Lovoang At Ne Pol Ti Limixin Nunu to Rom 7:18 - Madak

¹⁸ Aklen i do luvukat kopmen na silok keneng at lorooro at labantuxu rak. I ruturun do lodoxoma rik lok luvukat ik lok keneng tarak, ketla nenia axo epovo xusu ana lox i.

Lovoang At Ne Pol Ti Limixin Nunu to Rom 7:18 Iomraidhean Croise

Sam 119:173

Una gagas amisik ti lok tooro ia, mila nia a mumu asu levempapaase auru ram.

Sam 119:176

Ara vas soronga nga ngan lisipsip i soronga. Una puse ria, laradi gugu ram, mila nia axok lox aie xepe levempapaase ali ram.

Sam 119:32

A lolos aleng kusu ana mumu asu mo levempapaase ali ram, mila uba suxa amu manga ia mi lodoxoma avukat.

Sam 119:40

A vara rinotno i xusu ana mumu asu levempapaase auru ram; una lox amaxat lorooro rak mila loklok taram ik mokso.

Sam 119:5

Naba lox avukat aleng mo do nenia a ruturun tim tebeng atmatkun leventetere avolo ram.

Sam 51:5

Nia aga xapmek, tu ka xa i at laaleng diga visix ia ren; kovisi ne naga ga visix ia nia agara xapmek pam.

Metiu 15:19

Na levempanga xapmek i ravasu boro at lorooro at laradi i lok keretna; levendoxoma xapmek, la loklok tip sep amet tadi, loklok ting longka, la leveloklok kakapmek maxamang at lixitkis epot, loklok tip kip pilo, la lavapaase xaxarang mu tara, la loklok ti lox asi tara.

Lagale Lavavang At Ne Iesu Karisito Luk Ga Malagan i 11:13

Keke i do mi bilinga, ketla miklen i do mim taba lempanga nunuan ti laxamdak atnimi. La kerepmo ne Moroa i nemen to vana at laxalibet naba raba Loroonan Kaala tinedi di ngising i!”

Lagale Lavavang At Ne Iesu Karisito Jon Ga Malagan I 3:6

La laradi, nenen i visix i at loklok at ne temen mi nenen, neni at na lorooro xopok; ket dola Loroonan Kaala i visik amaxar i, neni i ruuna lorooro maxat at Loroonan Kaala.

Lovoang At Ne Pol Ti Limixin Nunu to Rom 13:14

Ketla mina lok ka levempanga esep at Leeme Silok ne Iesu Karisito, la mina doxoma xepe leveloklok kakapmek ngan lavavara at labantuxu mun.

Lovoang At Ne Pol Ti Limixin Nunu to Rom 7:15

Nia xopmen anakleklen levempanga nenia ak lox i; la axok lok levempanga avukat nenia a vavara xusu anak lox i, ketla arak lok manga levempanga xapmek nenia a xopara rin.

Lovoang At Ne Pol Ti Limixin Nunu to Rom 7:19

Kopmen anak lok loklox avukat no nenia a vavara xusu anak lox i, ketla arak lok laxapmek no nenia axopavara xusu anak lox i.

Lovoang At Ne Pol Ti Limixin Nunu to Rom 7:25

A tong loklox avukat tinotno ri ne Moroa mumu ne Iesu Karisito, Leeme Silok atdik, atla neni naba lox arooro dik. Kuren la lorooro rak ik lok keretna; keneng at lodoxoma rinotno rak, nenia a lok ngan lasaxaruki at Lenavolo at ne Moroa; ketla keneng at labantuxu rak, i ngan nenia a gugu ngan lasaxaruki at laxapmek.

Lovoang At Ne Pol Ti Limixin Nunu to Rom 7:5

At levenaleng nedik diga rooro mu asu lavavara at labantuxu atnedik, laxandoxoma xapmek ga umsu keneng at labantuxu atnedik, la Lenavolo at ne Moroa ga lox aplivi mo lodoxoma; kuren la nedik digak lok levempanga ga epovo ri lanmet.

Galesia 5:17

atla levempanga labantuxu atnedik i vavara i, neni i lok petpes ti levempanga Loroonan i vavara i; la levempanga Loroonan i vavara i, i lok petpes ti levempanga labantuxu atnedik i vavara i. Nedu na dixo vepen, la Loroonan Kaala i lok nemi xusu mi noxo lok lempanga, labantuxu atnemi i vavara i.

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Pilipai 2:13

mila ne Moroa i gugu amisik keneng at lorooro atnimi ri lok amisik nemi xusu mina vara lodoxoma ren la mina epovo xusu mina mu asu i.

Pilipai 3:12

Nenia axo doma i do ara rebeng ka vam mo lorooro la ara ravasu ngan laradi xopmen taxapmek teren. Nenia move a lolos kusu ana rebeng atmatkun ka mo loklok i nunuan, mila ne Iesu Karisito ga un ka ia do tin.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

1 Pita 4:2

Kuren la mina ke axap lorooro atnemi at na lavatbung menemen kusu mina mu asu lodoxoma at ne Moroa, la kopmen lavavara kapmek mun at luvuttadi at na lavatkangka.