Lovoang At Ne Pol Ti Limixin Nunu to Rom 4:11 - Madak

¹¹ Diga vit kepe loxontuxu ren ga melemu ba, la mo loklok diga lox i rin, ga lok ngan loklok katling ti lox asorun i do at lunuunu mun at ne Abaram, ne Moroa ga siam kaka i ngan laradi mokmokso, avot tinotno ri livirivit kepe loxontuxu ren. Kuren la ne Abaram i lok ngan ne temen nedik axap di nuunu at ne Moroa la dik lok keneng at lisisiam ngan luvuttadi mokmokso ren, nedi bok di goxovisi vit kepe lengkontuxu atnedi.

Lovoang At Ne Pol Ti Limixin Nunu to Rom 4:11 Iomraidhean Croise

Sam 47:9

Luvuttadi amgomgo atdi di vot eburu mi limixin at lo Moroa at ne Abaram. Lolos teren i volo lolos atnedi axap limixin esep at na lavatbung menemen; ni Loorong i silok aleng ti lavaorong axap.

Metiu 16:16

Simon Pita ga vorang i xeretna, “Nenu Lanarong, Nitna ne Moroa, Loroo Avolo.”

Metiu 8:11

Nia a tong i rinimi do buaang limixin diba laa boro at lengkot axap at na lavatbung menemen la diba xis kopok eburu mi ne Abaram, Aisak la ne Jakop at laanan tarak to xeneng at Linintoo no vana at laxalibet.

Lagale Lavavang At Ne Iesu Karisito Luk Ga Malagan i 19:9

Iesu ga lok ti limixin axap, “Lingina Moroa ira lok arooro vam limixin at na loogu; nia a lok tooro na laradi mila neni livisik li at ne Abaram.

Lagale Lavavang At Ne Iesu Karisito Jon Ga Malagan I 3:33

Do tara na siam ka levelinga ren, neni i lox asuusu i do levelinga at ne Moroa i ruturun.

Lagale Lavavang At Ne Iesu Karisito Jon Ga Malagan I 3:36

Do nege i nuunu at ne Nitna ne Moroa, neni naba ruuna ka lorooro avolo; la nege do i ronga xepe ne Nitna ne Moroa, neni noxo ruuna ka lorooro avolo la lebelemamao at ne Moroa ik lok mu amisix i.”

Lagale Lavavang At Ne Iesu Karisito Jon Ga Malagan I 6:35

Iesu ga lok tidi, “Nenia lakde at lorooro. Mo do tara na vosiga ia, neni noxo roxo bok ba; la neni do i nuunu rak, neni noxo minu bok ba.

Lagale Lavavang At Ne Iesu Karisito Jon Ga Malagan I 6:40

mila lavavara at ne Tamak i lok keretna, nedi do di ven kisip ne Nitna ne Moroa la di nuunu ren, dinaba lok ka lorooro avolo, la nia anaba lox aroo xat di at laaleng ete.”

Lagale Lavavang At Ne Iesu Karisito Jon Ga Malagan I 6:47

A tong tuturun i rinimi; do tara na nuunu rak, neni naba ruuna ka lorooro avolo.

Lagale Lavavang At Ne Iesu Karisito Jon Ga Malagan I 8:33

La diga lok, “Nema livipisik li at ne Abaram, la kovisi toxonaleng ma nemen ngan lavaanat saxaruki at teta. Ua lavasuun at nom levelinga ram u tong i do, maba sepmus?”

Lovoang At Ne Pol Ti Limixin Nunu to Rom 10:11

Lovoang Kaala i vaase i xeretna, “Do nege do i nuunu ren, neni noxo doma saasaa.” Ais 28:16

Lovoang At Ne Pol Ti Limixin Nunu to Rom 10:4

La ne Karisito gara lox epovo vam Lenavolo, kusu nege i nuunu, neni laradi mokmokso.

Lovoang At Ne Pol Ti Limixin Nunu to Rom 10:6

Ketla ana levelinga i paase mumu langas ti lomokmokso saparap ne Moroa mi lunuunu; “Nemen gat uguta doma raba u mi lususue do, nege naba urut uto vana at laxalibet?” (kusu ri lok ka ne Karisito ude xopok.) Len 30:13

Lovoang At Ne Pol Ti Limixin Nunu to Rom 3:22

Ketla ne Moroa ik lok li akmokso limixin mumu lunuunu atnedi saparap ne Iesu Karisito. La ne Moroa ik lox i na rinedi axap di nuunu at ne Karisito. Kopmen tevereven petpes atnedi leme Judaia la limixin kopmen me Judaia,

Lovoang At Ne Pol Ti Limixin Nunu to Rom 3:26

ketla ana nga at na levenaleng, neni i doxoma lolos laxapmek at limixin, kusu ri lox asaxaven loklok mokmokso ren. At na mun langas, la ne Moroa i lox asuusu i do neni xa ik mokso la ik lox asepmus limixin axap di nuunu at ne Iesu.

