Sam 100:3 - Madak

³ La mina ven kibis i do Leeme Silok neni ne Moroa. Neni ga rudum dik, la nedik ateren akmokso; nedik limixin teren, nedik laxasipsip teren.

Sam 100:3 Iomraidhean Croise

Sam 119:73

Uga rudum ia mi lukngam la uk lox alipe ia basinge laniu; um taba ia mi levendoxoma nunuan kusu ri lox ase at levempapaase ali ram.

Sam 12:4

“Mi levelinga atdik dik ta lok kaka levempanga dik ta vara rin. La dik ta tong levempanga nedik ta vara i do ata tong i, la ixo epovo tara na sep pepe dik.”

Sam 149:2

Nemi leme Israel, minak lek mumu laradi runtudum li atnemi; nemi limixin me Saion mina momo mumu mo Loorong Silok atnemi!

Sam 46:10

Moroa i lok keretna, “Lumulum! Na xap ta leesep, la mina xasep do nia ne Moroa. Nia Loorong Avolo mavana at larabung mixin axap, nia Loorong Avolo mavana at lavatbung menemen axap.”

Sam 78:52

Melemu neni ga lam asu limixin teren me Israel ngan laradi loklok tatao sipsip la ga lam avolo di ro lamatbin.

Sam 79:13

Kuren la nema limixin taram, ma ngan laxasipsip taram, manaba tong avukat amisik tu la manaba emi asu amisik minu at levenaleng axap i tu melamgo atnema.

Sam 95:3

Atla Leeme Silok neni Lanaraavuk ne Moroa, neni Loorong Silok i lolos kimit axap levenmoroa xaxarang.

Lagale Lavavang At Ne Iesu Karisito Jon Ga Malagan I 17:3

Lorooro avolo i lok keretna; do dinakleklen u, legesa Moroa ruturun kusuk mun la dinakleklen ia, ne Iesu Karisito, nenu ga riki ia ude.

2 Korin 4:6

Moroa axa ga lok keretna, “Laxasep na soosoo su at lamain.” Neni mun ne Moroa mo ga lok laxasep teren i soosoo xeneng at lorooro atdik kusu ri raba dik mi laxasep at lakleklen mumu lisisixam at ne Moroa mo ga soosoo at lemeren ne Karisito.

Epesas 2:10

Nedik ta lok ngan loogu ne Moroa ga vaxaru i, mila neni ga rudum li nedik at lekngen ne Iesu Karisito, kusu nedik taba lok leven gugu nunuan, mo ne Moroa ga gagas li avot pam i xusu dik taba lox i.

1 Pita 2:25

Nemi miga lok ngan laxasipsip diga soronga, ketla ana nga, migaramlong pam kusu mina mumu asu Lamgomgo atnemi la neni laradi loklok tatao bok at lorooro at loroonan atnemi.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.

1 Pita 4:19

Kuren la nedi dik lok kaka losongsongot mila dik lok mu asu lavavara at ne Moroa, dina tu lolos at leveloklok nunuan, la lunuunu atnedi na tu tuxuruxun at ne Moroa, laradi runtudum li, la neni kopmen na domampe laxakaape ren.

1 Jon 5:20

Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.