Sam 128:1 - Madak

¹ Luvukat tinedi mo ding tonga res at Leeme Silok, la lavatpas atdi i mumu asu leventaangas teren.

Sam 128:1 Iomraidhean Croise

Sam 103:1

Labalak, una emi asu mi Leeme Silok! Lorooro axap tarak, una emi asu mi laasen kaala ren!

Sam 103:13

I ngan ne temen laxamdak i belemumu luvutnitna, kuren la Leeme Silok i belemumu nedi ua dik lok ngangao ren.

Sam 103:17

Ketla nedi dik lok ngangao at Leeme Silok, labalamu ren ik lok amisik mavana atnedi, la luvukat teren ik lok amisik tinedi lavaola axap,

Sam 112:1

Ata emi asu mi Leeme Silok. Luvukat ti mo laradi i lok ngangao at Leeme Silok, la i lok momo aleng ting tonga res at levelinga at ne Moroa.

Sam 115:13

Neni naba lox anarong bok nedi di lok ngangao aleng teren, nedi limixin amgomgo la nedi limixin gamasa.

Sam 119:1

Luvukat mo ik lok tinedi lorooro atdi kopmen tosoogong teren, la di rooro mumu asu Lenavolo at Leeme Silok.

Sam 119:3

Dixo lok tempanga i bilinga, ketla dit pas mu asu leveloklok at Leeme Silok.

Sam 120:1

Aga ngising ti Leeme Silok keneng at levenmumuat tarak, la neni ga lok tooro ia.

Sam 121:1

A milik aurut at lempatkaana, la a lok keretna, “Loklok tooro ria naba laa meava?”

Sam 122:1

Aga momo aleng atla diga lok tia, “Uto dik at loogu at Leeme Silok.”

Sam 123:1

O Leeme Silok, a milik aurut tu, toxun pana at laxalibet at loxot nenu ut kis teren la um gomgonga limixin na de xopok.

Sam 124:1

Mo do Leeme Silok gixo tu at lenep atdik, nedik limixin axap me Israel giba exip tangarang mi lempanga salai?

Sam 125:1

Nedi di nuunu saga at Leeme Silok, di lok ngan Lakaana Saion ua ixo epovo do tara nakma asubu i, ketla naba tu atmatkun lexen tino.

Sam 126:1

Gase Leeme Silok ga lam asu amlong nema limixin kokoxo uto Saion, maga nunua i do magam tobo mun.

Sam 127:1

Mo do Leeme Silok noxo vaxaru loogu, limixin kipkip gu di noxo lox adak toxot. La do Leeme Silok noxo ven tatao bok temenemen silok, luvuttadi pereven tatao di noxo lox adak toxot.

Sam 147:11

ketla in tuuna xaka lomomo atla limixin di nuunu saga at labalamu lexen teren.

Sam 81:13

Nia aga vavara rinotno i xusu limixin tarak dinang tonga ia; la a vara rinotno i xusu dinang tonga res tarak!

Lagale Lavavang At Ne Iesu Karisito Luk Ga Malagan i 1:50

I lox asuusu labalamu ren tinedi di lok ngangao ren at laraola axap.

Lagale Lavavang At Ne Iesu Karisito Luk Ga Malagan i 1:6

Nedu buru duga nemen mokmokso at lemeren ne Moroa, la duga mumu asu amisik levelinga at ne Moroa, la leventaangas bok teren.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

1 Tesalonia 4:1

Nia ana lox axap levelinga rak. Luvutnetak mi luvurinuk. Maga lox ase vam nimi mi lavatpas at limixin di nuunu xusu mina rooro avukat la mina lok mo levempanga avukat ne Moroa i vara i. Mik lox i xerepmo, ketla ma sing nimi at lemeren Leeme Silok, ne Iesu keretna; mina lolos kusu lorooro atnimi naba lox avukat axap.