Lovoang At Ne Pol Ti Limixin Nunu to Rom 9:3 - Madak

³ La i epovo dola nenia gita xip tutu mi lebelemamao at ne Moroa la gita lox epeseves ia basinge ne Karisito, kusu ri lok tooro luvutnetak, nedi limixin axa rak me Judaia.

Lovoang At Ne Pol Ti Limixin Nunu to Rom 9:3 Iomraidhean Croise

Leven Gugu 13:26

Luvutnetak mi luvurinuk. Ana tong na levelinga rinemi. Moroa ga riki ne Iesu ri livipisik li at ne Abaram, la tinemi bok kopmen me Judaia mi nemen de mo mi lotu saparap ne Moroa. Ni ga raba nedik mi na Lagale Lavavang ti lorooro avolo!

Leven Gugu 22:5

Lamaasa gomgo at luvuttadi laplavang la nedi bok luvuttadi amgomgo dikleklen i do nia a paase ruturun. Aga lok ka levelinga loklox axasep boro atdi luvuttadi amgomgo rinedi leme Judaia ro Damasko. Kuren la nia agat pas ugo xusu ana xoxo ka mo limixin la ana lok ka amlong di uto Jerusalem kusu dina xip lumumuat.

Leven Gugu 28:21

Diga lok tin, “Maxo ruuna tevelinga loklox axasep boro Judaia mumu u, kopla tara atnema me Judaia ga laa me go mi tevelinga, kopla gita tong tevelinga xapmek mumu u.

Lovoang At Ne Pol Ti Limixin Nunu to Rom 1:3

mumu ne Nitna ni Leeme Silok atnedik ne Iesu Karisito ni ga nemen ngan laradi mede at na lavatbung menemen, diga visix ka i at livipisik li at ne Devit.

Lovoang At Ne Pol Ti Limixin Nunu to Rom 11:1

A sue bok keretna. Kereva, ne Moroa ga sok tixirixes kepe limixin tinotno ren? Kopmen tinotno! Nenia rinotno vam lara me Israel la nenia at livipisik li at ne Abaram la nenia at libibinat me Beniamin.

Lovoang At Ne Pol Ti Limixin Nunu to Rom 11:14

Nia a lok do mo lugugu rak naba lok bok limixin tinotno rak dinaba vaase mumu ia, kuren la anaba lox epovo i xusu ana lok ka amlong teventaba atdi.

Lovoang At Ne Pol Ti Limixin Nunu to Rom 16:11

Lavapaase momo bok ti ne Erodian leeme me Judaia la ti luvutnetak at laasen at Leeme Silok dik lok at loogu at ne Nakiso.

Lovoang At Ne Pol Ti Limixin Nunu to Rom 16:21

Ne Timoti bok laradi gugu rak i lox aonon lavapaase momo ren tinemi; nedi mi ne Lusias, la ne Jeson, la ne Sosipata; nedi legesa vapaase rak boro Judaia.

Lovoang At Ne Pol Ti Limixin Nunu to Rom 16:7

Lavapaase momo bok ti ne Endronikas mi ne Junias luradi me Judaia no dugak lox eburu minia ro at loxokoxo; la luvuttadi vavang diklen avukat nedu la nedu duga lok ngan luradi mumu asu ne Karisito avot tia.

Lovoang At Ne Pol Ti Limixin Nunu to Rom 9:2

A paase ruturun i na dola lainbulu la lebelen tuntun tarak ti lubungmixin tarak i silok aleng.

1 Korin 12:3

Kuren la mina ila mumu loklok at limixin do di nuunu ruturun kopla xopmen. Kuren la mina xasep do mo laradi, Loroonan Kaala at ne Moroa i suxuna i, kopmen noxo tong i do ‘Lasaxaek naba mu ne Iesu!’ Ketla laradi do Loroonan Kaala at ne Moroa na suxuna i, neni xusuk mun i epovo na tong i do ‘Iesu, neni Leeme Silok.’

1 Korin 16:22

Do nege xopmen na balamu Leeme Silok atdik, lasaxaek naba nemen teren. Leeme Silok atnema, unamlong.

2 Korin 12:15

Kerepmo aba lok momo aleng do ana raba axap lorooro rak, mi levenaleng tarak, la lololos tarak kusu ri lok tooro nimi. Kereva, ixo epovo do mina balamu lixilix ia xerekngan nia a balamu aleng tinotno nimi?

Galesia 1:8

Ketla do nema luvuttadi vavang kopla taangelo boro vana at laxalibet na vavang mi tevelinga xopmen na sixit emu mi Lagale Lavavang at ne Moroa, ana nema maga vavang min tinemi, lasaxaek na mu asu i.

Galesia 1:9

Nema magara paase vam i na gano la amo manga ara vaase amu manga ren, dola tara na vavang tinemi mi tavavang na lok petpes ti lara nemi migara ruuna xaka vam i, lasaxaek na mu asu mo laradi.

Galesia 3:10

La nedi axap ding tonga res kusuk mun at Lenavolo at leme Judaia xusu dina lok kaka lorooro, nedi dik lok maxopok at lasaxaek ne Moroa im taba i. I ngan Lovoang Kaala i vaase i xeretna, “Do nege do ixong tonga res amisik at levengkot axap keneng at Lenavolo, neni ik lok maxopok at lasaxaek ne Moroa im taba i.” Len 27:26

Galesia 3:13

Ketla ne Karisito ga ruuna ka lasaxaek at loxonaleng neni ga ru korop ka lasaxaek, no ne Moroa im taba nedi di mumu asu Lenavolo min; kerepmo neni ga un ka amlong nema basinge nom lasaxaek; i ngan Lovoang Kaala i vaase i xeretna, “Do nege na rem to vana at laxaba, neni i ruuna xaka lasaxaek boro at lebelemamao at ne Moroa.” Len 21:23

Epesas 6:5

Lavasaxaruki. Minang tonga res at luvuttadi amgomgo atnimi la mina umsu mi loklok ngangao la lanmarat; la lebelen nimi nak lox avukat tidi. Minang tonga res atdi kerekngan nemi ming tonga res at ne Karisito.