Lovoang At Ne Pol Ti Limixin Nunu to Rom 16:2 - Madak

² Mina seega rangarang i keneng at laasen at Leeme Silok, i epovo mi loklok at limixin at ne Moroa, la minabak lok tooro i at levempanga neni bak pakes tin; atla neni garak lok tooro vam buaang limixin, la nenia bok.

Lovoang At Ne Pol Ti Limixin Nunu to Rom 16:2 Iomraidhean Croise

Metiu 25:40

La nenia, Loorong Silok, anaba vorang i ridi xeretna, ‘A tong tuturun i rinimi. Do miga lox i na ri tara atdi limixin banbalo rak, i lok ngan mun miga lox i ria!’

Leven Gugu 9:13

Ananias ga vorang i rin keretna, “Leeme Silok, buaang limixin diga tong lempanga ria mumu nom laradi, la mumu bok lempanga xakapmek ni ga lox i ri limixin taram to Jerusalem.

Leven Gugu 9:15

Leeme Silok ga lok tin, “Una vot pasa i, mila nia ara soxolik ka vam i xusu ni na mumu asu ia, la ni naba lox axasep laasen tarak tinedi limixin kopmen di me Judaia la ti lavaorong silok la ti limixin me Israel.

Leven Gugu 9:36

To Jopa lara latkin ga nemen, laasen teren ne Tabita; neni latkin nuunu. (Laasen bok teren at lavapaase Grik do ne Dokas). Ni ga raba axap lorooro ren kusu na lok tooro limixin pakpakes mi leven gugu nunuan.

Leven Gugu 9:39

La ne Pita ga xatu kaxat la ga vas kaxat eburu midu. At loxonaleng neni ga rupot diga lam kaka i uto ap mo loogu mevana. Mo lempat naa diga ru bubua saparav i, digang teng la diga lox ase i mi lempanga singsiga la lenbantamon ne Dokas gak sox i ap mo levenaleng ni ga rooro ren.

Leven Gugu 9:41

Pita ga ranga axatu i mi lekngen. La ni ga ro bubua ka luvuttadi nuunu la lempat naa, la ga lox ase di mi ne Tabita mo gara roo xat pam.

Lovoang At Ne Pol Ti Limixin Nunu to Rom 15:7

Kuren la mina esiam ela xaka atnaasan nemi getgesara, i ngan bok ne Karisito gara siam kaka vam nemi kusu mina lox asuusu leemi asu ri ne Moroa.

Lovoang At Ne Pol Ti Limixin Nunu to Rom 16:15

Lavapaase momo bok ti ne Pilologas mi ne Julia, ti ne Nerius bok mi neinen, la ti ne Olimpas bok eburu mi limixin axap at ne Moroa mo dik lox eburu minedi.

Lovoang At Ne Pol Ti Limixin Nunu to Rom 16:23

Ne Gaius laradi no nema mak lok lotu ro at loogu ren i lox aonon lavapaase momo bok teren tinemi. La ne Erastas bok laradi ik lok tatao lempilas at lemenemen silok eburu mi neton nedik ne Kuatas nedu du lox aonon bok lavapaase momo atnedu.

Lovoang At Ne Pol Ti Limixin Nunu to Rom 16:6

Lavapaase momo bok ti ne Maria ga gugu lolos ti lok tooro nemi.

Lovoang At Ne Pol Ti Limixin Nunu to Rom 16:9

Lavapaase momo bok ti ne Eban laradi gugu bok tarak keneng at lugugu at ne Karisito la ti lentangas orong tarak ne Sitakis.

Epesas 5:3

Ketla nemen tara atnimi guta lok laxakapmek i lok keretna, loklok kakapmek maxamang at lixitkis epot, lengkot mamangan, loklok ti belegaao. Na lempanga xopmen nak mokso ri limixin dadat at ne Moroa kusu dina lox i.

Pilipai 1:27

Nemen mita doxoma solo ri lavanga salai mo naba vot saparav ia, ketla luruptuvuk atnemi na epovo mi Lagale Lavavang at ne Karisito. Kuren la do nia ana vot pasa bok nimi kopla a noxo vot, aba ronga ba i do mi tu lolos mi legese belen la legesedoxoma, la mit kis eburu ngan legesara kusu mina esep lolos ti lunuunu mumu Lagale Lavavang.

Pilipai 2:29

Mina seega rangarang i mi lomomo silok ngan neton nimi at Leeme Silok; mina lok ngangao at luvuttadi ngan i,

Kolosi 4:10

Aristakas, mo i nemen eburu minia at loxokoxo, i lox aonon bok lavapaase momo ren; la ne Mak, lovopno at ne Banabas bok kuren. Nemi migara lok ka vam lavapaase axasep ti siam abeles ne Mak dola ni na mu langas uto atnemi.

1 Timoti 2:10

Ketla dina lox asu leven gugu nunuan, mo ik mokso ri lavakin di lotu ruturun saparap ne Moroa.

2 Timoti 1:18

A sing Leeme Silok atdik dola neni na lox asuusu lebelemumu ren ti ne Onisiparas ap mo laaleng at Leeme Silok. Nenu u xasep nunuan do ne Onisiparas gak lok tooro aleng ia ro Epesas.

Taitas 2:3

La kerepmo bok una tong i ri lavakin mukun keretna: luruptuvuk atnedi na dadat la na xaala, di noxo tere mumu tara, di noxo inin amisik lengkadan lolos. Ketla loklok nunuan na ravasu at lorooro atdi, kusu limixin dina ven di la dina mumu asu nom loklok nunuan atdi.

Pilimon 1:12

Ana riki amlong i udom saparav u, a balamu aleng i.

Pilimon 1:17

Dola u doma i do nenia lentangas avukat taram, una seega rangarang i ngan u seega rangarang ia.

2 Jon 1:10

Do tara i vot pasa nimi la i vaase asu levenanasa kopmen at ne Karisito, keket mita mulus ka i. La keket mita lok maraose min la mina seega rangarang i.