Sam 14:2 - Madak

² Leeme Silok ik milik si boro vana at lebelen laxalibet, la i reven limixin axap, do ni naba epovo ri ven kaka taradi leklen la tara bok i lotu saparav i.

Sam 14:2 Iomraidhean Croise

Sam 107:43

Do nege lodoxoma ren i xasep nunuan, ni na doma mumu i na lempanga, la na doma mumu avukat bok labalamu lexen at Leeme Silok.

Sam 11:4

Leeme Silok, mo it kis at loogu laplavang kaala ren; lixitkis orong teren ik lok toxun pana at lebelen laxalibet. I reven tatao limixin axap at lavatbung menemen la ikleklen axap levempanga dik lox i.

Sam 69:32

At loxonaleng limixin baava dina ven i na, dinabak lek aleng; la nedi di ngising parap ne Moroa, dinaba epang aru kantubu atnedi xa.

Sam 82:5

Laxampanga vereven aie nimi! Langas panga rangtangku! Nemi laxampanga main! La kopmen tara atnimi i lok tempanga mokmokso at lavatbung menemen.”

Sam 92:6

La ixo epovo xusu taradi baulang naklen mo lempanga; taradi rangtangku bok ixo epovo ri xasep teren.

Metiu 13:15

Lavasuun teren do levendoxoma at na limixin ira rebonot pam, la dira bong pe vam lenbaalung atdi la dira vam pe bok pam lengkatli atdi. Do kopmen, lengkatli atdi ba reven la lenbaalung atdi nang tonga la levendoxoma atdi na xasep la dina leeng la ana lox avukat nedi. Ais 6:9-10

Lovoang At Ne Pol Ti Limixin Nunu to Rom 3:11

La kopmen teta ikleklen lomokmokso, kopla i puse ri ne Moroa.

Ibru 11:6

La mo do tara xopmen tunuunu ren, ixo epovo ni na lox amomo ne Moroa, mila do tara i vara na vot pasa ne Moroa, neni na nuunu do ne Moroa mo i rooro la neni i epovo naba lox anarong nedi lebelen di i ngaongao xusu dinaklen ne Moroa.