Sam 112:1 - Madak

¹ Ata emi asu mi Leeme Silok. Luvukat ti mo laradi i lok ngangao at Leeme Silok, la i lok momo aleng ting tonga res at levelinga at ne Moroa.

Sam 112:1 Iomraidhean Croise

Sam 111:1

Nedik ata emi asu mi Leeme Silok. Anaba tong avukat ti Leeme Silok mi labalak axap kantubu at lovotpot buru at limixin mokmokso ren.

Sam 111:10

Loklok ti lok ngangao at Leeme Silok, neni lurutu kaxat ti levendomdoma nunuan. La im taba lodoxoma mokmokso rinedi ding tonga res teren. Leeme asu rin naba nemen amisik la noxo xap.

Sam 119:14

A momo ri mumu asu levempapaase matmatkun taram, i ngan lara i momo mi langsangan lapnovos.

Sam 119:143

Levenmumuat mi lodoxoma saasaa mo ira ebosa mavana rak, ketla levempapaase ali ram ik lox amomo ia.

Sam 119:16

A momo aleng at leventetere avolo ram, kuren la a noxo doma aie xepe ba levelinga ram.

Sam 119:35

Una lam ia xusu ana mumu asu mo levempapaase ali ram, mila ik lox asuusu lomomo ria.

Sam 119:97

Labalak i tu munLenavolo ram, la am doma mumu amisix i at levenaleng kangking la kanimin.

Sam 128:1

Luvukat tinedi mo ding tonga res at Leeme Silok, la lavatpas atdi i mumu asu leventaangas teren.

Sam 145:19

Neni im taba epovo ri levem pakpakes atnedi ua dik lok ngangao ren; ing tonga leven anteng atnedi la irak lox asepmus nedi.

Sam 147:1

Leemi asu ri Leeme Silok! I lox avukat kusu atak pixan emi asu ri ne Moroa atnedik; ik mokso rinotno la ik lox asuusu lomomo tinedi dina emi asu mi Leeme Silok.

Sam 150:1

Leemi asu ri Leeme Silok! Mina emi asu mi Leeme Silok to xeneng at loogu laplavang teren! Mina emi asu mi lolos teren toxun pana at laxalibet!

Sam 40:8

Moroa rak, a vavara mene i xusu ana gugu mu asu mun lavavara ram! Levempanga axap uga lox ase ia min, i nemen keneng at labalak.

Lagale Lavavang At Ne Iesu Karisito Luk Ga Malagan i 1:50

I lox asuusu labalamu ren tinedi di lok ngangao ren at laraola axap.

Lovoang At Ne Pol Ti Limixin Nunu to Rom 7:22

La to xeneng tinotno rak, a vavara rinotno ri Lenavolo at ne Moroa.

Lovoang At Ne Pol Ti Limixin Nunu to Rom 8:6

Do levendoxoma atnedi na mumu asu mun lavavara at labantuxu, laxavaxap teren, lanmet; ket do levendoxoma atdi na mumu asu lavavara at Loroonan Kaala, laxavaxap teren, lorooro eburu mi lenmila.