Lovoang At Ne Pol Ti Limixin Nunu to Rom 8:14 - Madak

¹⁴ Nedi no Loroonan at ne Moroa i sasat nedi, nedi luvutnitna ne Moroa,

Lovoang At Ne Pol Ti Limixin Nunu to Rom 8:14 Iomraidhean Croise

Sam 143:10

Nenu ne Moroa rak; una lox ase ia mi langas ti mumu asu lavavara ram. Unak lok luvukat tia, la una sasat ia pana at langas manmanton.

Metiu 5:9

Luvukat mo ik lok tinedi, di lok lumulum kantubu atnedi dit kis munepen, Moroa naba so asen nedi do luvutnitna.

Lagale Lavavang At Ne Iesu Karisito Jon Ga Malagan I 1:12

Ketla nedi diga siam ka i la diga nuunu ren, ni ga lok li nedi ngan tinotno luvutnitna ne Moroa.

Lovoang At Ne Pol Ti Limixin Nunu to Rom 8:19

Lempanga axap at ne Moroa ga rudum li di, di ngangais tinotno kusu ne Moroa na lox asuvos tinotno luvutnitna.

Lovoang At Ne Pol Ti Limixin Nunu to Rom 8:5

Nedi di rooro mun keneng at labantuxu atnedi, levendoxoma atnedi i mumu asu mun lavavara at labantuxu. La nedi di rooro mu asu Loroonan Kaala im lam di xuren, levendoxoma atnedi i mumu asu mun lavavara at Loroonan Kaala.

Lovoang At Ne Pol Ti Limixin Nunu to Rom 8:9

Ketla nemi xopmen mina rooro at lavavara at labantuxu; ketla mi rooro mu mun lavavara at Loroonan Kaala, mo do Loroonan Kaala at ne Moroa i nemen keneng atnimi. La do nege di, dixo ruuna Loroonan Kaala at ne Karisito, nedi xopmen limixin at ne Karisito.

Lovoang At Ne Pol Ti Limixin Nunu to Rom 9:26

La neni ga lok bok, “La to ap mo loxot tino neni ga tong i do, nemi xopmen limixin tarak, mogo neni naba tong di do nedi luvutnitna ne Moroa, mo i rooro.” Ose 1:10

Lovoang At Ne Pol Ti Limixin Nunu to Rom 9:8

Lavasuun at na xeretna, kopmen nedi axap livipisik li at ne Abaram di lok ngan lubungmixin tuturun, ketla nedi mun ne Moroa ga xaape midi ri ne Abaram di lok ngan lubungmixin tuturun at ne Abaram.

2 Korin 6:18

La nia aba ngan ne Temen nimi, la nemi miba lok ngan luvutnuruk; nenia Leeme Silok ne Moroa a lolos aleng la a tong na levelinga.”

Galesia 3:26

Nemi axap luvutnitna ne Moroa mumu mene lunuunu atnemi saparap ne Iesu Karisito.

Galesia 4:5

kusu ri un ka amlong nedi digak lok maxopok at Lenavolo, la kusu nedik ataba ravasu ngan luvutnitna ne Moroa.

Galesia 4:6

Nedik luvutnitna ne Moroa, kuren la neni ga riki asu Loroonan i nemen keneng at ne Nitna ukeneng ti lorooro atnedik, la neni mo Loroonan ik lok nedik la diram doma su at ne Temen nedik la dira toro rin keretna, “Tamak, Tamak!”

Galesia 5:16

Na levelinga nenia a vaase i, i lok keretna; mina lok ka loklok at Loroonan Kaala la mi noxo vavara solo levendoxoma at labantuxu atnemi;

Galesia 5:18

La amo do Loroonan im lam nemi, nemi mixok lok bok ba at loxokoxo at Lenavolo.

Epesas 1:5

ga paase alii do ne Iesu Karisito naba lok tomtom buru ka nedik axap ngan luvutnitna, i ngan lomomo la lodoxoma ren kuren.

Epesas 5:9

Mo laradi i ruuna laxasep at lorooro ren i lox asuusu luvukat, loklok mokmokso la loklok at lavapaase i ruturun.

1 Jon 3:1

Labalamu at ne Temen dik i silok aleng, ni gara lok asuusu vam i ridik keretna. Neni ga soxot nedik do luvutnitna ne Moroa. La i ruturun tinotno, nedik luvutnitna ne Moroa. Limixin at na lavatkangka dixokleklen ne Moroa; kuren la nedi xopmen dinaklen bok dik.

1 Jon 3:24

Do tara i mumu asu levelinga at ne Moroa, neni it kis esogo mi ne Moroa la ne Moroa it kis esogo min. La nedik takleklen i do ne Moroa it kis esogo midik mila neni ga raba dik mi Loroonan Kaala ren.

Lisilimet 21:7

Dola nege na vas asi lololos at laxakapmek, neni naba ruuna na leveloklox anarong keretna; nenia aba nemen ngan ne Moroa ren la neni naba nemen ngan ne nuruk.