Sam 112:5 - Madak

⁵ Luvukat nabat pas ti mo lara im taba gamasa, la ik lok momo mun do limixin dinang sing panga i, la ik lok mo lugugu pilas teren mi lomokmokso.

Sam 112:5 Iomraidhean Croise

Sam 37:21

Laradi xapmek i ngising panga ketla kopmen na porang amlong i. Ketla laradi avukat ik lok momo rim taba mi leventamtaba ren.

Lagale Lavavang At Ne Iesu Karisito Luk Ga Malagan i 23:50

Lara laradi laasen teren ne Josep boro at lara lemenemen at leme Judaia laasen teren Arimatia. Ga neni lagale laradi, la limixin diga lok ngangao aleng teren, la ni ga ngangais Linintoo at ne Moroa.

Lagale Lavavang At Ne Iesu Karisito Luk Ga Malagan i 6:35

Mina balamu limixin dit kis munepen minimi, la mina lok luvukat tidi; mina raba di mi lempanga la nemen gat mita sing amlong tin. Do mina lok na lempanga avukat, miba ruuna ka langsangan luunun, la nemi miba ngan laxamdak at ne Moroa Silok Aleng. Mila Moroa ik lox avukat tinedi limixin kopmen dinak lox avukat tin la tinedi bok dik lok laxakapmek.

Lagale Lavavang At Ne Iesu Karisito Jon Ga Malagan I 6:12

Se diga an mais axap, Iesu ga lok ti luvuttadi loklok ka anasa ren, “Mina lok ka bubua lengkon atat luxa; nemen dik ata ke xepe tengkot.”

Leven Gugu 11:24

Banabas ga lok tooro di mila neni lagale laradi ga umsu mi Loroonan Kaala la lunuunu ren ga lolos. La buaang nedi limixin me Antiok diga raba lorooro atnedi ri Leeme Silok.

Lovoang At Ne Pol Ti Limixin Nunu to Rom 12:11

Mina gugu lolos, la nemen gat migutak molo. Mina gugu taba Leeme Silok mi lebelen nimi la lodoxoma axap atnimi.

Lovoang At Ne Pol Ti Limixin Nunu to Rom 5:7

I lolos aleng ti tara xusu neni na met ti taradi mokmokso. Nia a lok do agut tepenaleng ba go, tara naba mulus ti met ti laradi avukat.

Epesas 5:15

Nemi mina lok tatao avukat lavatpas atnemi. Nemen mitat pas ngan laradi kopmen takleklen teren. Minat pas ngan laradi i ruuna lakleklen.

Pilipai 1:9

Lisingising tarak saparap ne Moroa i lok keretna. Nenia a ngising do labalamu atnimi na sisilok, eburu mi lakleklen tuturun, la lodoxoma nunuan,

Kolosi 4:5

Mina ruuna ka loklok nunuan at lorooro atnimi rip tuvuk avukat saparap nedi nom kopmen dina nuunu; la mina gagas at levenaleng axap ti tong asu Lagale Lavavang tidi.