Lovoang At Ne Pol Ti Limixin Nunu to Rom 8:25 - Madak

²⁵ Ket do nedik ata doma voovo ri tavanga dik dixo ven i, ataba ngais atnaasan i.

Lovoang At Ne Pol Ti Limixin Nunu to Rom 8:25 Iomraidhean Croise

Sam 27:14

Kuren la minam doma ngangais ti Leeme Silok, la mina lolos, nemen gat mita doma abulubun kepe i, mina nuunu saga at Leeme Silok.

Sam 62:1

Nia a tu atnaasan to melamgo at ne Moroa, la a ngangais i xusu na lox asepsu ia, atla nenia a nuunu saga ren, la kopmen tara bok.

Lagale Lavavang At Ne Iesu Karisito Luk Ga Malagan i 21:19

Do mina tu lolos, miba rooro.”

Lagale Lavavang At Ne Iesu Karisito Luk Ga Malagan i 8:15

Ti levenit no ga subu ro at loxongkangka avukat, i ru katling nedi di ronga levelinga la di lok li avukar i xeneng at lebelen di la i lox avukat, la ia nemen lolos se di visik levempeven avukat.”

Lovoang At Ne Pol Ti Limixin Nunu to Rom 12:12

Lodoxoma voovo atnemi na umsu mi lomomo. Minak lok atnaasan at levenaleng mi ekip tangarang mi levenmumuat, la mina ngising amisik.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

Lovoang At Ne Pol Ti Limixin Nunu to Rom 8:23

Ketla xopmen neni xusuk mun; nedik bok di ruuna Loroonan Kaala ngan laramtaba avot at ne Moroa, nedik bok dit mes keneng axa atnedik at levenaleng dik di ngangais tinotno ne Moroa xusu neni na lok li nedik ngan luvutnitna, la na lox asepsu labantuxu atnedik.

Kolosi 1:11

la miba ruuna ka lololos, mo i laa boro vana at lololos silok at ne Moroa kusu miba tu tuxuruxun at lunuunu atnimi la mi noxo subu kot kantubu; la miba umsu mi lomomo,

1 Tesalonia 1:3

Mam doma su amisik atnimi at lemeren ne Moroa mumu leven gugu nunuan miga lox i, mila mi nuunu at ne Iesu Karisito, la mi balamu box i. La mi tu lolos mila mim doma voovo ri lovotpot at Leeme Silok, ne Iesu Karisito.

2 Tesalonia 3:5

La ma sing Leeme Silok do neni na lok tooro nimi xusu mina xasep avukat ti labalamu at ne Moroa, la mina tu lolos kerekngan ne Iesu Karisito ga tu lolos at lorooro ren.

Ibru 10:36

Do mina suma levenmumuat at lorooro atnimi, mina tu lolos at lunuunu atnimi xusu minaba ruuna ka mo leveloklox anarong ne Moroa ga vaase alii min tidik, mo do mina mu asu lavavara ren.

Ibru 6:12

Ma xopara i do mina molo at lunuunu atnimi xetla mina mu asu loklok atnedi lavalabat atnimi diga tu lolos amisik at lunuunu atdi la digat kis tangais mo leveloklox anarong ne Moroa ga paase alii min tidi.

Ibru 6:15

La ne Abaram gat kis atnaasan mun la ga ngangais ne Moroa, se ni ga lox asorun mo lavapaase alii rin.

Lisilimet 1:9

Nenia ne Jon, neton nemi limixin mi nuunu at ne Iesu. La nenia na ap kip levesongsongot eburu minimi, la nedik eburu lavaanat at Linintoo ren, la ata tu tuxuruxun at lunuunu atdik, do nedik ata ekip tangarang mi levesongsongot. Nenia agak lok at losoxan to Patimos, nia aga nemen go ngan laradi xokoxo mila nia aga tong asu Lagale Lavavang at ne Moroa mi levelinga ruturun at ne Iesu.

Lisilimet 13:10

‘Do ne Moroa gara tong li vam i do tara nabat pas ti loxokoxo, neni naba vubeles ti loxokoxo; la do ne Moroa gara tong li vam i do diba sep tara mi lavarise sepsep, neni naba uu at leesep mi lavarise sepsep.’ Jer 15:2, 43:11 Kuren la limixin at ne Moroa dina tu tuxuruxun at lunuunu atdi la dina ngangais mi lomomo keneng ap mo levenmumuat.

Lisilimet 14:12

Na lavanga naba rupot, kuren la nedi limixin nuunu at ne Moroa mo ding tonga res at levelinga ren la di tu tuxuruxun at lunuunu atdi saparap ne Iesu, i epovo xusu dina nemen mulus mo do levenmumuat ba rupot.