Lovoang At Ne Pol Ti Limixin Nunu to Rom 3:2 - Madak

² Laaba, limixin me Judaia dik lox avot keneng at lodoxoma at ne Moroa, la ne Moroa ga doxoma rinotno i do ni na raba levelinga ren tidi kusu dina lok tatao i.

Lovoang At Ne Pol Ti Limixin Nunu to Rom 3:2 Iomraidhean Croise

Sam 119:140

Mo levengkakaape ram agara lok tong pen pam i, kuren la nenia laradi gugu ram, a vara aleng i.

Lagale Lavavang At Ne Iesu Karisito Jon Ga Malagan I 5:39

Mi reven mumu amisik Lovoang Kaala mila mi doxoma i do keneng teren miba vuse ka lorooro avolo. La mo levelinga i paase mumu ia.

Leven Gugu 7:38

Neni mo laradi ga nemen eburu mi limixin me Israel to at lamatbin, neni ga nemen eburu mi lavalabat atdik la laangelo bok mo ga paase rin to at lakaana Sinai; neni ga lok ka Lenavolo at ne Moroa xusu na raba i ri nedik limixin me Israel.

Lovoang At Ne Pol Ti Limixin Nunu to Rom 1:2

Na Lagale Lavavang ne Moroa ga vaase alii min ganoxa at levenngusno atdi lavaeme vapaase alii ren, la diga malagan li i xeneng at Lovoang Kaala,

Lovoang At Ne Pol Ti Limixin Nunu to Rom 2:18

la miklen bok levempanga ne Moroa i vara i xusu minak lox i, la mira lok ka vam lakleklen keneng at Lenavolo xusu mina ila xaka levempanga ik mokso;

Lovoang At Ne Pol Ti Limixin Nunu to Rom 3:1

Kereva ba, limixin me Judaia di ruuna levenasen silok i volo limixin kopmen di me Judaia? Kopla di ruuna lisisilok mila diga rivit kepe lengkontuxu atnedi?

Lovoang At Ne Pol Ti Limixin Nunu to Rom 3:3

Naba lok ba xereva do teventaba atnedi di goxo ruturun at levendoxoma atnedi ri ne Moroa? I milik ngan ta do ne Moroa noxo ruturun ta, do?

Lovoang At Ne Pol Ti Limixin Nunu to Rom 9:4

Nedi limixin soksoxolik ka at ne Moroa; la ni ga lok li nedi ngan luvutnitna. Ni ga lok levenekabus eburu minedi la lisisixam teren ga nemen kantubu atdi, la ga raba nedi mi Lenavolo; la diklen langas kusu dina lotu saparav i mi luruturun; la dira ruuna ka vam levengkakaape ren.

1 Korin 9:17

Dola nia gita lox i na lugugu mi lodoxoma xa rak, i epovo ba do nia ana lok ka luunun; ketla nenia xa goxo lok katling ia ri na lugugu, ne Moroa xa ga nu taba ia min.

2 Korin 5:19

Moroa gak lok mo lugugu ren keneng at ne Karisito, ni ga vaxat buru ka limixin at na lavatbung menemen do tin; la ni goxo doma mu laxakapmek digak lox i. La ni ga raba nema mi levelinga mumu na lugugu ri vaxat buru limixin uto saparap ne Moroa.

Galesia 2:7

Ketla nedi diga ven kibis i do ne Moroa ga raba ia mi lugugu silok ti paase asu Lagale Lavavang ti limixin kopmen nedi me Judaia, ga lok ngan pam neni ga raba bok pam ne Pita mi lugugu silok ti vavang mi Lagale Lavavang ti limixin me Judaia.

1 Timoti 6:20

Timoti, una lok tatao avukat nom lugugu ne Moroa gara raba vam u min. Una ke xepe levelinga kopmen at ne Moroa, la levelinga rangtangku; leventaba di so asen mo levelinga do “Levelinga at lakleklen;” ketla kopmen nak mokso.

Ibru 5:12

At na levenaleng i epovo do mina lok ka lugugu ri anasa limixin mi levelinga at ne Moroa; ketla kopmen mina epovo mila move mik pakes kusu tara na lox ase amu manga nimi mi levenanasa avot at levelinga at ne Moroa. I lok ngan ta do nemi move mi lok ngan lubung kadede, di tus at luvutnen di; kovisi mina epovo kusu mina anan leveluxa lolos.

1 Pita 4:11

I ngan nege do neni laradi vavang, neni na vavang akmokso mi levelinga at ne Moroa; la do nege i gugu taba, neni na gugu taba mi lololos ne Moroa im taba i min, kusu keneng mun at na leventamtaba axap, leemi asu nabat pas ti ne Moroa mumu mun ne Iesu Karisito. Leemi asu la lololos tin amisik la kopmen taxavaxap teren. Tuturun.

Lisilimet 19:10

Nia aga ronga i na la aga xis tiktikbu mi luvatgulom tarak to saparap luxangkedek teren kusu ana lotu parav i, ketla ni ga lok tia, “Nemen gat uta lotu parav ia. Nenia lasaxaruki mun at ne Moroa kerekngan nenu eburu mi luvutnetam, mo mim tebeng levelinga ruturun at ne Iesu. Una lotu parap ne Moroa. Mo levelinga ruturun ne Iesu ga tong asu i, ni lavasuun at levempavang at luvuttadi vapaase asu levelinga.”

Lisilimet 22:6

La laangelo ga lok tia, “Na levelinga i ruturun amet la i epovo do limixin dina nuunu ren. La Leeme Silok, ne Moroa im taba Loroonan Kaala ren ti lavaeme vapaase alii ren la ni ga riki laangelo ren kusu na lox ase lavasaxaruki ren mi lempanga salai naba vot soso.”