Lovoang At Ne Pol Ti Limixin Nunu to Rom 2:14 - Madak

¹⁴ Limixin kopmen me Judaia, dixo ruuna Lenavolo, ketla levendoxoma nunuan atdi i lok di xusu dina mu asu leventaangas teren, keke i do dixoklen i. Kuren la i lok ngan ta do di ruuna Lenavolo keneng at lebelen di.

Lovoang At Ne Pol Ti Limixin Nunu to Rom 2:14 Iomraidhean Croise

Leven Gugu 10:35

Do tara i lok ngangao ren la ik lok lempanga ik mokso, ne Moroa naba siam kaka i, keke i do neni at lubungmixin petpes.

Leven Gugu 14:16

Ganoxa ni ga mulus do limixin axap dina mumu xa lavavara atdi.

Leven Gugu 17:30

Gano ne Moroa goxo doma solo laxakapmek at limixin ap mo levenaleng limixin kopmen di goxokleklen i; ketla lingina i tong lolos i ri limixin at lengkot axap do dina leeng basinge laxakapmek atdi.

Lovoang At Ne Pol Ti Limixin Nunu to Rom 1:32

Diklen i do Lenavolo at ne Moroa i tong i do limixin di mumu asu na leventaangas dinaba seeve. Ketla move dik lok na leventaangas la di momo mun midi limixin petpes ua di lok mo langas.

Lovoang At Ne Pol Ti Limixin Nunu to Rom 2:12

Limixin kopmen me Judaia dixo ruuna Lenavolo at ne Moses, dik lok laxakapmek la diba seeve. Limixin me Judaia di ruuna na Lenavolo, di lok laxakapmek la ne Moroa ba ila mumu loklok atnedi atla dixo mu asu Lenavolo.

Lovoang At Ne Pol Ti Limixin Nunu to Rom 2:15

Loklok atnedi i lox asuusu i do levempanga Lenavolo i paase min, Moroa ga malagan i keneng at lebelen di. Levendoxoma nunuan atdi i lox asuusu box i dola na i ruturun, mila at leventaba levenaleng levendoxoma atnedi i lox akmokso di, la at lentaba levenaleng i su auru loklok atdi.

Lovoang At Ne Pol Ti Limixin Nunu to Rom 2:27

Nedi limixin kopmen me Judaia di mu asu Lenavolo, keke i do kopmen dina vit kepe levengkontuxu atnedi, dinaba sok taba nemi leme Judaia at laaleng ete, atla mixo mu asu levelinga at Lenavolo, keke i do ne Moroa ga raba nemi min, la miga vit kepe bok levengkontuxu atnemi.

1 Korin 11:14

Leretere atdik i tong i do latlok do i ruuna lavatkabinim silok, mo lavatkabinim silok teren i sat ka lainmangan tin.

1 Korin 9:21

La kerepmo bok do ana nemen eburu mi limixin kopmen me Judaia, la di nemen maxamang at Lenavolo, loklok tarak na ngan loklok atnedi xusu dina nuunu at ne Karisito. Anai, kopmen lavasuun teren do a ronga xepe Lenavolo at ne Moroa, ketla a nemen tinotno maxopok at lavavara at ne Karisito.

Epesas 2:12

Nemen mita domampe i do miga lok kereva ganoxa. Ap mo levenaleng nemi goxoklen ne Karisito. Nemi miga lok ngan limixin kadiong ti leme Judaia la goxopmen tenep atnimi keneng at levenekabus no ne Moroa ga lox i eburu mi limixin teren. La goxopmen todoxoma voovo rinotno atnemi, la at na lavatbung menemen mi goxoklen ne Moroa.

Epesas 2:3

Nedik axap taga nemen kuren, taga lok lempanga kusu ri lox amomo mun lodoxoma la labantuxu atdik, mo ga umsu mi lavavara kapmek at lorooro maut. La nedik taga nemen maxopok at lebelemamao at ne Moroa kerekngan nedi.

Pilipai 4:8

Ti lox axap levelinga rak, luvutnetak mi luvurinuk; mina suxa umsu lodoxoma atnimi mi levempanga nunuan la nom i lox asuusu leemi asu, levempanga mo i ruturun, loklok mokmokso la loklok dadat, la loklok ti balamu, la loklok ti lok ngangao at leventaba vetpes.