Lovoang At Ne Pol Ti Limixin Nunu to Rom 3:30

Moroa neni legesara, la neni naba lox asepmus leme Judaia mumu lunuunu atnedi, la nedi bok kopmen di me Judaia xuren, mumu bok lunuunu atnedi.

Lovoang At Ne Pol Ti Limixin Nunu to Rom 4:10

Na luvukat ga vot tinotno at ua loxonaleng? Ga vor avot kopla, ga vot ba melemu at laaleng diga vit kepe loxontuxu at ne Abaram? Taklen i do ga vor avot, la kopmen do melemu ba.

Lovoang At Ne Pol Ti Limixin Nunu to Rom 9:30

Ataba tong ka toxolinga salai? Do limixin kopmen di me Israel, nedi di goxok lok tong i xusu dinak mokso at lemeren ne Moroa, ketla diga sepmus mene mumu lunuunu atnedi.

Lovoang At Ne Pol Ti Limixin Nunu to Rom 9:33

no Lovoang Kaala i paase min keretna, “Mina ven ba i, a lok li luat to xeneng at lemenemen Saion ti lok limixin dinaba sak kikixin teren. Mo luat naba lok nedi dina subu. Ketla nege do i nuunu ren, neni noxo doma saasaa.” Ais 8:14, 28:16

Lovoang At Ne Pol Ti Limixin Nunu to Rom 9:6

Nia axo vaase dola, ne Moroa goxo lox epovo laxakaape ren; atla kopmen limixin axap me Israel nedi limixin soksoxolik ka at ne Moroa.

2 Korin 1:22

la neni ga lok katling dik do ateren akmokso la ga lok li Loroonan Kaala ren keneng atdik ngan lampinebeng.

Galesia 3:22

Ketla Lovoang Kaala i vaase i xeretna do, limixin axap at na lavatbung menemen, dik lok maxopok at lololos at laxapmek; kuren la na laramtaba ne Moroa ga xaape min ti limixin, it pot mumu mun lunuunu saparap ne Iesu Karisito, la ne Moroa im taba i rinedi di nuunu.

Galesia 3:29

Do nemi at ne Karisito, mi lok ngan pam do nemi livipisik li at ne Abaram, la minaba ruuna xaka mo loklox anarong ne Moroa ga xaape min ti ne Abaram.

Galesia 3:7

Kuren la mina ven kibis i do nedi limixin di ruuna lunuunu, diba ravasu ngan livipisik li rinotno at ne Abaram.

Galesia 5:5

Ketla nema na ma ruuna lugugu at lolos at Loroonan keneng at lunuunu atnema ma ngangais mi lomomo ri mo laaleng lorooro atnema nabak mokso rinotno.

Galesia 6:16

Lenmila eburu mi lebelemumu nabak lox eburu minedi di mumu asu na levelinga xeneng at lorooro atnedi, la nedi axap bok limixin tuturun at ne Moroa.

Epesas 1:13

La nemi bok miga ravasu ngan limixin at ne Karisito at loxonaleng miga ronga xisip levelinga ruturun teren, ni Lagale Lavavang i vaase axasep loklox arooro ri limixin. Ap mo loxonaleng miga ru ka lunuunu saparap ne Karisito, Moroa ga lok li nimi ngan limixin teren la ga raba nimi mi loklok katling teren, ni Loroonan Kaala, mo ne Moroa ga paase alii min ti limixin teren.

Epesas 4:30

Nemen mita lox abulu Loroonan Kaala at ne Moroa. Loroonan Kaala neni loklok katling ne Moroa ga raba vam nimi min, i ngan lampinebeng ti loklox arooro atdik.

Pilipai 3:9

la anat kis esogo min. Nenia a goxo lok ka lomokmokso at lemeren ne Moroa mumu i do agang tonga res at Lenavolo. Kopmen. Nenia na a nemen mokmokso at lemeren ne Moroa mumu lunuunu rak keneng at ne Karisito. La ne Moroa axa ga lok li ia xusu ana sepmus basinge loklok kakapmek.

Ibru 11:7

Noa ga ruuna lunuunu, kuren la at laaleng ne Moroa ga tong i rin do laran naba vot, ni ga ronga res la ga lok lavattaaxup silok kusu na lox arooro nedi loxoetemen. Neni ga ruuna lunuunu la kerepmo ga lox asuusu i do loklok at limixin ap mo levenaleng ga lok kapmek, la neni ga ravasu ngan laradi mokmokso at lemeren ne Moroa mila neni ga ruuna lunuunu saparap ne Moroa.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

Lisilimet 9:4

La diga lok ka levelinga do nemen gat di guta lok kapmek lempivilis at na lavatkangka kopla levenasen ang bok, kopla levenuna; ketla dina lox asongot mene limixin, kopmen di goxo ruuna loklok katling at ne Moroa ro at levenmang atdi.