Lovoang At Ne Pol Ti Limixin Nunu to Rom 9:4 - Madak

⁴ Nedi limixin soksoxolik ka at ne Moroa; la ni ga lok li nedi ngan luvutnitna. Ni ga lok levenekabus eburu minedi la lisisixam teren ga nemen kantubu atdi, la ga raba nedi mi Lenavolo; la diklen langas kusu dina lotu saparav i mi luruturun; la dira ruuna ka vam levengkakaape ren.

Lovoang At Ne Pol Ti Limixin Nunu to Rom 9:4 Iomraidhean Croise

Sam 147:19

Neni ga raba limixin teren me Israel mi mo levelinga ren, ni laulis linga ren (ridi).

Sam 63:2

A vara i do anaba ven u ro at loogu xaala, a vara i do ana ven lolos la lisisixam taram.

Sam 73:1

Moroa ga vukat tuturun tinotno ri leme Israel, la tinedi ua levempeeve atnedi i kasep.

Sam 78:61

Neni ga siam avolo lavamunepen atnedi xusu dina sak paxat ka lobokis at lekabus, neni mo loklok poovo at lolos la lisisinang teren.

Sam 89:3

Uga vaase xeretna, “Agara lok pam lekabus mi mo laradi nia aga soxolik kaka i; agara xaape vam ti lasaxaruki rak ne Devit, keretna,

Sam 89:34

A noxo los polo lekabus tarak eburu min kopla ana ke xepe tara taxakaape go agara lox pam i eburu min.

Sam 90:16

Una lox avolo nema lavasaxaruki ram kusu mana ven leven gugu lolos taram; una lok bok livipisik li atnema xusu dina ven mo lolos silok taram.

Metiu 21:33

La ne Iesu ga lok bok tidi, “Mina ronga bok na lara lavapaase poovo. Lara laradi ga ruuna loxongkangka la gatlo laraamang vaen teren. La ni ga bos kangkan i la ga xe lamamara kusu ri loplok li levendan vaen teren; la melemu ga lok loogu xukuxut. La ni ga raba lentaba luvuttadi min kusu dina lok tatao i la neni ga vas kaxat uto at lenep petpes.

Lagale Lavavang At Ne Iesu Karisito Jon Ga Malagan I 1:17

Moroa ga raba avolo ne Moses mi Lenavolo; ketla letaba nabalamu at ne Moroa mi levelinga ruturun ga ravasu at ne Iesu Karisito.

Lagale Lavavang At Ne Iesu Karisito Jon Ga Malagan I 1:47

At loxonaleng ne Iesu ga ven ne Natanael ga vas auret, la ni ga vaase mumu i xeretna, “Neni laradi ruturun boro Israel; kopmen tempanga xaxarang nak lok at lorooro ren.”

Leven Gugu 2:39

Moroa ga lok na lavapaase alii rinimi la livipisik li bok atnimi la tidi bok no di nemen paxalom, la tinedi axap ne Moroa naba ro xaka nedi.”

Lovoang At Ne Pol Ti Limixin Nunu to Rom 3:2

Laaba, limixin me Judaia dik lox avot keneng at lodoxoma at ne Moroa, la ne Moroa ga doxoma rinotno i do ni na raba levelinga ren tidi kusu dina lok tatao i.

Lovoang At Ne Pol Ti Limixin Nunu to Rom 8:15

atla Loroonan no ne Moroa gara raba vam nimi min ik lok nimi xusu mi noxo marat ngan lasaxaruki; ketla i lok nimi xusu nemi luvutnitna ne Moroa, la nedik di toro ri ne Moroa mi lololos at Loroonan Kaala keretna, “Tamak! Tamak!”

Lovoang At Ne Pol Ti Limixin Nunu to Rom 9:6

Nia axo vaase dola, ne Moroa goxo lox epovo laxakaape ren; atla kopmen limixin axap me Israel nedi limixin soksoxolik ka at ne Moroa.

2 Korin 11:22

Kereva, nedi limixin me Ibru? Nenia bok pam kuren. Kereva, nedi limixin me Israel? Nenia bok pam kuren. Kereva, nedi livisik li at ne Abaram? Nenia bok pam kuren.

Galesia 3:16

La i ngan pam ne Moroa ga lok laxakaape ren ti ne Abaram eburu mi legesi visik li ren. Lovoang Kaala kopmen na vaase mi loxolinga ri limixin solo, ngan loxolinga “Livipisik li ren.” Lavasuun teren do buaang limixin, kopmen. Legesara mene nga, ngan loxolinga, “Legesi visik li ren,” la neni ne Karisito.

Epesas 2:12

Nemen mita domampe i do miga lok kereva ganoxa. Ap mo levenaleng nemi goxoklen ne Karisito. Nemi miga lok ngan limixin kadiong ti leme Judaia la goxopmen tenep atnimi keneng at levenekabus no ne Moroa ga lox i eburu mi limixin teren. La goxopmen todoxoma voovo rinotno atnemi, la at na lavatbung menemen mi goxoklen ne Moroa.

Ibru 9:1

At lekabus migomgo Moroa ga raba leme Israel mi leventaangas kusu dina mu asu i ri lok leven gugu xeneng at lotu, la diga bak kangkan loxot silok ti lotu saparap ne Moroa.

Ibru 9:10

Mo leveloklok ti laanan la liinin la leventaangas ti sogos panga, mo leventaangas ga nemen mun kusu mo limixin dina mumu asu i se at laaleng lekabus maxat ga vot.

Ibru 9:3

To melemu at na loxonnep gu, ni lenep gu i sev agepura; diga soxor i do loxot i xaala aleng tino. Lara lavattamon ga merem to xantubu ri lox epeseves mo lunep gu.

Ibru 9:5

To mavana at na lobokis luvanga raptava at ne Moroa mo dugak lox asuusu lisisixam silok boro vana at laxalibet, duga tu puvung mo loxot, ua lavamaasa diga sep susu i mi lada at levempanga mi lavanuet kangkedek atdi xusu ne Moroa na doxoma xepe laxakapmek at limixin. Ketla mo nga nia xopmen na epovo kusu ana re axap na levempanga.

Ibru 9:6

Melemu at na, do digara lox agagas li vam na loogu kadis, lavamaasa diga ru ka ba i kusu dina lok leven gugu atdi. Diga pubeles uto xeneng mun at lenep gu avot at levenaleng axap ti lok lugugu atdi ngan lavamaasa.