Lovoang At Ne Pol Ti Limixin Nunu to Rom 7:5 - Madak

⁵ At levenaleng nedik diga rooro mu asu lavavara at labantuxu atnedik, laxandoxoma xapmek ga umsu keneng at labantuxu atnedik, la Lenavolo at ne Moroa ga lox aplivi mo lodoxoma; kuren la nedik digak lok levempanga ga epovo ri lanmet.

Lovoang At Ne Pol Ti Limixin Nunu to Rom 7:5 Iomraidhean Croise

Metiu 15:19

Na levempanga xapmek i ravasu boro at lorooro at laradi i lok keretna; levendoxoma xapmek, la loklok tip sep amet tadi, loklok ting longka, la leveloklok kakapmek maxamang at lixitkis epot, loklok tip kip pilo, la lavapaase xaxarang mu tara, la loklok ti lox asi tara.

Lagale Lavavang At Ne Iesu Karisito Jon Ga Malagan I 3:6

La laradi, nenen i visix i at loklok at ne temen mi nenen, neni at na lorooro xopok; ket dola Loroonan Kaala i visik amaxar i, neni i ruuna lorooro maxat at Loroonan Kaala.

Lovoang At Ne Pol Ti Limixin Nunu to Rom 1:26

Limixin diga lox asu i mo loklok, kuren la ne Moroa ga ke xepe di ri mo leveloklok i lox asuusu langsangan lainmangan. Lavakin bok diga velongka, na ixo epovo do dina lox i.

Lovoang At Ne Pol Ti Limixin Nunu to Rom 3:20

Kuren la kopmen tinotno taradi go, neni na mumu asu rinotno leventaangas at Lenavolo kusu ni na vee ngan laradi mokmokso at lemeren ne Moroa; la mo levempanga Lenavolo ik lox i, ik lok laradi xusu neni nabaklen i do neni ira lok pam laxapmek.

Lovoang At Ne Pol Ti Limixin Nunu to Rom 4:15

Lenavolo ik lox asuusu lebelemamao at ne Moroa, ketla do xopmen tenavolo, kopmen bok torongtonga xepe at Lenavolo.

Lovoang At Ne Pol Ti Limixin Nunu to Rom 5:20

Lenavolo ga ravasu kusu limixin dina ven kisiv i do loklok kakapmek atdi i lok kapmek aleng, ketla at lengkot ua laxapmek ga ravasu solo ren, letaba nabalamu bok at ne Moroa ga ravasu silok tinotno.

Lovoang At Ne Pol Ti Limixin Nunu to Rom 6:13

La nemen gat miguta raba tamangkot at labantuxu atnemi ri laxapmek, kusu mina lok levempanga xapmek. Ketla mina raba axa nemi ri ne Moroa, na ngan laradi ga ravasu at lanmet ti lorooro, la mina raba lorooro axap atnemi rin kusu rik lok lugugu i nunuan la ik mokso.

Lovoang At Ne Pol Ti Limixin Nunu to Rom 6:19

A paase poovo mi lavaanat saxaruki la luvuttadi amgomgo atdi kusu minaba ronga xibis kaka na levelinga mila lunuunu atnemi kopmen na lolos. Gano nemi miga raba lorooro axap atnemi ri lugugu ngan lavaanat saxaruki at laxakapmek la laxangkakapmek solo. Kuren pam, la mina raba bok lorooro axap atnemi ngan lavaanat saxaruki ri lok leveloklok mokmokso la leveloklok i xaala.

Lovoang At Ne Pol Ti Limixin Nunu to Rom 6:21

Miga ven livipisik sala at laxaloklok nemi migak lox i, la mo ba mira mamangan teren? Livipisik ap mo levempanga, ni lanmet!

Lovoang At Ne Pol Ti Limixin Nunu to Rom 6:23

Luunun at laxapmek, ni lanmet; ketla laramtaba at ne Moroa, ni lorooro avolo keneng at ne Iesu Karisito, Leeme Silok atnedik.

Lovoang At Ne Pol Ti Limixin Nunu to Rom 7:23

Ketla a reven lodoxoma vetpes i gugu xeneng at labantuxu rak la mo i vesep eburu mi lodoxoma avukat ik lok keneng tarak. La mo lodoxoma i lok li ia xeneng at loxokoxo at laxakapmek la i gugu keneng at labantuxu rak.

1 Korin 15:56

Lanmet i lok ka lololos tik lox asongot limixin boro at laxakapmek, la laxakapmek i lok ka lololos boro at Lenavolo.

2 Korin 10:3

I ruturun do mat pas at na lavatbung menemen, ketla maxo vesep mi levendoxoma mun at limixin at na lavatbung menemen.

Galesia 3:10

La nedi axap ding tonga res kusuk mun at Lenavolo at leme Judaia xusu dina lok kaka lorooro, nedi dik lok maxopok at lasaxaek ne Moroa im taba i. I ngan Lovoang Kaala i vaase i xeretna, “Do nege do ixong tonga res amisik at levengkot axap keneng at Lenavolo, neni ik lok maxopok at lasaxaek ne Moroa im taba i.” Len 27:26

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Epesas 2:11

Nemi limixin kopmen me Judaia; leme Judaia di so asen nimi do ‘limixin kopmen toloklok katling.’ Nedi di vit kepe lengkontuxu atdi i ngan loklok katling at ne Moroa.

Epesas 2:3

Nedik axap taga nemen kuren, taga lok lempanga kusu ri lox amomo mun lodoxoma la labantuxu atdik, mo ga umsu mi lavavara kapmek at lorooro maut. La nedik taga nemen maxopok at lebelemamao at ne Moroa kerekngan nedi.

Kolosi 3:5

Kuren la mina lok kepe leveloklok kakapmek i nemen atnemi, kerekngan loklok kakapmek maxamang at lixitkis epot, loklok kakapmek at labantuxu, lodoxoma liplivi tik lok laxakapmek, lavavara rik lok laxakapmek, la loklok ti belegaao, mo i lok ngan nom loklok ti lotu parap levempoovo moroa.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

Jems 1:15

La mo lavavara xapmek teren naba sisilok la ba lox asuusu laxakapmek. Melemu at na, laxakapmek na sisilok la na lox asu lanmet.

Jems 4:1

Nom levenekarakat la levenedak kantubu atnimi i laa meva? Ni nom ik sixisu boro at lebelen nimi; lavavara ri laxakapmek i nemen atnimi la na loklok ik paxaru kaxat levenesep keneng at lorooro atnimi.

1 Jon 3:4

Do tara na lok laxakapmek, i los polo levelinga at ne Moroa, mila laxakapmek ni loklok ti los polo levelinga at ne Moroa.