Lovoang At Ne Pol Ti Limixin Nunu to Rom 15:1 - Madak

¹ Nedik lunuunu atnedik i lolos, ata xip tooro nedi dixo lolos mi levenaknixip atnedi. La nemen gat dik guta doma xusuk mene nedik la ata lox amomo dik.

Lovoang At Ne Pol Ti Limixin Nunu to Rom 15:1 Iomraidhean Croise

Lovoang At Ne Pol Ti Limixin Nunu to Rom 14:1

Mina siam abeles kaka mo laradi keneng at lotu atnimi, lunuunu ren kopmen na lolos, ketla nemen gat miguta etep mi levelinga eburu min mumu mo leveloklok ik paxaru kaxat lekarakat.

Lovoang At Ne Pol Ti Limixin Nunu to Rom 14:2

Lunuunu at laradi ik lox i xusu neni i epovo ri anan at levenasen luxa axap, ketla laradi lunuunu ren kopmen na lolos, neni i anan mun levempanga boro xataamang.

Lovoang At Ne Pol Ti Limixin Nunu to Rom 4:20

Lunuunu ren goxo on basinge i, la neni bok goxo lox abulubun laxakaape at ne Moroa; ketla lunuunu ren ga suxa aumsu i mi lololos, la neni ga xip aurut laasen at ne Moroa.

1 Korin 4:10

Limixin at na lavatbung menemen di tong i do nema luvuttadi baulang mun, mila ma gugu at laasen at ne Iesu. Ketla nemi mi lok do mi nemen avukat keneng at ne Iesu. Limixin at na lavatbung menemen di lok do nema luvuttadi gamasa la nemi mi doma i do nemi limixin silok at lorooro at ne Iesu. Limixin at na lavatbung menemen dik lox abulubun nama, ketla dik lok ngangao atnimi.

1 Korin 9:22

Kantubu atnedi lunuunu atdi ixo lolos, ana nemen ngan bok di, kusu aba lok ka bok di la ana lox alolos lunuunu atdi. La kerepmo a lox ia ngan limixin axap, kusu aba sat ka bok tentaba atnedi uto xeneng at Linintoo at ne Moroa.

2 Korin 12:10

Ti lox aru ne Karisito, a lok momo aleng ti lomolo rak, la levempapaase vupu la levenmumuat la levesongsongot la levenmumuat i lolos aleng, mila do nia a molo, aba suma xaka lololos silok.

Epesas 6:10

Ti lox axap na lovoang. Mina lox alolos lorooro atnimi keneng at Leeme Silok la mina lok kaka lololos teren i silok pologat.

Pilipai 2:4

Nemi getgesara nemen gat mita reven mun ti levempanga nemi mi vavara rin, ketla i lox avukat do mina reven bok ti levempanga luvuttadi vetpes di vavara rin.

1 Tesalonia 5:14

Luvutnetak mi luvurinuk. Ma tong i rinimi do mina paase alolos nedi dik molo. La mina paase tooro nedi dik marat soso. La mina lok tooro nedi lunuunu atdi xopmen na lolos, la minat kis mulus mi limixin axap.

2 Timoti 2:1

Timoti, nenu lamdak tarak. Nia a tong i na ru do una lolos at letaba nabalamu nedik tan tuuna ka i at ne Iesu Karisito.

1 Jon 2:14

Nia a malagan na lovoang tinemi limixin mukun. Lavasuun teren keretna, nemi miklen ne Iesu Karisito mo gak lok ganoxa at lereot. Nia a malagan na lovoang tinemi limixin maxat. Lavasuun teren keretna, nemi mi tu tuxuruxun at lunuunu atnimi la levelinga at ne Moroa i lox asuusu lempanga nunuan at lorooro atnemi; la mira on basinge vam loklok kakapmek at ne Satan.