Lovoang At Ne Pol Ti Limixin Nunu to Rom 8:26 - Madak

²⁶ Keneng at na lodoxoma voovo, Loroonan Kaala naba lok tooro nedik do nedik taxo ru lolos, atla dik taxoklen i do ataba sing kereva; la Loroonan axa i ngising tinedik saparap ne Moroa mi levelinga metmes nia axo epovo xusu ana mii poovo i mi tekolinga.

Lovoang At Ne Pol Ti Limixin Nunu to Rom 8:26 Iomraidhean Croise

Sam 10:17

O Leeme Silok, unabang tonga levesing at limixin di lox alixilik di maxopok taram. La unaba lox abelemes nedi.

Sam 102:20

Ni ga ronga lanteng atdi digak lok at loxokoxo la ga lox asepmus nedi ua ga auret kusu dina sev amet nedi.

Sam 102:5

At mes silok tinotno; labaaxin tarak ira gelegen axap la labantuxu rak na ira vaa nga at laxasi.

Sam 6:3

O Leeme Silok, labalak i umsu mi lanbulu silok. Lingisa ba unaba lok tooro ia?

Sam 6:9

I ronga bok lerengteng tarak ti loklok tooro la naba ronga res at levesingising tarak.

Sam 69:3

Laxaka rak ira xo axap mi luxupkup ti loklok tooro, luxukung tarak ira songot. Luxatli rak ira ung mi lerengteng, nia a ngangais ti loklok tooro ram.

Metiu 10:20

mila levelinga mina vaase i kopmen atnimi axa; ketla Loroonan Kaala at ne Moroa, ne Temen nimi naba paase asuusu i at levenngusno atnimi.

Metiu 20:22

Ketla ne Iesu ga lok, “Mixoklen lai nemi mi sing tin.” La ni ga lok ti mo luradi loklok ka anasa ren, “Kereva, mu epovo do muna suma losongsongot silok eburu minia mo a gagas kusu aba xip tutu min?” La duga vorang i rin keretna, “Ma epovo.”

Lagale Lavavang At Ne Iesu Karisito Luk Ga Malagan i 22:44

La neni ga bulu aleng la ga sing lolos tinotno, la lantentelep teren ga sen su ukopok ti laxangka ga ngan lempatkaarum da.]

Lagale Lavavang At Ne Iesu Karisito Jon Ga Malagan I 14:16

La ne Iesu ga lok bok, “Nia anaba sing ne Tamak, la neni naba raba bok nemi mi lara laradi loklok tooro, la neni naba nemen eburu amisik minimi.

Lovoang At Ne Pol Ti Limixin Nunu to Rom 15:1

Nedik lunuunu atnedik i lolos, ata xip tooro nedi dixo lolos mi levenaknixip atnedi. La nemen gat dik guta doma xusuk mene nedik la ata lox amomo dik.

Lovoang At Ne Pol Ti Limixin Nunu to Rom 7:24

Lainbulu silok ik lok tarak, atla nege naba lok kepe ia basinge na labantuxu im lam kaka ia ri lanmet?

Lovoang At Ne Pol Ti Limixin Nunu to Rom 8:15

atla Loroonan no ne Moroa gara raba vam nimi min ik lok nimi xusu mi noxo marat ngan lasaxaruki; ketla i lok nimi xusu nemi luvutnitna ne Moroa, la nedik di toro ri ne Moroa mi lololos at Loroonan Kaala keretna, “Tamak! Tamak!”

2 Korin 5:2

Nade at na lavatbung menemen nedik tap kup sae mi levesongsongot la ata vara nga i do ata siga ka mo lorooro boro vana at laxalibet.

2 Korin 5:4

Nedik nave tak lok at na lorooro, atap kup sae mi levesongsongot la tap kip levenaknixip; la kopmen do dik dira vara nga i do dina lok kepe labantuxu atdik, ketla ata vara i do ata siga ka nga lorooro boro vana at laxalibet, kusu lorooro at na labantuxu, lorooro avolo naba sumkonom ka i.

Galesia 4:6

Nedik luvutnitna ne Moroa, kuren la neni ga riki asu Loroonan i nemen keneng at ne Nitna ukeneng ti lorooro atnedik, la neni mo Loroonan ik lok nedik la diram doma su at ne Temen nedik la dira toro rin keretna, “Tamak, Tamak!”

Epesas 2:18

Maxeneng at ne Iesu nema leme Judaia eburu minemi limixin kopmen me Judaia dik ta epovo na vot pasa ne Temen dik mi legesa doxoma la legesa Roonan Kaala.

Epesas 6:18

Mina lox i na levempanga xeneng at levesingising atnemi, kusu minaba sing ka loklok tooro at ne Moroa. At levenaleng axap mina ngising at leventaangas axap no Loroonan i sasat ase nemi min. La mumu mun na langas, minaba tu lolos la mi noxo subu kot; mina ngising amisik ti limixin at ne Moroa.

Ibru 4:15

Mo Lamaasa Avolo atdik, neni i epovo na suma rooro dik at leveloklok tong pen mila neni ga suma bok laxaloklok tong pen ngan dik, ketla neni xopmen goxo lok taxakapmek.

Ibru 5:2

Lamaasa gomgo im suma leveloklok tong pen, kuren la i epovo do ni na suma rooro nedi di lok laxakapmek mila kopmen dinaklen i do mo levempanga i lok kapmek.

Jems 4:3

Do nemi mi ngising ne Moroa ri levempanga mi vavara rin, kopmen minak lok kaka i, atla lodoxoma atnimi kopmen nak mokso; atla mi vavara mun i xusu rik lox amomo labantuxu atnimi.