Lovoang At Ne Pol Ti Limixin Nunu to Rom 5:1 - Madak

¹ Amo nga mumu lunuunu atnedik, Moroa ga lox asepmus pam dik basinge laxakapmek, kuren la nedik di ruuna ka lumulum eburu mi ne Moroa mumu Leeme Silok atdik ne Iesu Karisito.

Lovoang At Ne Pol Ti Limixin Nunu to Rom 5:1 Iomraidhean Croise

Sam 122:6

Mina sing kusu limila nak lok to lemenemen Jerusalem; i epovo do nedi di vavara aleng na lemenemen, dinaba ngasang kobot.

Lagale Lavavang At Ne Iesu Karisito Luk Ga Malagan i 19:38

Digap kup keretna, “Moroa na lox anarong loorong silok mo i vot ngan Lanarong at ne Moroa! Lumulum na nemen to vana at laxalibet, la ata emi asu mi ne Moroa!” Sam 118:26

Lagale Lavavang At Ne Iesu Karisito Luk Ga Malagan i 19:42

la ga lok keretna, “Lingina nemi limixin kopmen minaklen lavanga salai xusu naba lok lumulum. Ketla mo nga i nemen alipe vam.

Lagale Lavavang At Ne Iesu Karisito Luk Ga Malagan i 2:14

“Ata emi asu mi ne Moroa ik lok to vana at laxalibet, la lumulum at ne Moroa bak lok at na lavatbung menemen tinedi ne Moroa i momo midi.”

Lagale Lavavang At Ne Iesu Karisito Jon Ga Malagan I 14:27

Lenmila rak na nemen maxeneng atnimi; limila rak ana raba nimi min. Axo raba i na i ngan limixin at na lavatbung menemen dim taba i xuren. Nemen mita bulu la mina marat.

Lagale Lavavang At Ne Iesu Karisito Jon Ga Malagan I 16:33

Agara tong pam i na rinimi xusu miba ruuna ka limila. Nemi minaba suma losongsongot boro at limixin at na lavatbung menemen. Ketla mina tu tuxuruxun. Ara los kimit pam laxakapmek at na lavatbung menemen.”

Lagale Lavavang At Ne Iesu Karisito Jon Ga Malagan I 20:31

Ketla leventaba levempanga sangsangu ik lok at na lubuk kusu mina nuunu do ne Iesu neni Lanarong la Nitna ne Moroa; la do mina nuunu ren, miba ruuna ka lorooro avolo at laasen teren.

Lagale Lavavang At Ne Iesu Karisito Jon Ga Malagan I 5:24

A tong tuturun i rinimi. Do tara i ronga levelinga rak, la i nuunu ap mo lara ga riki ia, neni ira lok ka vam lorooro avolo. Neni xopmen noxo tu at lavapaase at laaleng ete, ketla ira roo suu vam basinge lanmet la ira ruuna ka vam lorooro avolo.

Leven Gugu 10:36

Nemi miklen Lagale Lavavang neni ga song araba limixin me Israel min; na Lagale Lavavang i lok lumulum kantubu at ne Moroa la limixin mumu lanmet at ne Iesu Karisito, neni Leeme Silok at limixin axap at na lavatbung menemen kopok.

Lovoang At Ne Pol Ti Limixin Nunu to Rom 1:17

atla Lagale Lavavang i lox asuusu i do ne Moroa ik lox akmokso limixin mi legesa ngas mene nga, neni lunuunu la kopmen tangas petpes bok ba, kerekngan Lovoang Kaala i tong i xeretna, “Laradi ip sep sogo at ne Moroa mi lunuunu ren, ni naba roo suu.” Abk 2:4

Lovoang At Ne Pol Ti Limixin Nunu to Rom 1:7

Nia a malagan na levelinga rinemi axap mi nemen dom Rom, Moroa i balamu nimi la ga ro xaka nimi do nemi limixin teren. Letaba nabalamu la lenmila rinimi boro at ne Moroa ne Temen nedik, la Leeme Silok ne Iesu Karisito.

Lovoang At Ne Pol Ti Limixin Nunu to Rom 10:10

Kuren la nemi do mina nuunu mi lebelen nimi axap, nemi minaba sepmus; la do mina vaase asu i mi levenbulubun atnimi, minaba roo suu.

Lovoang At Ne Pol Ti Limixin Nunu to Rom 10:15

La tevelinga naba ravasu xereva mo do dixo riki asu taradi ri vavang min? I ngan Lovoang Kaala i tong i xeretna, “I lox avukat tinotno lavatpas atnedi di vot mi Lagale Lavavang.” Ais 52:7

Lovoang At Ne Pol Ti Limixin Nunu to Rom 14:17

Linintoo at ne Moroa neni xopmen loklok ti anan la ti inin, ketla neni lomokmokso, la limila, la lomomo at Loroonan Kaala im taba i.

Lovoang At Ne Pol Ti Limixin Nunu to Rom 15:13

A ngising do ne Moroa at levendoxoma voovo axap, na suxa aumsu nemi mi lomomo la limila mumu lunuunu atnemi saparav i, kusu levendoxoma voovo atnemi naba su silok eburu mi lolos at Loroonan Kaala.

