Sam 16:3 - Madak

³ Limixin tuturun at Leeme Silok, nedi limixin nunuan. Ak lok momo amisik ti nemen eburu midi.

Sam 16:3 Iomraidhean Croise

Sam 101:6

Anaba lox asuusu i at laxasep tinedi di ruturun amisik ti ne Moroa la anaba siam abeles nedi xusu dinabak lok eburu minia ro xeneng at loogu at loorong. La nedi ua dixo babala vukpuk, anaba siam ka di xusu dina gugu ria.

Sam 116:15

Leeme Silok giba bulu aleng mo do tara at limixin axa ren gi met.

Sam 119:63

Nenia lentangas atnedi limixin di gugu ru la atnedi bok di mumu asu levempapaase auru ram.

Sam 122:8

Nia a lok lisingising mumu lemenemen Jerusalem keretna, “Limila nak lok keneng teren.” Ak lox i xerepmo kusu lentaba rak la larapentangas tarak dinaban tuuna lorooro nunuan.

Sam 30:4

Nemi luvuttadi ruturun teren, minak pixan emi asu ri Leeme Silok! Mina doma lempanga silok laradi melemelengan gara lok pam i, la mina tong loklok avukat tin.

Leven Gugu 9:13

Ananias ga vorang i rin keretna, “Leeme Silok, buaang limixin diga tong lempanga ria mumu nom laradi, la mumu bok lempanga xakapmek ni ga lox i ri limixin taram to Jerusalem.

Galesia 6:10

Kuren la amo nga nedik move di ruuna levenaleng, i lox avukat do atanak lok loklok i lox avukat ti limixin axap, i ngan tinedi rinotno bok dik lox eburu minedik keneng at lunuunu atnedik.

Epesas 1:1

Nenia ne Pol, laradi vavang at ne Iesu Karisito; Moroa ga soxolik ka ia ri na lugugu. Nia a malagan na levelinga rinemi limixin nuunu boro Epesas, mi nuunu ruturun keneng at ne Iesu Karisito.

Taitas 3:8

Na levelinga mumu loklox arooro at ne Moroa i ruturun; la una lolos ti tong asu amisix i ri limixin nuunu me Krit, kusu dina lolos ti lok leven gugu nunuan. Na leven gugu nunuan i lox avukat la i lok tooro limixin axap.

Ibru 6:10

Moroa neni laradi mokmokso la neni noxo domampe leveloklok nunuan nemi miga lox i, la mo labalamu nemi miga lox asuusu i at laasen teren ap mo levenaleng miga lok tooro limixin teren la move mik lok tooro di.