Lovoang At Ne Pol Ti Limixin Nunu to Rom 8:15 - Madak

¹⁵ atla Loroonan no ne Moroa gara raba vam nimi min ik lok nimi xusu mi noxo marat ngan lasaxaruki; ketla i lok nimi xusu nemi luvutnitna ne Moroa, la nedik di toro ri ne Moroa mi lololos at Loroonan Kaala keretna, “Tamak! Tamak!”

Lovoang At Ne Pol Ti Limixin Nunu to Rom 8:15 Iomraidhean Croise

Metiu 25:25

Kuren la nia ga marat taram la agat pas la aga lok alipe na legesa talen taram to xopok at laxangka. Legesa talen taram na.’

Lagale Lavavang At Ne Iesu Karisito Mak Ga Malagan I 14:36

Ni ga lok keretna, “Tamak, u epovo una lok lempanga axap. Kereva, i epovo do una lok pes na lumumuat basinge ia. Ketla nemen gat uta mumu asu lavavara rak, una mu asu mun lavavara ram.”

Lagale Lavavang At Ne Iesu Karisito Luk Ga Malagan i 11:2

Iesu ga lok tinedi, “Mo do mina sing, miba vaase xeretna, Temen nema, mana lok ngangao at laasen taram. Linintoo ram na vot.

Lagale Lavavang At Ne Iesu Karisito Luk Ga Malagan i 22:42

La ni ga lok, “Tamak, mo do u vara i, una lok pes na lumumuat basinge ia. Ketla nemen gat uta mumu asu lavavara rak, ketla una mu asu mun lavavara ram.”

Lagale Lavavang At Ne Iesu Karisito Luk Ga Malagan i 8:28

Se neni ga ven ne Iesu, ni ga xup lolos la ga xis tiktikbu mi luvatgulom teren to melamgo ren, la ga vaase lolos ti ne Iesu, “Iesu, Nitna ne Moroa i silok aleng! Lavanga salai u vara i do una lox i ria? A sing u do nemen uta lox asongot aleng ia!”

Lagale Lavavang At Ne Iesu Karisito Luk Ga Malagan i 8:37

La nom limixin ap mo lenep Gerasa diga sing ne Iesu kusu na onon ta, mila diga marat aleng. La ne Iesu ga los kas at lesepang la lesepang ga sen kaxat.

Lagale Lavavang At Ne Iesu Karisito Jon Ga Malagan I 16:8

La do neni na vot, neni naba lox ase limixin at na lavatbung menemen do nedi di umsu mi laxakapmek la kopmen tomokmokso na nemen keneng atdi, la at laaleng ete, ne Moroa naba ronga linga at limixin axap.

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Leven Gugu 16:29

Laradi loklok tatao loogu xokoxo ga xup do ti tababao, ni ga sixit beles ukeneng, la ni ga xis tiktikbu mi luvatgulom teren la ga dede saparap lengkangkedek at ne Pol mi ne Sailas.

Leven Gugu 2:37

Mo limixin diga ronga i na, diga bulu aleng la diga lok ti ne Pita eburu mi luvuttadi vavang, “Luvutneton nama, maba lok lavanga salai?”

Lovoang At Ne Pol Ti Limixin Nunu to Rom 8:16

Loroonan at ne Moroa i tu buru mi leventoonan atnedik, kusu ri lox asuusu i do nedik luvutnitna ne Moroa.

Lovoang At Ne Pol Ti Limixin Nunu to Rom 8:23

Ketla xopmen neni xusuk mun; nedik bok di ruuna Loroonan Kaala ngan laramtaba avot at ne Moroa, nedik bok dit mes keneng axa atnedik at levenaleng dik di ngangais tinotno ne Moroa xusu neni na lok li nedik ngan luvutnitna, la na lox asepsu labantuxu atnedik.

Lovoang At Ne Pol Ti Limixin Nunu to Rom 8:26

Keneng at na lodoxoma voovo, Loroonan Kaala naba lok tooro nedik do nedik taxo ru lolos, atla dik taxoklen i do ataba sing kereva; la Loroonan axa i ngising tinedik saparap ne Moroa mi levelinga metmes nia axo epovo xusu ana mii poovo i mi tekolinga.

Lovoang At Ne Pol Ti Limixin Nunu to Rom 9:4

Nedi limixin soksoxolik ka at ne Moroa; la ni ga lok li nedi ngan luvutnitna. Ni ga lok levenekabus eburu minedi la lisisixam teren ga nemen kantubu atdi, la ga raba nedi mi Lenavolo; la diklen langas kusu dina lotu saparav i mi luruturun; la dira ruuna ka vam levengkakaape ren.

1 Korin 2:12

La nedik, kopmen dik ta goxo ruuna ka mo lodoxoma at limixin mede xopok at na lavatbung menemen. Ketla nedik taga ruuna ka Loroonan Kaala ne Moroa ga riki i ri lox ase dik, kusu atabaklen leveloklox anarong, ne Moroa ga raba gamasa vam dik min.

2 Korin 11:4

A marat do tara na vot la na vavang mi ne Iesu vetpes ti na ne Iesu nema ma vavang min, la mina lok ka loroonan kopmen at ne Moroa, eburu mi lavavang i lok petpes aleng tinotno ri Loroonan Kaala at ne Moroa eburu mi lavavang nemi miga ronga ka i la miga siam kaka i.

Galesia 2:4

Ketla leventaba diga vara i xusu dina vit kepe lengkontuxu at luvuttadi nuunu xopmen di me Judaia, la digak lok labala ngan nedi luvuttadi nuunu la nedi na lemet tadi digak beles mun at libinam atnema ngan luvuttadi vereven alii; la diga vavara mun i xusu dinang long terek lesepsepmus tinotno basinge Lenavolo nema magak lok kaka i xeneng at ne Iesu Karisito. Diga vara mun i xusu dinak lok ka nema ukeneng at leveloklok atnedi, la manak lok maxopok at leventaangas at Lenavolo.

Galesia 5:1

Nedik di sepmus tinotno, mila ne Karisito gara lox asepmus pam nedik basinge leveloklok la leventaangas at Lenavolo. Kuren la mina tu lolos at lunuunu atnimi, la mi guta ke xepe bok ba lorooro atnemi la nak lok ngan manga lavaanat saxaruki at Lenavolo.

Epesas 1:5

ga paase alii do ne Iesu Karisito naba lok tomtom buru ka nedik axap ngan luvutnitna, i ngan lomomo la lodoxoma ren kuren.

2 Timoti 1:7

Atla nom Loroonan ne Moroa ga raba dik min kopmen nak lox amarat dik, ketla Loroonan teren ik suxa aumsu dik mi lololos, labalamu la lodoxoma avukat.

Ibru 2:15

Ketla ne Iesu ga lox asepmus di basinge loxokoxo at ne Satan, mila at lorooro axap atdi xeneng ap mo loxokoxo, digak marat at lanmet.

Jems 2:19

I lox avukat do una nuunu do legesa Moroa xusuk mun. I ruturun, ketla lubunggas bok di nuunu xuren la dik marat aleng.

1 Jon 4:18

Do tara i ruuna labalamu, ixo epovo do lanmarat na nemen keneng at lorooro ren. La mo labalamu ruturun teren naba lok kepe mo lanmarat i nemen at lorooro ren; lanmarat ik lok at laradi i lok laxakapmek la ba xip lumumuat. Do tara i ruuna lanmarat, kovisi labalamu na epampana avukat at lorooro ren.