Lovoang At Ne Pol Ti Limixin Nunu to Rom 15:33

A vara i do ne Moroa at limila nak lox eburu minemi axap. I ruturun.

Lovoang At Ne Pol Ti Limixin Nunu to Rom 3:22

Ketla ne Moroa ik lok li akmokso limixin mumu lunuunu atnedi saparap ne Iesu Karisito. La ne Moroa ik lox i na rinedi axap di nuunu at ne Karisito. Kopmen tevereven petpes atnedi leme Judaia la limixin kopmen me Judaia,

Lovoang At Ne Pol Ti Limixin Nunu to Rom 3:30

Moroa neni legesara, la neni naba lox asepmus leme Judaia mumu lunuunu atnedi, la nedi bok kopmen di me Judaia xuren, mumu bok lunuunu atnedi.

Lovoang At Ne Pol Ti Limixin Nunu to Rom 4:5

Do laradi xopmen na nuunu saga at leven gugu neni ik lox i, ketla i nuunu at ne Moroa mo i lox asepmus limixin dik lok laxakapmek, lunuunu mun teren i lox i la ne Moroa i siam kaka i ngan laradi mokmokso.

Lovoang At Ne Pol Ti Limixin Nunu to Rom 5:11

Ketla kopmen laxavaxap ta mo at na levelinga; nedik ata xip aurut laasen at ne Moroa mumu Leeme Silok atnedik ne Iesu Karisito atla neni ga lok lumulum tinedik eburu mi ne Moroa.

Lovoang At Ne Pol Ti Limixin Nunu to Rom 5:18

Kuren la legesa xapmek mene ga lok loxokoxo ri limixin axap. I ngan bok legeso loklok at laradi mokmokso mene ga lox asepmus la ga raba lorooro ri limixin axap.

Lovoang At Ne Pol Ti Limixin Nunu to Rom 6:23

Luunun at laxapmek, ni lanmet; ketla laramtaba at ne Moroa, ni lorooro avolo keneng at ne Iesu Karisito, Leeme Silok atnedik.

Lovoang At Ne Pol Ti Limixin Nunu to Rom 9:30

Ataba tong ka toxolinga salai? Do limixin kopmen di me Israel, nedi di goxok lok tong i xusu dinak mokso at lemeren ne Moroa, ketla diga sepmus mene mumu lunuunu atnedi.

Galesia 2:16

Ketla nema leme Judaia maklen i do, laradi mun i nuunu at ne Iesu Karisito, neni mun i sepmus basinge loklok kakapmek, la kopmen do i mumu asu Lenavolo. La kerepmo bok ma nuunu at ne Iesu Karisito xusu manaba sepmus basinge loklok kakapmek, kopmen do ti mumu asu Lenavolo. Ana kopmen noxo ravasu at loklok ti mumu asu Lenavolo, atla kopmen teta naba sepmus basinge loklok kakapmek do neni na mumu asu mun Lenavolo.

Galesia 3:25

Kuren la amo nga, lunuunu ik lok atnema, la Lenavolo ixo lok tatao bok ba nema.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Epesas 2:7

Neni ga lox i na xusu at levenaleng i tu melamgo, neni naba lox asuusu i do letaba nabalamu ren i nunuan axap, mo letaba nabalamu ga ravasu at labalamu ren tidik maxeneng at lugugu at ne Iesu Karisito.

Pilipai 3:9

la anat kis esogo min. Nenia a goxo lok ka lomokmokso at lemeren ne Moroa mumu i do agang tonga res at Lenavolo. Kopmen. Nenia na a nemen mokmokso at lemeren ne Moroa mumu lunuunu rak keneng at ne Karisito. La ne Moroa axa ga lok li ia xusu ana sepmus basinge loklok kakapmek.

Kolosi 1:20

la at lodoxoma bok at ne Moroa do, ne Nitna naba lok lumulum kantubu at ne Moroa la limixin axap, nedi limixin mede xopok at na lavatbung menemen la nedi limixin to vana at laxalibet. Karisito ga lok lumulum mi lada ren, mo ga sen su ro vana at laxaba.

Kolosi 3:15

Mina ke limila na suxuna lorooro atnimi, mo limila ne Karisito im taba i; mila ne Moroa ga ro xaka nemi kusu mina nemen keneng at limila ngan legesa bantuxu. La amisik mina tong loklox avukat ti ne Moroa.

1 Tesalonia 5:23

A sing ne Moroa i umsu mi limila, do neni na lox adadat lorooro atnimi la neni na lox alolos lodoxoma eburu mi lorooro la labantuxu atnimi, kusu minaba nemen mokmokso at lemeren ne Moroa ap mo laaleng Leeme Silok, ne Iesu Karisito nabamlong teren.

2 Tesalonia 3:16

A sing Leeme Silok at limila do neni xa na raba nimi mi limila ren at levenaleng axap la at leventaangas axap. Leeme Silok na nemen eburu amisik minemi axap.

Ibru 13:20

Moroa at lumulum ga lox aroo amlong Leeme Silok atdik ne Iesu basinge lanmet; la at lada ren neni ga vaxaru kaxat lekabus maxat mo ba nemen amisik. Neni laradi loklok tatao atdik ngan laradi i lok tatao lubungsipsip teren.