Lovoang At Ne Pol Ti Limixin Nunu to Rom 3:25 - Madak

²⁵ Moroa ga raba ne Iesu ngan laxaavuk tinedi limixin dina nuunu do neni ga lox asu lada ren at laxaba xusu ri uu nop loklok atdi. Moroa ga lox i na xusu ri lox asuusu i do neni laradi mokmokso, mila gano migomgo neni gak lok atnaasan, la goxo reven ti laxapmek at limixin;

Lovoang At Ne Pol Ti Limixin Nunu to Rom 3:25 Iomraidhean Croise

Sam 119:142

Loklok taram naba nemen mokmokso amisik, la Lenavolo ram naba ruturun amisik.

Sam 22:31

Limixin kovisi dina visik nedi, dinabaklen i do, “Leeme Silok ga lox asepsu limixin teren basinge lavamunepen atdi.”

Sam 40:10

Agoxo vam luxun kaka lagale lavavang ti loklok arooro ria xusuk; nia ara tong asu amisik pam i do uk lok tooro limixin la uk lox asoorun levelinga ram tidi. Kopmen agoxo vamngus ti tong asu lixitkis esogo mi labalamu lexen taram to melamgo at lovotpot buru at limixin taram

Sam 50:6

Laxalibet i tong asuusu i do ne Moroa neni laradi mokmokso, la neni xa laradi rongtonga linga

Sam 97:6

La laxalibet i lox asuusu i do Leeme Silok ni laradi manmanton la larabung mixin axap di reven lisisinang teren.

Sam 98:2

Leeme Silok ga vaase asu i do ni ga sak tup mi lavamunepen teren; la neni ga vaase aronga larabung mixin axap mi mo lolos teren ti lox asepmus limixin.

Lagale Lavavang At Ne Iesu Karisito Jon Ga Malagan I 6:47

A tong tuturun i rinimi; do tara na nuunu rak, neni naba ruuna ka lorooro avolo.

Leven Gugu 14:16

Ganoxa ni ga mulus do limixin axap dina mumu xa lavavara atdi.

Leven Gugu 15:18

Nenia, Leeme Silok atnimi, a tong i na la aba lok epovo na levelinga kerekngan aga tong li i gano migomgo.” Amo 9:11-12

Leven Gugu 17:30

Gano ne Moroa goxo doma solo laxakapmek at limixin ap mo levenaleng limixin kopmen di goxokleklen i; ketla lingina i tong lolos i ri limixin at lengkot axap do dina leeng basinge laxakapmek atdi.

Leven Gugu 2:23

Moroa xa ga lox agagas i la gaklen pam lavanga naba ravasu, kerekngan lodoxoma axa ren; la nemi miga sev amer i xeretna, miga siam taba luvuttadi xapmek do dina vaxarem i ro vana at laxaba.

Leven Gugu 3:18

Gano migomgo ne Moroa ga vaase asu levelinga at lavaeme vapaase alii ren do Lanarong teren naba xip losongsongot silok; la ne Iesu ga lox asorun mo levelinga.

Leven Gugu 4:28

Diga rupot buru ri lok lempanga no nenu ugara gagas li vam i mi lolos taram la lodoxoma ram do naba vot.

Lovoang At Ne Pol Ti Limixin Nunu to Rom 2:4

Kopla mi doma abalalak mene nom langsangan labalamu ren, mi loklok mulus teren la kopmen ni noxo ila mumu soso loklok atnimi. Tuturun miklen i do ne Moroa i lox avukat, atla ni i vara i do mina ven kisiv i nom la mina leeng.

Lovoang At Ne Pol Ti Limixin Nunu to Rom 3:26

ketla ana nga at na levenaleng, neni i doxoma lolos laxapmek at limixin, kusu ri lox asaxaven loklok mokmokso ren. At na mun langas, la ne Moroa i lox asuusu i do neni xa ik mokso la ik lox asepmus limixin axap di nuunu at ne Iesu.

Lovoang At Ne Pol Ti Limixin Nunu to Rom 5:1

Amo nga mumu lunuunu atnedik, Moroa ga lox asepmus pam dik basinge laxakapmek, kuren la nedik di ruuna ka lumulum eburu mi ne Moroa mumu Leeme Silok atdik ne Iesu Karisito.

Lovoang At Ne Pol Ti Limixin Nunu to Rom 5:11

Ketla kopmen laxavaxap ta mo at na levelinga; nedik ata xip aurut laasen at ne Moroa mumu Leeme Silok atnedik ne Iesu Karisito atla neni ga lok lumulum tinedik eburu mi ne Moroa.

