Sam 112:4 - Madak

⁴ Limixin avukat di lok ngan laxasep ik lok kantubu at lamain; la dik lox asuusu lebelemumu, loklok anare, la loklok ik mokso.

Sam 112:4 Iomraidhean Croise

Sam 106:1

Nedik ata emi asu mi Leeme Silok. Ata tong avukat ti Leeme Silok, mila neni mun i lox avukat aleng, la labalamu ren naba nemen amisik.

Sam 116:5

Leeme Silok i umsu mi lebelemumu la luvukat; Moroa atdik neni laradi balamu.

Sam 145:17

Loklok at Leeme Silok in manton tinotno keneng at levempanga axap neni ik lox i, leven gugu ren ik lox i, ik lox i eburu mi lebelemumu ren.

Sam 37:6

la ni naba lox asaxaven loklok sepse atnimi ri limixin la naba xasep ngan labaranan; la loklok mokmokso atnimi naba tu asaxaven ngan laxangking tubu.

Sam 97:11

Leveloklok anarong i ngan laxasep i soosoo mavana atnedi limixin manmanton; la leklek ik lok atnedi luvuttadi avukat.

Lagale Lavavang At Ne Iesu Karisito Luk Ga Malagan i 6:36

Mina balamu limixin axap, kerekngan mun ne Temen nimi ne Moroa i balamu limixin axap.”

Lagale Lavavang At Ne Iesu Karisito Jon Ga Malagan I 12:46

Nia aga rupot ti na lavatbung menemen ngan laxasep kusu tara na nuunu rak, neni noxo nemen at lamain.

Epesas 4:32

La mina suxa lorooro atnimi mi lebelen tuntun la labalamu kantubu atnemi limixin nuunu, la mina domampe laxakapmek atnimi getgesara kerekngan ne Moroa ga lok pes laxakapmek atnimi at laasen at ne Karisito.

Epesas 5:15

Nemi mina lok tatao avukat lavatpas atnemi. Nemen mitat pas ngan laradi kopmen takleklen teren. Minat pas ngan laradi i ruuna lakleklen.

Epesas 5:9

Mo laradi i ruuna laxasep at lorooro ren i lox asuusu luvukat, loklok mokmokso la loklok at lavapaase i ruturun.

1 Jon 2:29

Nemi mi xasep do ne Iesu neni Leeme Mokmokso, la kerepmo nemi mi xasep bok do laradi ik lok leveloklok nunuan, i lox asuusu i do neni i ruuna ka vam livipisik amaxat.

1 Jon 3:10

Anai i lox axasep dik do nege di luvutnitna ne Moroa, la nege bok di luvutnitna ne Satan. Lara do i lok tavanga kopmen nak mokso, kopla kopmen na balamu neton, neni xopmen ne nitna ne Moroa, ketla neni ne nitna ne Satan.

1 Jon 3:7

Luvutnuruk orong. Mina lok tatao avukat nemi kusu tara noxo sar asoogong nimi. Do tara ik lox amisik lempanga ik mokso, neni laradi mokmokso, kerekngan ne Iesu ik mokso aleng.