Sam 1:2 - Madak

² Ketla, di suma ka lomomo atla di mumu asu Lenavolo at Leeme Silok, la dim doma mumu amisix i at levenaleng kangking la at levenaleng kanimin bok.

Sam 1:2 Iomraidhean Croise

Sam 104:34

A vara i do ni naba momo at lengkom pixan tarak, atla leklek tarak i laala boro ren.

Sam 112:1

Ata emi asu mi Leeme Silok. Luvukat ti mo laradi i lok ngangao at Leeme Silok, la i lok momo aleng ting tonga res at levelinga at ne Moroa.

Sam 119:1

Luvukat mo ik lok tinedi lorooro atdi kopmen tosoogong teren, la di rooro mumu asu Lenavolo at Leeme Silok.

Sam 119:11

Ara xonom ka axap pam levelinga ram mi leveeve rak, kusu nenia a noxo lok taxakapmek tu.

Sam 119:35

Una lam ia xusu ana mumu asu mo levempapaase ali ram, mila ik lox asuusu lomomo ria.

Sam 119:72

Mo levelinga nenu uga raba ia min, ni i lok nunuan aleng ti lempilas axap at na lavatbung menemen.

Sam 119:92

Mo do Lenavolo gixo lox amomo ia, nia ro gira met pam mumu laxasongsongot tarak.

Sam 40:8

Moroa rak, a vavara mene i xusu ana gugu mu asu mun lavavara ram! Levempanga axap uga lox ase ia min, i nemen keneng at labalak.

Sam 88:1

Leeme Silok ne Moroa, nu laradi loklox arooro rak, ang teng tu at levenaleng kangking la at lengkanimin at pas parav u mi lisingising.

Lagale Lavavang At Ne Iesu Karisito Luk Ga Malagan i 18:7

La kereva, ne Moroa? Neni naba ronga linga at limixin axa ren, mo di ngising amisik tin kusu ri loklok tooro at lengkangking la at lengkanimin. La neni noxo lok sila bok kusu ri lok tooro di.

Lagale Lavavang At Ne Iesu Karisito Luk Ga Malagan i 2:37

La latlok teren ga met la melemu neni ga nemen naa; la levenmaares teren ga epovo at lavanuan sangaun mi lavanuet. Neni xopmen goxo onon basinge loogu laplavang; at lengkangking la lengkanimin, ni ga lotu saparap ne Moroa la ni ga mun anan la ga ngising.

Lovoang At Ne Pol Ti Limixin Nunu to Rom 7:22

La to xeneng tinotno rak, a vavara rinotno ri Lenavolo at ne Moroa.

1 Tesalonia 2:9

Luvutnetak mi luvurinuk. Mina doma bilong ti mo lugugu lolos atnama. Maga tong asu Lagale Lavavang at ne Moroa rinimi, la maga gugu at lengkangking la at lengkanimin, maga gugu pilas kusu nemi mi noxo kepe tevempilas atnimi xusu ri lok tooro nama.

1 Timoti 4:15

Una mumu asu amisik na levempanga la una raba lorooro axap taram tin, kusu limixin axap diba ven lusuusu at lugugu ram.

2 Timoti 1:3

Nenia a tong avukat ti ne Moroa, nia a gugu rin ngan lavalabat tarak diga gugu rin la kopmen taxapmek i nemen keneng tarak. Nia a emi asu amisik mi ne Moroa at levenaleng kangking la levenaleng kanimin keneng at levesingising tarak.

1 Jon 5:3

Do nedik ta ronga res at levelinga ren, i lox asuusu i do dik ta balamu ne Moroa. La noxo lolos tinedik kusu tana mumu asu levelinga ren.