Lovoang At Ne Pol Ti Limixin Nunu to Rom 5:18

Kuren la legesa xapmek mene ga lok loxokoxo ri limixin axap. I ngan bok legeso loklok at laradi mokmokso mene ga lox asepmus la ga raba lorooro ri limixin axap.

Lovoang At Ne Pol Ti Limixin Nunu to Rom 5:9

Moroa ga lox asepmus dik mi lada at ne Karisito, kuren la keneng teren i epovo rinotno do nedik taba roo suu basinge lebelemamao at ne Moroa.

1 Korin 5:7

Mina lok pes nom loklox asilok basinge lotu atnimi xusu miba nemen avukat tinotno ngan lavavara at ne Moroa. I lok ngan gano leme Judaia diga nemen to Isip, diga sep ka levempatnat sipsip atdi xusu ri lok pe lumukmusak at ne Moroa la nedi limixin di goxo met. La kerepmo ne Karisito i ngan lavatnat sipsip ga uu nop loklok atdik ngan laxaavuk tidik.

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Epesas 1:7

Ni ga met la lada ren ga sen su kusu ri un ka amlong dik, la kusu ne Moroa naba doxoma xepe leveloklok kakapmek atdik. Kerepmo ne Moroa ga lox asuusu letaba nabalamu ren i silok aleng,

Epesas 2:13

Miga nemen paxalom basinge i, ketla na nga, keneng at lada at ne Iesu Karisito, Moroa ga lox axis bus nimi eburu min.

1 Timoti 1:15

Anai levelinga ruturun tidik, ata siam ka i la ata nuunu bok teren. Iesu Karisito ga si ude xopok at na lavatbung menemen kusu ri lox arooro limixin kapmek. Loklok kakapmek tarak i silok aleng ti loklok kakapmek atnedi.

Ibru 10:4

mila ixo epovo do lada at laxanbulumaxao la laxanme na lox adadat limixin basinge leveloklok kakapmek atdi.

Ibru 11:14

Limixin di paase xerepmo, i lox asuusu i do temenemen aulis gove di puse rin.

Ibru 11:17

Abaram ga ruuna lunuunu, kuren la ap mo laaleng ne Moroa ga lok tong pen i, neni ga ronga res la ga raba ne Aisak ngan laplavang. Abaram neni mo laradi ne Moroa ga vaase alii rin do livipisik li ren naba umsu aleng. Ketla melemu manga ni ga gagas kusu naplavang mi mo legesa nitna.

Ibru 11:7

Noa ga ruuna lunuunu, kuren la at laaleng ne Moroa ga tong i rin do laran naba vot, ni ga ronga res la ga lok lavattaaxup silok kusu na lox arooro nedi loxoetemen. Neni ga ruuna lunuunu la kerepmo ga lox asuusu i do loklok at limixin ap mo levenaleng ga lok kapmek, la neni ga ravasu ngan laradi mokmokso at lemeren ne Moroa mila neni ga ruuna lunuunu saparap ne Moroa.

Ibru 9:28

La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

Ibru 9:5

To mavana at na lobokis luvanga raptava at ne Moroa mo dugak lox asuusu lisisixam silok boro vana at laxalibet, duga tu puvung mo loxot, ua lavamaasa diga sep susu i mi lada at levempanga mi lavanuet kangkedek atdi xusu ne Moroa na doxoma xepe laxakapmek at limixin. Ketla mo nga nia xopmen na epovo kusu ana re axap na levempanga.

1 Jon 1:10

Dola tara na lok keretna, “Nenia a goxo lok taxapmek,” neni mo laradi i lox asuusu i do ne Moroa i ngan leeme xaxarang, mila ne Moroa ga tong i do limixin axap di lok laxakapmek. La do mo laradi i lok kerepmo, levelinga at ne Moroa kopmen na nemen keneng teren.

1 Jon 2:2

Iesu neni laxaavuk tidik la ni ga lok langas kusu ne Moroa na doxoma xepe laxakapmek atdik. La ni noxo domampe laxakapmek atnedik kusuk mun, ketla neni ba doxoma xepe bok laxakapmek at limixin axap at na lavatbung menemen.

1 Jon 4:10

Labalamu i lok keretna; kopmen dola nedik diga balamu ne Moroa, ketla neni ga balamu dik la ga riki ne Nitna ngan laxaavuk ti ru korop ti laxakapmek atnedik.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.

Lisilimet 13:8

La limixin axap at na lavatbung menemen diba lotu parav i; nedi limixin kopmen levenasen atdi ik lok at lubuk at lorooro, mo lubuk ga nemen avot ti luruntudum li at na lavatbung menemen, la ni lubuk at Lanasip, mo ga uu at laxaba.

Lisilimet 20:15

La nedi limixin levenasen atdi goxok lok at lubuk at lorooro, Moroa ga lu arup bok midi uto at lemet kao.

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.