Sam 16:8 - Madak

⁸ Nia a xasep amisik ti Leeme Silok i nemen eburu minia; i nemen auret amisik la kopmen tavanga noxo sev asubu ia.

Sam 16:8 Iomraidhean Croise

Sam 109:31

Mila Leeme Silok i gagas amisik ti lok tooro limixin pakpakes; la ik lox asepsu nedi basinge limixin sepsep amet.

Sam 110:5

Leeme Silok mo i tu at lenep taram, la neni naba vas adamda lavaorong silok ap mo laaleng neni naba lox asuusu lebelemamao ren.

Sam 121:5

Leeme Silok naba reven tatao u; neni naba nemen saparav u kusu nak lok see ram.

Sam 139:18

La amo do ana us di, diba buaang polo laxanit kangkeneng. At loxonaleng nia a rakdu tuang, nenu move uk lok buru minia.

Sam 15:5

Im taba levendinau, ketla kopmen dina porang i mi luunun i volo. Ixo epovo do tara na un i mi tevempilas kusu na vaxaru taradi mokmokso at tavapaase. Laradi i mumu asu na leveloklok, lixitkis teren naba nemen matmatkun.

Sam 21:8

Loorong naba xoxo alis ka limixin axap di munepen min, la ni naba xoxo alis axap nedi di velox angtungun min.

Sam 62:3

Lavanisa aleng nemi lavamunepen mi vara i do mina esep eburu mi laradi kopmen tololos teren ngan loroboro i rem tereve si?

Sam 62:6

Neni xusuk ik lok tatao ia la ik lox asepsu ia; neni i tupe ia la kopmen tinotno tara noxo sev asubu ia.

Sam 62:7

Nia a nuunu saga mun at ne Moroa, atla ik lox asepsu ia la i lox asilox ia; neni i ruuna lolos ngan Lurutu See Pe rak; neni i lok ngan Loogu Matmatkun i kubak pe ia.

Sam 73:23

Ketla nanga a nemen saparap amisix u, la um tebeng lakngak tino.

Sam 73:26

Do lodoxoma rak la labantuxu rak na molos, ne Moroa neni lolos tarak. Neni xusuk mun nia ak pakes tin.

Ibru 11:27

Neni ga ruuna lunuunu, kuren la neni ga vas kaxat basinge lemenemen Isip la goxo marat at lumukmusak at loorong silok me go, ketla neni ga tu lolos at lunuunu ren, mila neni ga ven kibis ne Moroa, mo limixin di goxo epovo na ven i.