Lovoang At Ne Pol Ti Limixin Nunu to Rom 15:23 - Madak

²³ Ketla amo ba ara lox axap ba lugugu rak at na levenmenemen, la agara vavara amisik at laxanmaares kusu anabat pas la ana ven nemi.

Lovoang At Ne Pol Ti Limixin Nunu to Rom 15:23 Iomraidhean Croise

Leven Gugu 19:21

Melemu at na lempanga ga ravasu, Pol ga doma li be i do ni nat pas uto Jerusalem la na mu langas kantubu at lenep Masadonia la at lenep Grik. Ni ga lok, “Melemu at lavatpas tarak uto Jerusalem, abat pas uto Rom.”

Lovoang At Ne Pol Ti Limixin Nunu to Rom 15:29

Do nenia ana vot posiga nemi, aklen tinotno i do anabat pas eburu mi loklox anarong silok tinotno at ne Karisito.

Lovoang At Ne Pol Ti Limixin Nunu to Rom 15:32

Kuren la nenia anaba vot pasa nemi mi lomomo, do lavavara at ne Moroa xuren, la anaba lok kaka lolos eburu bok minemi.

1 Tesalonia 3:10

At levenaleng kanimin la levenaleng kangking ma ngising amisik ne Moroa do mana vot pasa nimi la mana lok tooro nimi, kusu mana lox epovo lavakpakes at lunuunu atnimi.

2 Timoti 1:4

A doma su bok ap mo laaleng aga on basinge u la ugang teng; la a vara i do ana ven box u xusu lorooro rak naba umsu mi lomomo.