Lovoang At Ne Pol Ti Limixin Nunu to Rom 2:5 - Madak

⁵ Ketla levendoxoma atnemi i rebonot la mi xopara na leeng; kuren la mi lox asilok nom loklox asongot tinemi ap mo laaleng ne Moroa naba ila mumu loklok at limixin la na lox asu lebelemamao ren ti lasaxaven.

Lovoang At Ne Pol Ti Limixin Nunu to Rom 2:5 Iomraidhean Croise

Sam 110:5

Leeme Silok mo i tu at lenep taram, la neni naba vas adamda lavaorong silok ap mo laaleng neni naba lox asuusu lebelemamao ren.

Sam 95:8

“Mi gutak lox ametarauat lebelen nimi, ngan lavalabat atnemi digak lox i ro Meriba, la kerekngan bok mo laaleng digak lok to at lamatbin Masa.

Lovoang At Ne Pol Ti Limixin Nunu to Rom 1:18

Moroa ira lox axasep pam i ri limixin axap dola neni ixot kis epen mi leveloklok kakapmek at limixin, atla nom loklok kakapmek atnedi i sasar angtang kaka di basinge luruturun at ne Moroa, kuren la ni naba lox asi nom lebelemamao ren ti sev asongot di.

Lovoang At Ne Pol Ti Limixin Nunu to Rom 11:25

Luvutnetak mi luvurinuk. Levelinga ruturun mo ik lox alipe, la a vara i do minaklen i. La ni naba rupe levendoxoma atnemi la mina doma i do lakleklen atnimi i volo lentaba vetpes. Mo levelinga i lok keretna; loonon taba aralu at limixin me Israel basinge ne Moroa noxok lox abao, naba se mun do buaang timixin kopmen di me Judaia dina rem gili saparap ne Moroa.

Lovoang At Ne Pol Ti Limixin Nunu to Rom 9:22

La ne Moroa i lok bok losoksoxolik teren kuren. Neni ga vara i xusu na lox asu lumukmusak teren la na lox ase lololos teren, ketla neni move naba ke amulus nedi limixin dik lox abelemamao i, keke i dola nedi limixin kapmek la i epovo xusu neni na sele utut nedi.

2 Korin 5:10

mila nedik getgesara ataba ru asuvos to melamgo at lenep tongtonga linga at ne Karisito; kusu nedik getgesara ataba lok ka luunun, i nunuan kopla i lok kapmek; la neni ba raba i na i epovo at loklok atnedik at na lorooro at labantuxu.

2 Tesalonia 1:5

Lunuunu atnimi i tu lolos, la na i lox asuusu i do lodoxoma at ne Moroa ik mokso aleng la at laaleng ete neni naba ila mumu loklok atnimi la minaba epovo xusu mina vubeles uto xeneng at Linintoo ren. Ni lavasuun at levesongsongot atnimi.

Ibru 3:13

Ketla at na levenaleng nemi move mi rooro ren, mina epang aru xusu laxakapmek noxo solo arup tara atnimi la lebelen na repe ri levelinga at ne Moroa.

Ibru 3:15

I lok ngan Lovoang Kaala i tong i do, “At na levenaleng do mina ronga levelinga ren, nemen gat mita lox alolos lebelen nimi xerekngan nedi lavalabat atnimi diga ronga xepe ne Moroa.” Sam 95:7-8

Ibru 4:7

Kuren la ne Moroa ga lok katling bok lara laaleng, ga soxor i do ningina. La at leventaba levenmaares melemu at lavatpas su at leeme Israel boro Isip, neni ga vaase at lungusno ne Devit kerekngan levelinga neni ga tong i gano, ga lok keretna, “At na loxonaleng lingina, do mina ronga laxaka ren, nemen gat mita lox alolos lebelen nimi.” Sam 95:7,8

Jems 5:3

Leven gol atnimi la levesiliva ira lok kapmek pam mi libilinga, la na libilinga naba lox asuusu laxakapmek atnimi at laaleng ete la neni naba rin labantuxu atnimi ngan laxao. Nemi migak lok li bubua buaang levenaknixip la levempilas at na levenaleng kavaxap.

2 Pita 2:9

Kuren la Leeme Silok ne Moroa i epovo ri lox asepsu limixin avukat basinge levesongsongot, la i epovo bok kusu na lok li limixin tongtonga xepe ro xeneng at loxokoxo la na lox asongot nedi se at laaleng ete.

2 Pita 3:7

Ketla, laxalibet eburu mi laxangka move duk lok mumu asu levelinga at ne Moroa, la duk lox agagas kusu laxao naba sele utut nedu. La nedu dunabak lok se ap mo laaleng limixin ua dixo mumu asu ne Moroa dinaba ru at lavapaase la ne Moroa naba sele utut nedi.

Lovoang At Ne Jut 1:6

Mina doma avukat box i na; gano lentaba at lubungangelo diga ke xepe lixitkis silok atdi la diga onon tino basinge lemenemen atdi ro vana at laxalibet. Kuren la ne Moroa ga lok li di ro at lamain bonot la ga xoxo di mi lemparoos sen naba nemen amisik. La dinaba nemen go se at laaleng silok ne Moroa naba ronga linga at limixin axap; la ap mo laaleng ne Moroa ba lok li lumumuat atdi.

Lisilimet 2:21

Ara tong taba vam nom latkin mi levenaleng kusu ni na leeng basinge nom loklok kakapmek, ketla i xopara.

Lisilimet 6:17

mila mo laaleng silok at lebelemamao atdu na nga ira vot pam la ixo epovo xusu tara naba ekini min.”