Lovoang At Ne Pol Ti Limixin Nunu to Rom 7:8 - Madak

⁸ La mumu mun Lenavolo, laxapmek ga ru kaxat la ga visik li solo mo laxakapmek keneng tarak; ketla do kopmen tenavolo, laxapmek bok noxo ruuna tololos ti lok tepanga ria.

Lovoang At Ne Pol Ti Limixin Nunu to Rom 7:8 Iomraidhean Croise

Lagale Lavavang At Ne Iesu Karisito Mak Ga Malagan I 7:22

loklok ti belegaao, leveloklok kakapmek petpes bok, loklok kaxarang, loklok mun mamangan, loklok ngaongao at lempanga at tara vetpes, loklok ti lox asi tara mi levelinga, loklox asilok, la loklok tangtangku.

Lagale Lavavang At Ne Iesu Karisito Jon Ga Malagan I 15:22

Do nia gita vot la gita vaase ridi, nedi xa gitoxo bixurun mu laxakapmek atdi. Ketla monga, dixo epovo na tong i do xopmen dina ven kibis laxakapmek.

Lagale Lavavang At Ne Iesu Karisito Jon Ga Malagan I 15:24

Do nia gi toxo lok teven gugu silok kantubu atdi, ua kopmen tara ga lok teven gugu xuren, ixo epovo xusu nedi gita bixurun mi laxapmek, ketla monga digara ven pam levempanga sangsangu nia aga lox i, la nedi move di xopara ia la ne Tamak.

Lovoang At Ne Pol Ti Limixin Nunu to Rom 3:20

Kuren la kopmen tinotno taradi go, neni na mumu asu rinotno leventaangas at Lenavolo kusu ni na vee ngan laradi mokmokso at lemeren ne Moroa; la mo levempanga Lenavolo ik lox i, ik lok laradi xusu neni nabaklen i do neni ira lok pam laxapmek.

Lovoang At Ne Pol Ti Limixin Nunu to Rom 4:15

Lenavolo ik lox asuusu lebelemamao at ne Moroa, ketla do xopmen tenavolo, kopmen bok torongtonga xepe at Lenavolo.

Lovoang At Ne Pol Ti Limixin Nunu to Rom 5:20

Lenavolo ga ravasu kusu limixin dina ven kisiv i do loklok kakapmek atdi i lok kapmek aleng, ketla at lengkot ua laxapmek ga ravasu solo ren, letaba nabalamu bok at ne Moroa ga ravasu silok tinotno.

Lovoang At Ne Pol Ti Limixin Nunu to Rom 7:11

Laxapmek ga lox epovo i xusu na xarang aruv ia mumu mun Lenavolo; la mumu Lenavolo, laxapmek ga sev amer ia.

Lovoang At Ne Pol Ti Limixin Nunu to Rom 7:13

Kereva, lavasuun at na do luvukat at Lenavolo ga raba ia mi lanmet? Kopmen tinotno. Laxapmek axa ga raba ia mi lanmet keneng mun at Lenavolo, mo i lox avukat. Lenavolo ga vot kusu anaba ven kibis i do laxapmek ni lavanga salai; la mumu mun levempapaase at Lenavolo, laxapmek i ravasu ngan lavanga i lok kapmek tinotno.

Lovoang At Ne Pol Ti Limixin Nunu to Rom 7:17

Kuren la kopmen nenia rinotno mo ak lok mo levempanga xapmek; ketla laxapmek i nemen keneng tarak, neni ik lox i.

Lovoang At Ne Pol Ti Limixin Nunu to Rom 7:9

Nenia bok, agak lok petpes basinge Lenavolo; ketla at loxonaleng Lenavolo ga vot, laxapmek ga roo xat keneng tarak;

1 Korin 15:56

Lanmet i lok ka lololos tik lox asongot limixin boro at laxakapmek, la laxakapmek i lok ka lololos boro at Lenavolo.