Lovoang At Ne Pol Ti Limixin Nunu to Rom 8:36 - Madak

³⁶ I ngan Lovoang Kaala i vaase i xeretna, “Nema mak lok keneng at lurube at lanmet at laxanaleng axap mumu u; dik lok nema ngan laxasipsip dit pas kusu dina sev amet di.” Sam 44:22

Lovoang At Ne Pol Ti Limixin Nunu to Rom 8:36 Iomraidhean Croise

Sam 141:7

Naba ngan loxonuna di vagam i, la dira ra koxorop axakalik i, kuren la laxan si atdi bak midi ekarakat go at lisigege at lamaut (larabuang).

Sam 44:11

Uga siam taba di minema xusu dina sep amet nema ngan lubung sipsip, uga lox epeseves nema uto ri levenep silok kadiong.

Sam 44:22

Nema limixin taram, kuren la amisik dip sep amet nema. Amisik dip sep amet etaba nema ngan ta lubung sipsip, mo kopmen tara ri tupe di.

Lagale Lavavang At Ne Iesu Karisito Jon Ga Malagan I 16:2

Luvuttadi amgomgo dinaba sep pepe nimi xusu mi noxo vubeles bok ba uto at laraugu singising. La laaleng move naba vot, la do tara na sev amet tara atnimi, ni naba nua i do i lox i mo ri lox amomo ne Moroa.

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 8:32

Mo levelinga at ne Moroa xeneng ap mo lubuk ni ga utus i, ga lok keretna, ‘Neni ga lok ngan ta lisipsip no diga lok ka i xusu dina sev i; neni ga lok ngan lisipsip maxat no xopmen nak lok gusugus do di sep korop levengkabinim teren, ni goxo tong tekolinga.

1 Korin 15:30

La kereva ba nema. Do xopmen taxakatu kaxat amlong, tila ba nema ma nemen keneng at losongsongot mumu lugugu at ne Moroa at levenaleng axap?

1 Korin 15:31

Luvutnetak mi luvurinuk. At levenaleng axap nia a vekip tangarang mi limixin dik lok do dinap sev amer ia. La a lok momo rinotno atla nemi mi nuunu saparap ne Iesu Karisito, Leeme Silok atnedik la na lomomo i sok lodoxoma rak kusu ana tong asu i na levelinga rinemi.

1 Korin 4:9

mila nia a doma i do ne Moroa ira lok li vam nama, luvuttadi vavang, kusu mana ruuna levenasen gamasa at lemeren limixin. Ma lok ngan laradi xokoxo, luvuttadi amgomgo di sev amer i ro at lemeren limixin axap at na lavatbung menemen la melamgo at lubung angelo.

2 Korin 1:9

I ruturun tinotno do maga nua i do nema mo mana met ta. Ketla ana lumumuat ga vot ti lox alolos nama xusu ma noxo nuunu at lolos axa atnama, ketla at ne Moroa xusuk mun, mo ik lox arooro limixin basinge lanmet.

2 Korin 11:23

Kereva, nedi lavasaxaruki at ne Karisito? Nenia bok lasaxaruki at ne Karisito la a lok nunuan aleng tidi. (A paase ngan laradi baulang tinotno.) Agara lok pam laxan gugu buaang. Buaang levenaleng agara nemen pam at loogu xokoxo, la digak pixis aleng ia, la nia axo epovo xusu ana exes i; la agak lox auret ti lanmet. Nia a lok do nedi dixo ekip tangarang mi levempanga xerepmo.

2 Korin 6:9

limixin at na lavatbung menemen di lox abulubun nama, ketla limixin at ne Moroa diklen nama; ma vekip tangarang amisik mi lanmet, ketla mina ven ba nema move ma rooro. Di raba songsongot nema, ketla kopmen dina sev amet nama.

Pilipai 3:10

A vara i xusu anaklen ne Karisito la ana lok kaka lololos i ngan mo lololos at laxakatu kaxat amlong teren basinge lanmet, la a vara i do ana vubeles at losongsongot teren kusu anap kiv i la ana lok kepe lorooro xapmek, i ngan ta do ana met basinge i kerekngan ne Karisito ga met basinge na lorooro.