Lovoang At Ne Pol Ti Limixin Nunu to Rom 6:21 - Madak

²¹ Miga ven livipisik sala at laxaloklok nemi migak lox i, la mo ba mira mamangan teren? Livipisik ap mo levempanga, ni lanmet!

Lovoang At Ne Pol Ti Limixin Nunu to Rom 6:21 Iomraidhean Croise

Sam 73:17

ga se at loxonaleng aga beles uto at loogu laplavang taram. Go ba i, aga long lenget ka ba i do lavanga salai mo naba vot atnedi limixin kapmek.

Lovoang At Ne Pol Ti Limixin Nunu to Rom 1:32

Diklen i do Lenavolo at ne Moroa i tong i do limixin di mumu asu na leventaangas dinaba seeve. Ketla move dik lok na leventaangas la di momo mun midi limixin petpes ua di lok mo langas.

Lovoang At Ne Pol Ti Limixin Nunu to Rom 5:12

Laxakapmek ga vubeles at lavatbung menemen mumu mun legesa radi, la laxapmek teren ga raba lanmet bok eburu min. La livipisik at na, lanmet ga epeseves ti limixin axap, atla limixin axap dik lok laxakapmek.

Lovoang At Ne Pol Ti Limixin Nunu to Rom 6:16

Mikleklen tinotno i do, mo do mina raba nemi ngan lavaanat saxaruki ring tonga res at tara vetpes, nemi mi lok ngan lavaanat saxaruki at laradi ming tonga res teren; kuren la nemi lavaanat saxaruki at laxapmek no im taba lanmet, kopla nemi lavaanat saxaruki at lorongtonga res no ba lam ka nemi ri lesepsepmus.

Lovoang At Ne Pol Ti Limixin Nunu to Rom 6:23

Luunun at laxapmek, ni lanmet; ketla laramtaba at ne Moroa, ni lorooro avolo keneng at ne Iesu Karisito, Leeme Silok atnedik.

Lovoang At Ne Pol Ti Limixin Nunu to Rom 7:5

At levenaleng nedik diga rooro mu asu lavavara at labantuxu atnedik, laxandoxoma xapmek ga umsu keneng at labantuxu atnedik, la Lenavolo at ne Moroa ga lox aplivi mo lodoxoma; kuren la nedik digak lok levempanga ga epovo ri lanmet.

Lovoang At Ne Pol Ti Limixin Nunu to Rom 8:13

Do mina rooro mu asu mene nga lavavara at labantuxu, nemi minaba met; ket do mina lok kaka Loroonan Kaala la mina sev amet leveloklok kakapmek atnimi min, minaba roo.

Lovoang At Ne Pol Ti Limixin Nunu to Rom 8:6

Do levendoxoma atnedi na mumu asu mun lavavara at labantuxu, laxavaxap teren, lanmet; ket do levendoxoma atdi na mumu asu lavavara at Loroonan Kaala, laxavaxap teren, lorooro eburu mi lenmila.

2 Korin 4:2

La keneng at na lugugu ma lok kepe leventaangas kakapmek la leveloklok kaxarang. La maxo bala vukpuk bok limixin mi lakleklen atnama, la kopmen mana lox ekun levelinga at ne Moroa; ketla ma tong asu axasep aleng levelinga ruturun at ne Moroa la kerepmo ma lox aru nama ti limixin axap to at lemeren ne Moroa.

2 Korin 7:11

Mina ven lempanga ne Moroa ga lox asuusu i mi na lainbulu atnimi ngan levereven kibis eburu mi lodoxoma ri vaase pe nimi la loklox aronga mumu laxapmek kantubu atnimi la lusumsuma avukat tinama la lurutu eburu minema la mi gagas ti raba songsongot nedi di lok leveloklok kakapmek. Keneng at nai leveloklok, miga lox asuusu axa nemi do mi goxo ruuna tosoogong keneng at na lekarakat.

Pilipai 3:19

Nedi dinabat pas uto at lemenemen songsongot, dim doma mun levempanga anan la lavavara mun at labantuxu. Di momo mun ti levempanga i raba di mi lainmangan silok, la dim doma mun levempanga at na lavatbung menemen.

Ibru 10:29

Kerepmo la do tara na sok kepe lunuunu ren at ne Iesu, i lok ngan ta dola i vas axangka ne Nitna ne Moroa; la neni i lok lada at ne Iesu ngan ta lavanga gamasa, mo lada at lekabus maxat ga sen kusu na lok kepe laxakapmek teren, la ira vaase vupu vam ti Loroonan Kaala, mo i lox asuusu letaba nabalamu at ne Moroa ridik. Do tara na lok na leveloklok kakapmek, neni naba lok ka loklox asongot silok.

Ibru 6:8

Ketla do livin gagas mi laxampivilis kapmek kusuk mun na su ap mo laxantaamang, mo laxantaamang i lok kapmek axap, la i nemen maxopok at lebelemamao at ne Moroa, la kopmen bok ba tara noxotlo tevempanga go.

Jems 1:15

La mo lavavara xapmek teren naba sisilok la ba lox asuusu laxakapmek. Melemu at na, laxakapmek na sisilok la na lox asu lanmet.

Jems 5:20

Nemi mina ven kisip na lavanga. Do taradi i lok tooro laradi kakapmek, la laradi kakapmek i on basinge langas at lanmet la iamlong parap ne Moroa, neni ira lox arooro vam mo laradi basinge lanmet lexen la ne Moroa naba doxoma xepe buaang laxaloklok kakapmek teren. I ruturun.

1 Pita 4:17

Laaleng ira auret pam ti laaleng ete na ru kaxat, la ne Moroa naba viila mumu avot be loklok at limixin tinotno ren. Do na ru kaxat avot minedik, naba lok kapmek tinotno rinedi, dixo ronga res at Lagale Lavavang at ne Moroa.

1 Jon 2:28

Luvutnuruk orong. Minat kis esogo amisik mi ne Iesu kusu at lovotpot teren mi noxo marat la mi noxo mangan.

Lisilimet 16:6

mila nedi limixin kapmek diga sev amet limixin nuunu eburu mi lavaeme vapaase alii ram, kuren la ura raba nedi limixin kapmek mi lada kusu nedi dina in i, la ik mokso aleng do nedi limixin kapmek dina in mo lada.” Ais 49:26

Lisilimet 20:14

La ne Moroa ga lu arup axap tino nga mi lanmet eburu mi lenep Edesa uto at lemet kao. Mo lemet kao, ni lanmet sepsev agepura.