Loklok taram naba nemen mokmokso amisik, la Lenavolo ram naba ruturun amisik.

Sam 119:39

Una ru pepe mo lempapaase aksaksa, ua ik lox amarar ia; leventaangas taram i lox avukat.

Sam 119:62

At lengkanimin tubu a katu kaxat kusu ana tong avukat tu ri nom leventaangas mokmokso ram.

Sam 119:7

Aba emi asu minu mi labalak i xasep, mo do nenia anaklen avukat leventaangas mokmokso ram.

Sam 119:75

O Leeme Silok, aklen i do leventaangas taram ik mokso aleng, la uk lox aleeng ia mila nenu u ruturun at laxakaape ram.

Sam 12:7

Limixin kakapmek di umsu at lengkot axap la nedi axap di emi asu mi laxakapmek. O Leeme Silok. Una lok tatao avukat nema basinge di. La una lok tooro nema xusu limixin kerepmo di noxo lok kapmek nema.

Sam 147:19

Neni ga raba limixin teren me Israel mi mo levelinga ren, ni laulis linga ren (ridi).

Sam 36:1

Laxakapmek ik lok atdan laradi xapmek keneng at lebelen; ik sok sisixe ne Moroa, la i xo ngangao ren.

Sam 36:6

Loklok mokmokso ram i tu tuxuruxun ngan lempatkaana; lempapaase ramtaba ina ram i lolos aleng ngan laras i ekapus. Limixin axap mi levempanga mi lavanuet kangkedek di nemen maxopok at loklok tatao ram.

Leven Gugu 10:22

Diga lok tin, “Laasesep at luvuttadi esep, ne Konilias i riki nema. Neni lagale laradi la ni i lotu saparap ne Moroa la limixin me Judaia di lok ngangao aleng teren. Laangelo at ne Moroa ga tong i rin do ni ba lam ka u uto at loogu ren, kusu neni naba ronga levelinga nu ba vaase i min.”

Lovoang At Ne Pol Ti Limixin Nunu to Rom 11:22

Kuren la mina ven kisip ba i do ne Moroa i belen tuntun la i tu bok mi loboat. Neni i tu mi loboat tinedi diga subu vam, ketla i belen tuntun tinimi do nemi move mik lok keneng at lebelen tuntun teren; ketla do mixok lok bok keneng teren, minaba repit pes bok.

Lovoang At Ne Pol Ti Limixin Nunu to Rom 2:2

Nema maklen i do ne Moroa ik mokso dola ni i ila mumu loklok at limixin di lok na leventaangas kapmek.

Lisilimet 15:3

la digak pixan mi loxompixan at ne Moses, lasaxaruki at ne Moroa la digak pixan bok mi loxompixan at Lanasip; diga lok keretna, “Moroa Leeme Silok, u lolos aleng. Lempanga axap nenu uk lox i, i silok la i lox avukat aleng. Leventaangas taram la leveloklok taram ik mokso la i ruturun aleng. Nenu Loorong Silok mavana at limixin axap at na lavatbung menemen.

Lisilimet 16:7

La melemu aga ronga lempapaase boro at loxonin laplavang ga lok keretna, “I ruturun aleng. Nenu ne Moroa, Leeme Silok, u lolos aleng. La lodoxoma ram ti lox asuusu mo levesongsongot, ik mokso la i epovo rinotno at loklok, mo limixin diga lox i.”

Lisilimet 19:2

mila lodoxoma ren ti raba limixin mi levesongsongot ik mokso aleng la i ruturun. Moroa ira lok li vam lumumuat at latkin ngarangat, mo ga lox abilinga limixin at na lavatbung menemen mi loklok ti elongka. La ne Moroa ira vorang pam laxakapmek ap mo latkin ga sev amet lavasaxaruki at ne Moroa.”