Lovoang At Ne Pol Ti Limixin Nunu to Rom 14:21 - Madak

²¹ Langas avukat mene minaba lox i xeretna, mina xap ta at laanan levempanga lolos la liinin kadan lolos la teveloklok sala bok naba lok luvutneton nimi dina subu.

Lovoang At Ne Pol Ti Limixin Nunu to Rom 14:21 Iomraidhean Croise

Metiu 13:21

Ketla ixo vubeles ukeneng at lorooro atdi; la lunuunu atdi ixo nemen abao solo. Kuren la ise do levenmumuat i vot eburu mi levesongsongot mumu levelinga at ne Moroa, lunuunu atnedi i subu soso mun.

Metiu 16:23

Iesu ga rem gili ri ne Pita la ga lok tin, “Uto u basinge ia. Nenu u lok ngan ne Satan. U vara i do una lok pe ia. U xopara na mu asu lavavara at ne Moroa, ketla u vara mun levendoxoma at limixin.”

Lovoang At Ne Pol Ti Limixin Nunu to Rom 14:13

Kuren la mina xap ta at liviila mumu leveloklok at luvutneton nimi. La mina doma i do nemen gat miguta lok tavanga ri lok luvutneton nimi na sak kikixin kopla na subu beles ti laxapmek.

Lovoang At Ne Pol Ti Limixin Nunu to Rom 14:17

Linintoo at ne Moroa neni xopmen loklok ti anan la ti inin, ketla neni lomokmokso, la limila, la lomomo at Loroonan Kaala im taba i.

1 Korin 8:13

Kuren la, do mo leveluxa nia a anan i, i lox asubu lunuunu at tara, nia a noxo epovo bok ba ri anan teveluxa xerepmo, kusu nia noxo lox asubu bok ba taradi ri laxakapmek.

1 Korin 8:9

Ketla nemi limixin sepmus mina lok tatao avukat nemi, kusu mo loklok atnemi mumu mo lempanga anan noxo lox asubu lunuunu atnedi xopmen dina lolos.

Pilipai 1:10

kusu miba epovo do mina soxolik ka lempanga sala i nunuan la kerepmo lorooro axap atnimi naba dadat, la kopmen teveloklok kakapmek noxo nemen teren se at laaleng ete at ne Karisito;

Ibru 12:13

Mina lok tatao avukat lavatpas atnimi, xusu do teventaba atnimi mo lunuunu atdi xopmen na lolos, di noxo soxepe axap lunuunu atdi at ne Karisito, ketla diba ven mo leveloklox avukat atnimi, la diba mu asu i la kerepmo lunuunu atdi naba lolos.

Lisilimet 2:14

Ketla a ruuna lempapaase lixilik mun mumu nimi at lempanga mi lox i kopmen na lox avukat. Lentaba atnimi dom dim tebeng alolos levenanasa at ne Balam, mo ga lox ase ne Balak kusu na sar asoogong limixin me Israel ti laxakapmek. Ni ga tong i ridi do dina anan leveluxa laplavang ri lempoovo moroa la ni ga sar asoogong di kusu dina lok laxakapmek maxamang at lixitkis epot.