Sam 102:1 - Madak

¹ O Leeme Silok, una ronga lerengteng tarak la una lox epovo lisingising tarak ti loklok tooro ram tia.

Sam 102:1 Iomraidhean Croise

Sam 12:5

Ketla Leeme Silok i vaase xeretna, “Na nia anaba vot, atla di lox abaava limixin dik pakes. La nedi di sev asongot labantuxu atdi mo dip kup mi losongsongot. Anaba raba nedi limixin baava mi nom lixitkis avukat ding kongkat tin.

Sam 143:4

Kuren la a gagas kusu ana raba xepe nga lorooro rak; atla lodoxoma abulubun na i suxuna rinotno nga ia.

Sam 143:7

Leeme Silok, una ronga res tarak! Nia ara doma abulubun tino. Uguta lok alipe u basinge ia, lavanga ana emu buru minedi ua di si uto xopok at lemenemen at labarongan.

Sam 145:19

Neni im taba epovo ri levem pakpakes atnedi ua dik lok ngangao ren; ing tonga leven anteng atnedi la irak lox asepmus nedi.

Sam 18:6

At lumumuat keneng at lorooro rak, aga ro ke at Leeme Silok. Aga ro ke at ne Moroa rak ti loklok tooro ro xeneng at loogu laplavang teren la ni ga ronga laxaka rak; la ga ronga bok lerengteng tarak ti loklok tooro basinge lavamunepen tarak.

Sam 39:12

Leeme Silok, una ronga lising tarak. Una ronga ri lanteng tarak; una lok tooro ia do nia anang teng tuntun. Nia a lok ngan lavalabat tarak diga nemen ngan lavaose ram nade xopok at na lavatbung menemen atla di goxo rooro abao.

Sam 42:4

Lainbulu i suxuna ia at loxonaleng am doma su at levenaleng migomgo. At nom levenaleng nia aga emu mi limixin solo uto at loogu at ne Moroa; la nia agam gomgo nga di at nom lavatpas. Buaang limixin digat pas mi lomomo, livikpixan mi luxupkup mi leemi asu saparap ne Moroa.

Sam 5:2

Una ronga res at lerengteng tarak ti loklok tooro. Nu ne Moroa rak la Loorong Silok tarak! Nia a sing tu. O Leeme Silok,

Sam 61:2

Nia a bulu aleng la ak lok to vaxalom basinge lemenemen tarak, la a ngising tu. Una lok kaka ia uto at loxot loklox alipe,

Sam 62:8

Nemi limixin tarak. At levenaleng axap mina nuunu saga at ne Moroa. Mina tong asu levenmumuat atnemi rin, atla neni loxot loklox alipe atnedik.

Sam 77:3

At lengkonaleng amdoma mumu ne Moroa, lamamas tarak ixot lottu saga la arat mas gaaga. La mo do anam doma mumu levelinga ren, arak lox abulubun bok tarak.

Lagale Lavavang At Ne Iesu Karisito Luk Ga Malagan i 22:44

La neni ga bulu aleng la ga sing lolos tinotno, la lantentelep teren ga sen su ukopok ti laxangka ga ngan lempatkaarum da.]

Ibru 5:7

Ap mo levenaleng ne Iesu ga rooro ren at na lavatbung menemen, neni ga sing eburu mi lerengteng silok ti ne Moroa do na lox arooro i basinge lanmet, la ne Moroa ga sepo lisingising teren la ga lox alolos i mila neni ga lox asi i maxopok at lavavara at ne Moroa.