Lovoang At Ne Pol Ti Limixin Nunu to Rom 8:3 - Madak

³ Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

Lovoang At Ne Pol Ti Limixin Nunu to Rom 8:3 Iomraidhean Croise

Lagale Lavavang At Ne Iesu Karisito Mak Ga Malagan I 15:27

La diga vaxarem bok legepu radi xipkip pilo saparap ne Iesu, lara saparap lekngen tino la lara saparap lekngen kia.

Lagale Lavavang At Ne Iesu Karisito Jon Ga Malagan I 1:14

Lavapaase ga vee radi la ga nemen kantubu atnama. Maga ven lisisixam teren, la ni ga umsu mi letaba nabalamu la levelinga ruturun at ne Moroa. La mo lisisixam neni ga lok ka i ngan legesamdak at ne Temen.

Lagale Lavavang At Ne Iesu Karisito Jon Ga Malagan I 9:24

Diga ro ka amu manga mo laradi, luxatli ren ga main la diga lok tin, “Una xaape de melamgo at ne Moroa do nenu una vaase ruturun. Maklen i do na laradi ga lox avukar u, ni laradi xapmek.”

Leven Gugu 13:39

Minaklen box i do nedi axap di nuunu ren, Moroa ira lox asepmus pam di basinge leveloklok kakapmek atdi; Lenavolo at ne Moses kopmen na epovo na lox i xuren.

Lovoang At Ne Pol Ti Limixin Nunu to Rom 3:20

Kuren la kopmen tinotno taradi go, neni na mumu asu rinotno leventaangas at Lenavolo kusu ni na vee ngan laradi mokmokso at lemeren ne Moroa; la mo levempanga Lenavolo ik lox i, ik lok laradi xusu neni nabaklen i do neni ira lok pam laxapmek.

Lovoang At Ne Pol Ti Limixin Nunu to Rom 6:6

La nedik taklen i na, lorooro maut atnedik gara met pam eburu mi ne Karisito ro vana at laxaba, kusu ri sele utut lololos at laxakapmek atnedik getgesara, la kusu nedik ata xok lok at loxokoxo at laxapmek,

Lovoang At Ne Pol Ti Limixin Nunu to Rom 7:18

Aklen i do luvukat kopmen na silok keneng at lorooro at labantuxu rak. I ruturun do lodoxoma rik lok luvukat ik lok keneng tarak, ketla nenia axo epovo xusu ana lox i.

Lovoang At Ne Pol Ti Limixin Nunu to Rom 8:32

Neni xopmen tinotno goxo rebeng alis ne Nitna rinotno, ketla ga raba i ngan laxaavuk tinedik axap. Neni ga raba nedik mi ne Nitna; kereva, neni naba raba gamasa bok nedik mi levempanga axap?

Lovoang At Ne Pol Ti Limixin Nunu to Rom 9:3

La i epovo dola nenia gita xip tutu mi lebelemamao at ne Moroa la gita lox epeseves ia basinge ne Karisito, kusu ri lok tooro luvutnetak, nedi limixin axa rak me Judaia.

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Galesia 3:13

Ketla ne Karisito ga ruuna ka lasaxaek at loxonaleng neni ga ru korop ka lasaxaek, no ne Moroa im taba nedi di mumu asu Lenavolo min; kerepmo neni ga un ka amlong nema basinge nom lasaxaek; i ngan Lovoang Kaala i vaase i xeretna, “Do nege na rem to vana at laxaba, neni i ruuna xaka lasaxaek boro at lebelemamao at ne Moroa.” Len 21:23

Galesia 3:21

Kereva ba, Lenavolo i ra korop levengkakaape at ne Moroa? Kopmen tinotno. Amo dola neni gita raba bok tenavolo rim taba lorooro, i lok ngan do limixin axap ding tonga res at Lenavolo, nedi dinabak mokso basinge loklok kakapmek. Ketla kopmen na ruturun.

Pilipai 2:7

Ketla ti na, at lavavara xa ren, ni ga on basinge nom lixitkis silok teren, la ga lok ka lorooro at lasaxaruki. Neni ga vee radi,

Ibru 10:12

Ketla Lamaasa Avolo ga etaba mi legesa laplavang mun ti laxakapmek, u ningina la amisik bok, la melemu neni ga xis to saparap lekngen tino at ne Moroa.

Ibru 10:14

Karisito ga raba lorooro ren ngan laplavang, kuren la ni ga lok langas kusu limixin dina dadat amisik la na nga ne Moroa ik lok kepe laxakapmek at limixin di nuunu ren.

Ibru 2:14

I ruturun do nedi luvuttadi mun, la kerepmo ne Iesu ga vee radi xusu at lanmet teren neni naba sele utut kepe lololos at ne Satan, mo ik lok limixin kusu dinak marat at lanmet.

Ibru 2:17

Kuren la na lavasuun teren la neni ga vee radi at lorooro axap teren ngan luvutneton kusu neni ba ravasu ngan laradi ga umsu mi lebelemumu la laradi ruturun at lugugu at lamaasa gomgo ri ne Moroa, la ga ravasu ngan laxaavuk kusu ne Moroa na doxoma xepe laxakapmek at limixin.

Ibru 4:15

Mo Lamaasa Avolo atdik, neni i epovo na suma rooro dik at leveloklok tong pen mila neni ga suma bok laxaloklok tong pen ngan dik, ketla neni xopmen goxo lok taxakapmek.

1 Pita 2:24

Ne Karisito axa neni ga xip leveng kakapmek atnedik keneng at labantuxu ren uto at laxaba kusu nedik tanaba sepmus basinge loklok kakapmek atnedik la ata rooro tik lok leveloklok ik mokso. La nemi mi lox avukat pam mumu mun laranin kooxing teren.