Lovoang At Ne Pol Ti Limixin Nunu to Rom 6:12 - Madak

¹² Kuren la nemen mita ke laxapmek na lok tatao labantuxu gamasa atnemi mo naba met; la nemen mita ronga res at lavavara mun at labantuxu atnimi.

Lovoang At Ne Pol Ti Limixin Nunu to Rom 6:12 Iomraidhean Croise

Sam 119:133

Unam lam aratao ia at lavatpas tarak, kerekngan levelinga ram; nemen uta ke xepe libilinga nak sak tup minia.

Sam 19:13

Una lok tooro ia xusu nia noxo lok laxapmek ua nenia a vara i. Nemen uta ke xepe i na sak pava ia xusu nia anabak mokso la anaba sepmus basinge lolos at libilinga.

Lovoang At Ne Pol Ti Limixin Nunu to Rom 13:14

Ketla mina lok ka levempanga esep at Leeme Silok ne Iesu Karisito, la mina doxoma xepe leveloklok kakapmek ngan lavavara at labantuxu mun.

Lovoang At Ne Pol Ti Limixin Nunu to Rom 2:8

Ketla leventaba atnemi limixin di doxoma mene di, la di sok tixirixes levelinga ruturun at ne Moroa, di vavara i do dina mumu asu levempanga i lok kapmek; nedi na dinaba ekip tangarang mi lebelemamao la lumukmusak at ne Moroa.

Lovoang At Ne Pol Ti Limixin Nunu to Rom 5:21

Kuren la at loxonaleng laxapmek i tu ri sat ka limixin ti lanmet, letaba nabalamu bok at ne Moroa i tu xusu ti sar akmokso di, la na lam kaka di ri lorooro avolo mumu ne Iesu Karisito, Leeme Silok atnedik.

Lovoang At Ne Pol Ti Limixin Nunu to Rom 6:14

Nemen gat miguta ke xepe laxapmek nam lam nemi, atla nemi xopmen minak lok maxopok at loklok tatao at Lenavolo; ketla mik lok maxopok at letaba nabalamu at ne Moroa.

Lovoang At Ne Pol Ti Limixin Nunu to Rom 6:16

Mikleklen tinotno i do, mo do mina raba nemi ngan lavaanat saxaruki ring tonga res at tara vetpes, nemi mi lok ngan lavaanat saxaruki at laradi ming tonga res teren; kuren la nemi lavaanat saxaruki at laxapmek no im taba lanmet, kopla nemi lavaanat saxaruki at lorongtonga res no ba lam ka nemi ri lesepsepmus.

Lovoang At Ne Pol Ti Limixin Nunu to Rom 8:11

Mo do Loroonan at ne Moroa, mo ga lox aroo ne Iesu basinge lanmet, nak lok keneng atnemi, ne Moroa, mo ga lok aroo ne Karisito basinge lanmet, neni naba raba bok labantuxu atnemi mi lorooro, atla Loroonan teren ik lok keneng atnemi.

Lovoang At Ne Pol Ti Limixin Nunu to Rom 8:13

Do mina rooro mu asu mene nga lavavara at labantuxu, nemi minaba met; ket do mina lok kaka Loroonan Kaala la mina sev amet leveloklok kakapmek atnimi min, minaba roo.

2 Korin 4:11

At lorooro axap atnema, ma nemen amisik keneng at levenmumuat at lanmet mumu laasen at ne Iesu, kusu mo lorooro ren limixin diba ven box i at labantuxu atnama, mo noxo nemen abao.

2 Korin 5:4

Nedik nave tak lok at na lorooro, atap kup sae mi levesongsongot la tap kip levenaknixip; la kopmen do dik dira vara nga i do dina lok kepe labantuxu atdik, ketla ata vara i do ata siga ka nga lorooro boro vana at laxalibet, kusu lorooro at na labantuxu, lorooro avolo naba sumkonom ka i.

Galesia 5:16

Na levelinga nenia a vaase i, i lok keretna; mina lok ka loklok at Loroonan Kaala la mi noxo vavara solo levendoxoma at labantuxu atnemi;

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Epesas 2:3

Nedik axap taga nemen kuren, taga lok lempanga kusu ri lox amomo mun lodoxoma la labantuxu atdik, mo ga umsu mi lavavara kapmek at lorooro maut. La nedik taga nemen maxopok at lebelemamao at ne Moroa kerekngan nedi.

Epesas 4:22

Miga lox ase kusu mina lok kepe lorooro maut mo gak lok at lorooro atnimi ganoxa, la lodomdoma ri laxakapmek gara lok kapmex i.

1 Tesalonia 4:5

La kerepmo nemen mita mumu asu mo loklok kakapmek atnedi dixoklen ne Moroa.

2 Timoti 2:22

Kuren la una ke xepe leveloklok kakapmek, kerekngan loklok at luvuraau; la una lolos kusu una mu asu leveloklok keretna; loklok mokmokso, lunuunu, labalamu, la limila. Una lok na levempanga eburu minedi limixin di nuunu at Leeme Silok la nedi lorooro atdi i lok nunuan.

Taitas 2:12

Kuren la ata ke xepe leveloklok kakapmek keretna; dina ke xepe lorooro xapmek; nemen dik ta puse lolos ti levempanga at na lavatbung menemen; nemen dik gutak lok tangtangku, ketla lorooro atdik na dadat; la ata lok mo levempanga ne Moroa i vara i at na lavatbung menemen kopok.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

1 Pita 1:14

Minang tonga res at ne Moroa, la nemen gat mi gutam lomlong ti mo lavavara xapmek miga ruuna i gano at levenaleng migak lok at larangtangku.

1 Pita 2:11

Larapen tangas orong tarak. A sing nemi mi lodoxoma axap tarak. Nemi mi lok ngan mun limixin kadiong de at na lavatbung menemen, kuren la mina ru asepsu basinge leveloklok kakapmek at labantuxu, atla neni na leveloklok i vesep eburu mi labaroonan atnemi.

Lovoang At Ne Jut 1:16

Nedi na limixin di paase xuxurung amisik, la dik sok taba xusuk mun limixin petpes mi laxapmek atdi; di mumu asu mun lavavara xapmek atdi xa, la di lox asilok levenasen atdi; la dik lox atdan limixin petpes kusu dinap kip paxat ka lempanga atnedi.

Lovoang At Ne Jut 1:18

Diga paase rinimi xeretna, “At levenaleng kavaxap at na lavatbung menemen, limixin mo dinaba rupot la diba paase sese xapmek leventaangas nunuan at limixin nuunu. La diba mumu lavavara xapmek atdi mo xopmen na sixit emu mi lavavara at ne Moroa.”