Lovoang At Ne Pol Ti Limixin Nunu to Rom 5:11 - Madak

¹¹ Ketla kopmen laxavaxap ta mo at na levelinga; nedik ata xip aurut laasen at ne Moroa mumu Leeme Silok atnedik ne Iesu Karisito atla neni ga lok lumulum tinedik eburu mi ne Moroa.

Lovoang At Ne Pol Ti Limixin Nunu to Rom 5:11 Iomraidhean Croise

Sam 104:34

A vara i do ni naba momo at lengkom pixan tarak, atla leklek tarak i laala boro ren.

Sam 149:2

Nemi leme Israel, minak lek mumu laradi runtudum li atnemi; nemi limixin me Saion mina momo mumu mo Loorong Silok atnemi!

Sam 32:11

Nemi limixin mokmokso, mina momo la mina sosoro at levempanga Leeme Silok gak lox i. Nemi ming tonga res teren, minap kup momo.

Sam 43:4

Melemu nia anabat pas uto at loxonin laplavang taram, O Moroa. Nenu mun lavasuun at lomomo rak. Nia anabak pixan eburu mi ligita ti emi asu minu. O Moroa, Moroa rak.

Lagale Lavavang At Ne Iesu Karisito Luk Ga Malagan i 1:46

Maria ga lok, “Nenia a emi asu mi ne Moroa;

Lagale Lavavang At Ne Iesu Karisito Jon Ga Malagan I 1:12

Ketla nedi diga siam ka i la diga nuunu ren, ni ga lok li nedi ngan tinotno luvutnitna ne Moroa.

Lovoang At Ne Pol Ti Limixin Nunu to Rom 11:15

At levenaleng ne Moroa ga lok kepe nedi, neni ga vaxat ka limixin at na lavatbung menemen saparav i. Naba lok avukat tinotno do ne Moroa na lox amlong ka leme Judaia. Naba lok ngan ta do luvuttadi met di roo xat amlong ti lorooro.

Lovoang At Ne Pol Ti Limixin Nunu to Rom 2:17

La kereva nimi? Mi tong i do nemi luvuttadi me Judaia la mi nuunu at Lenavolo, la mit las nimi do mit kis esogo mi ne Moroa;

Lovoang At Ne Pol Ti Limixin Nunu to Rom 5:1

Amo nga mumu lunuunu atnedik, Moroa ga lox asepmus pam dik basinge laxakapmek, kuren la nedik di ruuna ka lumulum eburu mi ne Moroa mumu Leeme Silok atdik ne Iesu Karisito.

Lovoang At Ne Pol Ti Limixin Nunu to Rom 5:10

Nedik diga munepen mi ne Moroa, ketla neni ga vaxat ka buru nedik saparav i mumu lanmet at ne Nitna. La amo nga Moroa ga lok lumulum eburu minedik, i epovo rinotno do nedik ataba roo suu mumu lorooro at ne Karisito.

Lovoang At Ne Pol Ti Limixin Nunu to Rom 5:3

La dik ta xip aurut bok laasen teren keneng at levenmumuat atnedik, atla dik taklen i do levenmumuat im taba dik mi lololos kusu ata tu atmatkun keneng at leveloklok tong pen.

Lovoang At Ne Pol Ti Limixin Nunu to Rom 8:23

Ketla xopmen neni xusuk mun; nedik bok di ruuna Loroonan Kaala ngan laramtaba avot at ne Moroa, nedik bok dit mes keneng axa atnedik at levenaleng dik di ngangais tinotno ne Moroa xusu neni na lok li nedik ngan luvutnitna, la na lox asepsu labantuxu atnedik.

Lovoang At Ne Pol Ti Limixin Nunu to Rom 9:10

Ketla kopmen neni xusuk mun na. Lumdak at ne Rabeka duga ruuna legese remen du, la neni lurubuno avolo atnedik ne Aisak.

1 Korin 10:16

At leluxa at Leeme Silok nedik di tong loklox avukat ti ne Moroa mumu lakap orong i ngan lada at ne Karisito; la nedik di inin teren, i ngan ta do dik ta lok katling luruburu atdik maxeneng at ne Karisito. La do dik di anan at lakde, i ngan labantuxu at ne Karisito naba lox asuusu i do dik ta lok katling luruburu atdik maxeneng at ne Karisito.

2 Korin 8:19

La kopmen ana xusuk mun i, limixin at laraugu lotu diga soxolik ka i xusu na emu eburu minama uto Judaia la nap kip laramtaba. Na laramtaba naba xip aurut laasen at Leeme Silok, la naba lox asuusu box i do ma vara aleng i do mana lok tooro.

Galesia 4:9

Ketla amo manga miraklen ne Moroa, i ruturun aleng do ne Moroa iklen nemi; ira lok bok ba mo xereva la miramlong mu manga mo leveloklok la leventaangas gamasa at Lenavolo la mira lok li nimi maxopok teren? Tila la mira vara manga i xusu mina lok ngan lavaanat saxaruki at na laxaloklok?

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Pilipai 3:1

Luvutnetak mi luvurinuk. Ti lox axap levelinga rak; mina momo at Leeme Silok. I lox avukat mene do nia ana sox amu bok mo levelinga nia aga malagan pam min tinimi, mo ba lok tooro nimi xusu mi noxo subu.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

Pilipai 4:4

Lomomo atnimi keneng at Leeme Silok na nemen amisik. A tong amu box i do mina momo.

Kolosi 2:6

Nemi miga siam kaka ne Iesu Karisito ngan Leeme Silok atnimi, kuren la minat kis esogo eburu min.

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.