Lovoang At Ne Pol Ti Limixin Nunu to Rom 6:19 - Madak

¹⁹ A paase poovo mi lavaanat saxaruki la luvuttadi amgomgo atdi kusu minaba ronga xibis kaka na levelinga mila lunuunu atnemi kopmen na lolos. Gano nemi miga raba lorooro axap atnemi ri lugugu ngan lavaanat saxaruki at laxakapmek la laxangkakapmek solo. Kuren pam, la mina raba bok lorooro axap atnemi ngan lavaanat saxaruki ri lok leveloklok mokmokso la leveloklok i xaala.

Lovoang At Ne Pol Ti Limixin Nunu to Rom 6:19 Iomraidhean Croise

Metiu 4:23

Iesu gat pas at lengkot axap Galili, ga anasa limixin mi levenanasa at ne Moroa ro xeneng at laraugu singising atdi; la ga vavang mi Lagale Lavavang mumu Linintoo, la gak lox aroo limixin basinge laxanasen anmeres axap.

Lovoang At Ne Pol Ti Limixin Nunu to Rom 15:1

Nedik lunuunu atnedik i lolos, ata xip tooro nedi dixo lolos mi levenaknixip atnedi. La nemen gat dik guta doma xusuk mene nedik la ata lox amomo dik.

Lovoang At Ne Pol Ti Limixin Nunu to Rom 3:5

La kereva ba, do laxakapmek atnedik na ravasu silok tinotno xusu limixin axap dina ven i do ne Moroa ik mokso, ataba tong ka lavanga sala? Ataba tong ka nga i do ne Moroa kopmen nak mokso atla neni i lox asongot nedik? (Na levelinga i ngan levelinga at limixin at na lavatkangka.)

Lovoang At Ne Pol Ti Limixin Nunu to Rom 6:13

La nemen gat miguta raba tamangkot at labantuxu atnemi ri laxapmek, kusu mina lok levempanga xapmek. Ketla mina raba axa nemi ri ne Moroa, na ngan laradi ga ravasu at lanmet ti lorooro, la mina raba lorooro axap atnemi rin kusu rik lok lugugu i nunuan la ik mokso.

Lovoang At Ne Pol Ti Limixin Nunu to Rom 7:23

Ketla a reven lodoxoma vetpes i gugu xeneng at labantuxu rak la mo i vesep eburu mi lodoxoma avukat ik lok keneng tarak. La mo lodoxoma i lok li ia xeneng at loxokoxo at laxakapmek la i gugu keneng at labantuxu rak.

Lovoang At Ne Pol Ti Limixin Nunu to Rom 8:26

Keneng at na lodoxoma voovo, Loroonan Kaala naba lok tooro nedik do nedik taxo ru lolos, atla dik taxoklen i do ataba sing kereva; la Loroonan axa i ngising tinedik saparap ne Moroa mi levelinga metmes nia axo epovo xusu ana mii poovo i mi tekolinga.

1 Korin 5:6

Nemi mi lok do loklok atnimi i lox avukat la mi silok aleng, ketla kopmen. Ixok mokso rinimi xusu mina ke xepe nom laradi i lok nom loklok. Miklen levelinga i lok keretna, “Laxakapmek kakalik at legesa radi naba lok kapmek limixin axap.”

1 Korin 6:11

Lentaba atnimi digak lok kerepmo. Ketla ne Moroa ga gos nemi axap basinge laxakapmek atnimi; la nemi xa ga ravasu ngan limixin dadat at ne Moroa; la at laasen mun at Leeme Silok ne Iesu Karisito la mi Loroonan mun at ne Moroa, neni ga lox asepmus nimi basinge loklok kakapmek.

1 Korin 9:8

Ana levelinga nia a tong i kopmen mede xopok at na lavatbung menemen. Kereva, Lenavolo xopmen na tong bok na lavapaase?

Galesia 3:15

Luvutnetak mi luvurinuk. Ana vaase poovo mi legepu radi do nedu du paase mi tavanga at laxanaleng axap la du siam teren la du malagan tovoang ti lox axasep livirivit li atdu; ixo epovo bok ba xusu teta naba ba gili i xopla na soxurung arup tepempanga ukeneng teren.

Ibru 12:15

Mina lok tatao avukat nimi xusu tara atnimi noxo sok tixirixes kepe letaba nabalamu at ne Moroa la na seeve; la nemen nimi guta ke xepe teventaba atnimi dina lok lekarakat kusu mo laxakapmek na lox asubu lunuunu at limixin, kerekngan laradi sak i sev amet limixin.

Ibru 4:15

Mo Lamaasa Avolo atdik, neni i epovo na suma rooro dik at leveloklok tong pen mila neni ga suma bok laxaloklok tong pen ngan dik, ketla neni xopmen goxo lok taxakapmek.