Lovoang At Ne Pol Ti Limixin Nunu to Rom 15:3 - Madak

³ I ngan ne Karisito goxo momo axa min. Ketla loklok teren i lok ngan Lovoang Kaala i tong i xeretna, “Levelinga xapmek atnedi diga tong asu i ru, ga subu mavana rak.” Sam 69:9

Lovoang At Ne Pol Ti Limixin Nunu to Rom 15:3 Iomraidhean Croise

Sam 69:20

Levempapaase aksaksa atnedi ira ba koxorop pam leveeve rak; lavarampen abulubun ta ia na. Aga vara tara xusu ri loklok amenemen ia, ketla goxopmen tara go ga lox amenemen ia.

Sam 69:9

Lodoxoma rak i tu at loogu laplavang taram; i anan tos keneng tarak ngan ta laxao; levempapaase aksaksa dik lox i ru, im subu mavana rak.

Metiu 10:25

I epovo do lamdak loklox ase na ngan mun leeme loklox ase ren; la lasaxaruki na ngan mun laradi gomgo ren. Mo do limixin dina so asen laamgomgo at lixitkis koetemen mi ne Belsebul, diba so asen gilipu levenasen atdi axap di nemen keneng ap mo loogu mi levenasen kapmek!”

Metiu 26:39

La ne Iesu ga vas silatla xakalik, la ni ga subu midi mi lumeren uto xopok at laxangka la ga sing ne Moroa xeretna, “Tamak. Kereva, i epovo do una lok pes na lumumuat basinge ia? Ketla nemen gat uta mumu asu lavavara rak, una mu asu lavavara ram.”

Metiu 26:42

La ne Iesu ga vas silatla xakalik ga sev agepura la ga sing, “Tamak. Do ixo epovo una lok pes na lumumuat basinge ia se nia ana lox epovo i, i lox avukat; ana mu asu mun lavavara ram.”

Metiu 27:44

La kerepmo bok luradi xapmek duga merem saparav i, nedu bok duga lok kalise i.

Lagale Lavavang At Ne Iesu Karisito Jon Ga Malagan I 15:10

Do mina ronga res at levelinga rak, miba nemen keneng at labalamu rak, kerekngan mun nia agang tonga res at levelinga at ne Tamak la aga nemen keneng at labalamu ren.

Lagale Lavavang At Ne Iesu Karisito Jon Ga Malagan I 15:24

Do nia gi toxo lok teven gugu silok kantubu atdi, ua kopmen tara ga lok teven gugu xuren, ixo epovo xusu nedi gita bixurun mi laxapmek, ketla monga digara ven pam levempanga sangsangu nia aga lox i, la nedi move di xopara ia la ne Tamak.

Lagale Lavavang At Ne Iesu Karisito Jon Ga Malagan I 4:34

Ketla Iesu ga lok lavapaase poovo ridi, “Leveluxa rak keretna, ana ronga res at lavavara at ne Moroa ga riki ia la ana lox axap lugugu neni ga raba ia min.

Lagale Lavavang At Ne Iesu Karisito Jon Ga Malagan I 5:30

Nenia axo epovo do ana lok lempanga mi lodoxoma axa rak; a ronga res mun at levelinga ne Moroa i tong i ria. Kuren la mo do nia ana ronga linga, a lox i mi langas i ruturun, mila axo lok tong i do ana lok lugugu xerekngan nia a vara i, ketla a gugu mun mi lodoxoma ap mo lara ga riki ia ude.

Lagale Lavavang At Ne Iesu Karisito Jon Ga Malagan I 6:38

Nenia agoxo si boro vana at laxalibet do ti mu asu lavavara rak, ketla ti lox epovo lavavara ap mo lara ga riki ia ude.

Lagale Lavavang At Ne Iesu Karisito Jon Ga Malagan I 8:29

La mo laradi ga riki ia ude, mo ik lox eburu minia, ixo ke xepe xusux ia, mila nenia ak lok amisik levempanga i lox amomo i.”

2 Korin 8:9

Nemi mikleklen letaba nabalamu at Leeme Silok atdik ne Iesu Karisito, neni gap novos aleng, ketla ti luvukat tinedik neni ga ravasu ngan laradi banbalo, kusu mibap novos.

Pilipai 2:5

Levendoxoma atnimi na mumu asu mene lodoxoma at ne Iesu Karisito.

Pilipai 2:8

la ga vas su ngan laradi ruturun. Neni ga lox axakalix i la gat pas at langas tongtonga res uto epopolo at lanmet teren to at laxaba.