Sam 146:9 - Madak

⁹ Neni i reven aratao nedi limixin me xadiong ua di nemen keneng at lenep kangka atnedik; ik lok tooro lempat naa rixin eburu mi lubung karun, ketla ik lox asaxaek (tino) nedi luvuttadi loklok kakapmek.

Sam 146:9 Iomraidhean Croise

Sam 10:14

Ketla nenu, Leeme Silok, u ven lenget ka mo levenmumuat la levesongsongot dik lox i ri limixin baava, la u gagas amisik kusu una lok tooro di. Limixin pakpakes di vosiga u xusu una lok tooro di la uk lok tooro amisik di.

Sam 145:20

Neni ik lok tatao nedi ua di vavara aleng tin, ketla neni naba sev amet nedi limixin dik lok laxapmek.

Sam 147:6

Neni ip kip aurut nedi ua dik lox asi di, ketla it pas puuvus nedi luvuttadi loklok kakapmek uto xopok at laxangka.

Sam 18:26

La uk lok lempanga i dadat tinedi loklok atdi i dadat. Ketla do tentaba dik lok laxakapmek, nenu u porang loklok atdi mi laxakapmek.

Sam 68:5

Moroa i nemen to xeneng at loogu laplavang teren i xaala; ni i kok lubungkurun la ik lok tatao lubung naa rixin, lavatlok atdi diga met pam.

1 Korin 3:19

Limixin at na lavatbung menemen di lok do lakleklen atnedi i silok aleng tinotno, ketla nom lakleklen atnedi i lok ngan mun lavanga gamasa at lemeren ne Moroa. I ngan Lovoang Kaala i tong i xeretna, “Moroa i vuulu lugugu at limixin akleklen.” Jop 5:13

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.