Lovoang At Ne Pol Ti Limixin Nunu to Rom 8:27 - Madak

²⁷ La ne Moroa neni i reven levempeve at luvuttadi, la iklen lodoxoma at Loroonan atla Loroonan i tu katling limixin at ne Moroa ukeneng eburu mi lodoxoma at ne Moroa.

Lovoang At Ne Pol Ti Limixin Nunu to Rom 8:27 Iomraidhean Croise

Sam 139:1

Leeme Silok, ugara ila mumu avukat pam ia, kuren la uklen avukat tinotno ia.

Sam 38:9

O Leeme Silok, uklen lavanga sala nia a vara aleng tin, nenu uklen losongsongot tarak. U ronga ia at mes silok.

Sam 44:21

nenu gitabak len i, atla nenu uk leklen levendoxoma nemnem atnema.

Sam 7:9

Nenu ne Moroa manmanton la u viila mumu levendoxoma atnema, la lavavara bok atnema. Una lox axap loklok kakapmek at limixin kapmek. La una raba luunun ti limixin nunuan.

Metiu 6:8

Nemen mita mu asu na loklok atdi mila ne Temen nimi ne Moroa iraklen avot pam levenai mik pakes tin, avot ti levesingising atnimi.

Lagale Lavavang At Ne Iesu Karisito Luk Ga Malagan i 16:15

La ne Iesu ga lok tidi, “Nemi vam nom mik lok do minak mokso at lemeren limixin, ketla ne Moroa ikleklen i do keneng at lebelen nimi i umsu mi laxakapmek. Do lavanga salai limixin di doxoma i do i silok aleng, nom i ngan lavanga gamasa at lemeren ne Moroa.

Lagale Lavavang At Ne Iesu Karisito Jon Ga Malagan I 14:13

La do mina sing ti tevempanga xeneng at laasen tarak, anaba lox epovo i, xusu nenia Nitna ne Moroa, anaba lox asilok laasen at ne Tamak.

Lagale Lavavang At Ne Iesu Karisito Jon Ga Malagan I 21:17

La ne Iesu ga sue sev avantun box i xeretna, “Simon, lamdak at ne Jon. Kereva, u balamu ia?” La ne Pita ga lok tuntun mila ne Iesu ga sue sev avantun box i, ‘Kereva, u balamu ia?’. La ni ga lok ti ne Iesu, “Leeme Silok, ukleklen lempanga axap, uklen i do nia a balamu u.” La ne Iesu ga lok tin, “Una raba luxa levesipsip tarak.

Leven Gugu 1:24

La diga sing keretna, “Leeme Silok, nenu ukleklen lodoxoma at limixin. Una lox ase nama mi tara atdu na luradi nu ura soxolik ka vam i,

Leven Gugu 15:8

La ne Moroa no ikleklen luruptuvuk at limixin, ga lox asuusu i do ni ga siam ka limixin kopmen di me Judaia keretna; ni ga raba di mi Loroonan Kaala xerekngan ni ga raba dik min.

Lovoang At Ne Pol Ti Limixin Nunu to Rom 8:34

Nege naba epovo xusu na lok li dik at lavapaase? Kopmen tara, atla ne Iesu Karisito, mo neni ga met la ga roo xat amlong bok, monga it kis at lekngen tino ne Moroa. La i ngising ne Moroa xusu na lok tooro nedik!

Lovoang At Ne Pol Ti Limixin Nunu to Rom 8:6

Do levendoxoma atnedi na mumu asu mun lavavara at labantuxu, laxavaxap teren, lanmet; ket do levendoxoma atdi na mumu asu lavavara at Loroonan Kaala, laxavaxap teren, lorooro eburu mi lenmila.

Epesas 2:18

Maxeneng at ne Iesu nema leme Judaia eburu minemi limixin kopmen me Judaia dik ta epovo na vot pasa ne Temen dik mi legesa doxoma la legesa Roonan Kaala.

1 Tesalonia 2:4

Ganoxa ne Moroa ga ven i do lorooro atnama ga lox avukat la ga raba nama mi Lagale Lavavang teren kusu mana tong asu i. Maga xopara na emi asu minama; ketla maga vavang kusu ne Moroa na lok momo minama, neni iklen lodoxoma atnama do i lox avukat kopla kopmen.

Ibru 4:13

Kopmen tevempanga at na lavatbung menemen axap i epovo na nemen alipe at lemeren ne Moroa. Neni ne Pen Axasep la i reven leveloklok axap at limixin dim doma i xopla dim suma i, la neni naba lok li limixin at lavapaase mumu mo leveloklok.

Jems 5:16

Kuren la mina soxomus ela laxakapmek atnimi kantubu atnimi, la mina sing tinemi getgesara, kusu Leeme Silok naba lox aroo nimi. Do laradi nuunu loklok teren ik mokso, levesingising teren naba lolos aleng la naba epovo rinotno ri lok tooro laradi.

Lisilimet 2:23

La aba sev amet bok laxamdak teren. La limixin axap di nuunu dibaklen i do nenia ne Penasiak, aklen lorooro at limixin axap la aba vorang laxakapmek atnemi mi levesongsongot i epovo at loklok at legetgesa radi.