Lovoang At Ne Pol Ti Limixin Nunu to Rom 6:4 - Madak

⁴ Kuren la mumu bok lesep susu atnedik, i lok ngan digak mit nedik eburu min la digak lox eburu min at lanmet teren kusu nedik bok ataba roo xat mi lorooro maxat, kerekngan ne Iesu ga roo xat amlong at lanmet mi lololos at ne Temen.

Lovoang At Ne Pol Ti Limixin Nunu to Rom 6:4 Iomraidhean Croise

Lagale Lavavang At Ne Iesu Karisito Jon Ga Malagan I 11:40

Iesu ga lok tin, “Kereva, nenia agoxo tong box i ru do uba ven lololos at ne Moroa mo do una nuunu?”

Lagale Lavavang At Ne Iesu Karisito Jon Ga Malagan I 2:11

Nai lavanga sangsangu avot tinotno ne Iesu ga lox i. Ni ga lox i na ro Kena at lenep silok Galili; neni ga lox asuusu lisisilok teren go, la luvuttadi loklok ka anasa ren diga nuunu ren.

Leven Gugu 2:24

Ketla ne Moroa ga lox arooro amlong i basinge lololos at lanmet mila kopmen goxo epovo kusu lanmet na ranga alis i.

Leven Gugu 2:32

Moroa ga lox aroo amlong ne Iesu basinge lanmet, la nema na maga ven lorooro amlong teren.

Lovoang At Ne Pol Ti Limixin Nunu to Rom 6:19

A paase poovo mi lavaanat saxaruki la luvuttadi amgomgo atdi kusu minaba ronga xibis kaka na levelinga mila lunuunu atnemi kopmen na lolos. Gano nemi miga raba lorooro axap atnemi ri lugugu ngan lavaanat saxaruki at laxakapmek la laxangkakapmek solo. Kuren pam, la mina raba bok lorooro axap atnemi ngan lavaanat saxaruki ri lok leveloklok mokmokso la leveloklok i xaala.

Lovoang At Ne Pol Ti Limixin Nunu to Rom 6:3

Nemi mikleklen tinotno i na; at loxonaleng nedik diga lok kaka lesep susu keneng at laasen at ne Iesu Karisito, i lok ngan do nedik diga lok ka loxot at lanmet teren.

Lovoang At Ne Pol Ti Limixin Nunu to Rom 6:8

Do nedik taga met pam eburu mi ne Karisito, nedik ta nuunu do atanaba rooro bok eburu min.

Lovoang At Ne Pol Ti Limixin Nunu to Rom 6:9

Dik taklen i do ne Karisito gara roo xat pam at lanmet, la neni noxo met bok ba, atla lanmet kopmen na ruuna tololos ti lox asi i.

Lovoang At Ne Pol Ti Limixin Nunu to Rom 7:6

Ketla amo nga, nedik diga met ti lorooro maut, mo ga otot tutu minedik, nedik dira sepsu ba basinge Lenavolo, la ata gugu at langas maxat at Loroonan, la kopmen bok ba Lenavolo migomgo.

Lovoang At Ne Pol Ti Limixin Nunu to Rom 8:11

Mo do Loroonan at ne Moroa, mo ga lox aroo ne Iesu basinge lanmet, nak lok keneng atnemi, ne Moroa, mo ga lok aroo ne Karisito basinge lanmet, neni naba raba bok labantuxu atnemi mi lorooro, atla Loroonan teren ik lok keneng atnemi.

1 Korin 6:14

Moroa ga lox axatu Leeme Silok basinge lanmet, la neni bok naba lox aroo amlong nedik mi lololos teren basinge lanmet.

2 Korin 13:4

I ruturun do neni ga merem at laxaba, la ap mo loxonaleng goxopmen tololos teren, ketla mo nga i rooro amisik mi lololos at ne Moroa. Kerepmo nema luvuttadi gugu ren, kopmen tololos atnama, ketla at lugugu atnema xantubu atnimi, nema manaba ruuna lololos at ne Moroa, mila nema mat kis ekilen eburu mi ne Karisito.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

Epesas 4:17

Nia a sing lolos nemi keneng at laasen at Leeme Silok do mina ronga res at na levelinga. Mina xap ti mu asu leveloklok kakapmek at limixin kopmen di me Judaia. Mo levendoxoma atdi noxo lok tooro di.

Epesas 5:8

Gano nemi miga nemen at lamain. Ketla na nga Leeme Silok ga lok li nemi at laxasep. Nemi minat pas ngan luvuttadi at laxasep.

Kolosi 3:10

la miga sang ka lorooro maxat, mo ne Moroa ik lox amaxat amisix i mi lakleklen teren kusu miba lok ngan lampoovo at ne Moroa, lanat tuntudum li.

Kolosi 4:1

Lavaeme amgomgo, minak lok tatao nunuan lavasaxaruki atnimi la loklok nemi minak lox i rinedi na lox avukat. Mina lox i xuren mila nemi bok mi ruuna Leeme Silok no vana at laxalibet.

1 Pita 3:21

la ga lok ngan neni lampoovo at lesep susu, ana nga nemi bok mi roo suu ren. Ni xopmen do rit gos kepe laxakapmek at labantuxu, ketla neni laxakaape mi lox i ri ne Moroa mi lodoxoma avukat. La neni na i lox aroo nemi mumu mun lorooro xat amlong at ne Iesu Karisito,

1 Jon 2:6

do taradi na doma i do lorooro ren ik lok keneng at ne Moroa, lavatpas teren na lok ngan tinotno ne Iesu Karisito.