Lovoang At Ne Pol Ti Limixin Nunu to Rom 14:2 - Madak

² Lunuunu at laradi ik lox i xusu neni i epovo ri anan at levenasen luxa axap, ketla laradi lunuunu ren kopmen na lolos, neni i anan mun levempanga boro xataamang.

Lovoang At Ne Pol Ti Limixin Nunu to Rom 14:2 Iomraidhean Croise

Lovoang At Ne Pol Ti Limixin Nunu to Rom 14:1

Mina siam abeles kaka mo laradi keneng at lotu atnimi, lunuunu ren kopmen na lolos, ketla nemen gat miguta etep mi levelinga eburu min mumu mo leveloklok ik paxaru kaxat lekarakat.

Lovoang At Ne Pol Ti Limixin Nunu to Rom 14:14

Loklok tarak eburu mi Leeme Silok ne Iesu i lox ia la nia aklen tuturun i do kopmen tempanga anan na bilinga varang gamasa mene nga; ketla do taradi xa na nuunu do lempanga anan mo i bilinga, mo lempanga anan naba bilinga rin.

Lovoang At Ne Pol Ti Limixin Nunu to Rom 14:20

Nemen gat miguta sele utut lugugu ne Moroa gara lok pam i, mumu mun leveluxa mi anan i. Leveluxa axap, i epovo do mina anan i, ketla i lok kapmek do mina an tavanga naba lox asubu luvutneton nimi uto xeneng at laxapmek.

Lovoang At Ne Pol Ti Limixin Nunu to Rom 15:1

Nedik lunuunu atnedik i lolos, ata xip tooro nedi dixo lolos mi levenaknixip atnedi. La nemen gat dik guta doma xusuk mene nedik la ata lox amomo dik.

1 Korin 10:25

I epovo do mina anan leveluxa lomlomon di sesep min to at levengkot etang la nemen mita doma mumu solo i do digaplavang pam min ti laxampoovo moroa,

1 Korin 8:9

Ketla nemi limixin sepmus mina lok tatao avukat nemi, kusu mo loklok atnemi mumu mo lempanga anan noxo lox asubu lunuunu atnedi xopmen dina lolos.

1 Korin 9:22

Kantubu atnedi lunuunu atdi ixo lolos, ana nemen ngan bok di, kusu aba lok ka bok di la ana lox alolos lunuunu atdi. La kerepmo a lox ia ngan limixin axap, kusu aba sat ka bok tentaba atnedi uto xeneng at Linintoo at ne Moroa.

Galesia 2:12

At lara laaleng ne Jems ga riki lentaba luvuttadi nuunu me Judaia ugo; avot ti lovotpot atdi, ne Pita nga no garak lok pam la gara vaanan eburu mi limixin kopmen di me Judaia. La melemu at loxonaleng na luvuttadi me Judaia diga vot, neni goxo an eburu bok ba minedi, atla neni ga marat at Lenavolo at leme Judaia mumu loklok ti ke laanan eburu mi limixin kopmen di me Judaia, la atla neni ga anan eburu mi luvuttadi no di goxo vit kepe lengkontuxu atdi.

1 Timoti 4:4

Levempanga axap ne Moroa ga rudum i, i lox avukat; kopmen tevempanga ataba sok tixirixes i, ketla ata lok ka levempanga axap mi lisingising ti tong loklox avukat;

Taitas 1:15

Di lok do leventaba leveluxa i xaala; ketla i lox avukat do limixin nuunu dina anan leveluxa axap; nedi limixin kakapmek kopmen dina nuunu at ne Iesu Karisito la di ke xepe leventaba leveluxa mila lodoxoma atdi xopmen na lox avukat la loklok atdi i lok bilinga.

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

Ibru 9:10

Mo leveloklok ti laanan la liinin la leventaangas ti sogos panga, mo leventaangas ga nemen mun kusu mo limixin dina mumu asu i se at laaleng lekabus maxat ga vot.