Lovoang At Ne Pol Ti Limixin Nunu to Rom 7:6 - Madak

⁶ Ketla amo nga, nedik diga met ti lorooro maut, mo ga otot tutu minedik, nedik dira sepsu ba basinge Lenavolo, la ata gugu at langas maxat at Loroonan, la kopmen bok ba Lenavolo migomgo.

Lovoang At Ne Pol Ti Limixin Nunu to Rom 7:6 Iomraidhean Croise

Lovoang At Ne Pol Ti Limixin Nunu to Rom 1:9

Moroa nia a gugu rin mi lorooro axap tarak, la nia a vavang mi Lagale Lavavang at ne Nitna, neni iklen i do na levelinga rak i ruturun aleng do nia am doma amisik nimi,

Lovoang At Ne Pol Ti Limixin Nunu to Rom 12:2

Nemen gat mita reven seo at laxaloklok at na lavatbung menemen, ketla mina ke ne Moroa na lox ekun levendoxoma atnemi mi lodoxoma ren kusu miba ravasu ngan luvuttadi maxat at levempanga mik lox i, la minaba epovo ba xusu mina long lenget ka lodoxoma at ne Moroa ri levempanga i lox avukat la ik lox amomo i la ik mokso.

Lovoang At Ne Pol Ti Limixin Nunu to Rom 6:11

At na mun langas mina doma mu i na do nemi miga met basinge laxapmek, ketla miga roo xat la mit kis esogo eburu mi ne Moroa xeneng at lixitkis eburu atnemi mi ne Iesu Karisito.

Lovoang At Ne Pol Ti Limixin Nunu to Rom 6:19

A paase poovo mi lavaanat saxaruki la luvuttadi amgomgo atdi kusu minaba ronga xibis kaka na levelinga mila lunuunu atnemi kopmen na lolos. Gano nemi miga raba lorooro axap atnemi ri lugugu ngan lavaanat saxaruki at laxakapmek la laxangkakapmek solo. Kuren pam, la mina raba bok lorooro axap atnemi ngan lavaanat saxaruki ri lok leveloklok mokmokso la leveloklok i xaala.

Lovoang At Ne Pol Ti Limixin Nunu to Rom 6:2

Kopmen tinotno! I lok ngan do nedik digara met pam basinge laxapmek, kuren la nedik ataba rooro bok ba xeneng at laxapmek kereva?

Lovoang At Ne Pol Ti Limixin Nunu to Rom 6:22

Ketla, amo nga migara sepmus pam basinge laxapmek, la mo nga mi lok ngan lavaanat saxaruki at ne Moroa; mo lavanga nemi minaba lok kaka i, neni lorooro i xaala, la livipisik teren neni lorooro avolo.

Lovoang At Ne Pol Ti Limixin Nunu to Rom 6:4

Kuren la mumu bok lesep susu atnedik, i lok ngan digak mit nedik eburu min la digak lox eburu min at lanmet teren kusu nedik bok ataba roo xat mi lorooro maxat, kerekngan ne Iesu ga roo xat amlong at lanmet mi lololos at ne Temen.

Lovoang At Ne Pol Ti Limixin Nunu to Rom 7:1

Luvutnetak mi luvurinuk. Nemi miklen lavanga salai na nenia a lok do ana vaase min, atla nemi axap miklen Lenavolo. La Lenavolo im gomgo nga mun laradi at levenaleng mun neni i rooro ren.

Lovoang At Ne Pol Ti Limixin Nunu to Rom 7:2

I ngan bok keretna; latkin epot ik lok maxopok at loklok tatao at latlok teren, ketla do latlok teren na met, neni xopmen bok ba nak lok at loklok tatao at latlok teren.

Lovoang At Ne Pol Ti Limixin Nunu to Rom 7:4

Luvutnetak mi luvurinuk. Nemi bok migak lok kuren. Nemi bok migara met pam eburu mi ne Karisito basinge Lenavolo, atla nemi lengkot at labantuxu at ne Karisito, la amo nga nemi mun teren. Neni ga roo xat amlong at lanmet kusu nedik ataba pisik asu levempipisik nunuan ti ne Moroa.

2 Korin 3:6

La ne Moroa axa ga lox aepovo nama xusu mana tong asu Lagale Lavavang mumu lekabus maxat. Ana lekabus kopmen boro at Lenavolo, ketla boro at Loroonan Kaala. Lenavolo i lox asuusu lanmet, ketla Loroonan im taba lorooro.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

Galesia 3:13

Ketla ne Karisito ga ruuna ka lasaxaek at loxonaleng neni ga ru korop ka lasaxaek, no ne Moroa im taba nedi di mumu asu Lenavolo min; kerepmo neni ga un ka amlong nema basinge nom lasaxaek; i ngan Lovoang Kaala i vaase i xeretna, “Do nege na rem to vana at laxaba, neni i ruuna xaka lasaxaek boro at lebelemamao at ne Moroa.” Len 21:23

Galesia 6:15

Ixo lok petpes tinotno xantubu at taradi diga vit kepe toxontuxu ren, la tara di goxo vit kepe toxontuxu ren; mo loklok kopmen lavanga silok. Ketla lavanga mene nga i silok keretna, laradi i ba gili lorooro ren kusu na lok ka lorooro maxat.

Epesas 4:24

La miga lox ase kusu mina lox ekun nom lorooro maut mi lorooro maxat, mo i lok ngan lampoovo at ne Moroa la i umsu mi loklok mokmokso i ruturun la loklok i dadat.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

Kolosi 3:10

la miga sang ka lorooro maxat, mo ne Moroa ik lox amaxat amisix i mi lakleklen teren kusu miba lok ngan lampoovo at ne Moroa, lanat tuntudum li.