Lovoang At Ne Pol Ti Limixin Nunu to Rom 14:13 - Madak

¹³ Kuren la mina xap ta at liviila mumu leveloklok at luvutneton nimi. La mina doma i do nemen gat miguta lok tavanga ri lok luvutneton nimi na sak kikixin kopla na subu beles ti laxapmek.

Lovoang At Ne Pol Ti Limixin Nunu to Rom 14:13 Iomraidhean Croise

Metiu 16:23

Iesu ga rem gili ri ne Pita la ga lok tin, “Uto u basinge ia. Nenu u lok ngan ne Satan. U vara i do una lok pe ia. U xopara na mu asu lavavara at ne Moroa, ketla u vara mun levendoxoma at limixin.”

Metiu 18:7

I lok kapmek aleng ti limixin do lentaba lempanga mo i lox asubu lunuunu atdi basinge ia. Lempanga xerepmo naba vot, ketla naba lok kapmek ti lara i lok kaxar i!

Metiu 7:1

La ne Iesu ga lok bok keretna, “Nemen mita ila mumu loklok at tentaba vetpes, kusu ne Moroa noxo ila mumu loklok atnimi.

Lagale Lavavang At Ne Iesu Karisito Luk Ga Malagan i 12:57

Iesu ga lok bok, “Tila mi xopara i do mina mumu asu loklok nunuan la mirak lok li amisik limixin at lavapaase?

Lagale Lavavang At Ne Iesu Karisito Luk Ga Malagan i 17:2

I epovo do diba sevut li tangsangan tavatkinem to at laxaka ren la diba dong asi i uto xopok at laras; lavanga na lok tara at laxamdak kakalik dina beles at laxakapmek la na suma lebelemamao at ne Moroa.

Lovoang At Ne Pol Ti Limixin Nunu to Rom 11:9

La ne Devit ga vaase bok keretna, “Keke di, dinak sak baba la leveloklox anarong ne Moroa ga raba di min naba xap, la dina subu la dina lok ka losongsongot.

Lovoang At Ne Pol Ti Limixin Nunu to Rom 14:10

Tila ba mi viila mumu leveloklok at luvutneton nimi? Tila la mi lox abulubun di? Nedik axap na tanaba ru ro melamgo at ne Moroa, la neni naba reven mumu loklok atnedik axap.

Lovoang At Ne Pol Ti Limixin Nunu to Rom 14:3

Laradi do i anan gamasa guta lox abulubun gat lara do i anan mun levenbi; la neni do i anan levenbi, guta lok abulubun gat mo laradi ga siam kaka i ri anan levenasen luxa axap, atla ne Moroa gara siam kaka vam i.

Lovoang At Ne Pol Ti Limixin Nunu to Rom 14:4

Kopmen lugugu atnimi kusu mina viila mumu loklok at laradi gugu at lara vetpes. Keke mulus i, do neni na ru lolos kopla na subu, ketla lavanga xusuk mun atdu mi lamgomgo ren. Ketla neni naba ru lolos, atla Leeme Silok mun i epovo ri lox alolos i.

Lovoang At Ne Pol Ti Limixin Nunu to Rom 16:17

Luvutnetak mi luvurinuk, mo nga a sing nemi; minak lok tatao nemi basinge luvuttadi no dik lok do dinak lok levenekarakat, la dik lox antun lunuunu at limixin la nedi no dik lox abulubun leveloklox ase nemi migara lok kaka vam i; minak lok petpes basinge nedi.

1 Korin 10:32

La mina rooro mi luruptuvuk nunuan kusu limixin me Judaia la limixin kopmen me Judaia la limixin nuunu di noxo sak kikixin at lunuunu atdi.

1 Korin 11:13

Nemi xa mina ila mumu i na do kereva, ik mokso ri tatkin do na sing ti ne Moroa at lemeren limixin at lotu la kopmen na xua pe lavatlak teren? Kopmen.

2 Korin 5:14

Labalamu at ne Karisito i sasat dik, la atakleklen tuturun i do legesara mun ga uu nop loklok at limixin axap, i lok ngan ta do limixin axap diga met.

2 Korin 6:3

Ma xopara i do tara na ven lenget ka tosoogong at lugugu atnema mila ma xovara i do mana lok pe langas ti lorooro.

Pilipai 1:10

kusu miba epovo do mina soxolik ka lempanga sala i nunuan la kerepmo lorooro axap atnimi naba dadat, la kopmen teveloklok kakapmek noxo nemen teren se at laaleng ete at ne Karisito;

1 Timoti 5:14

Kuren la a vara i do nedi lovosono naa dina epot la dina ruuna madak, la dina lok tatao avukat levempanga ro xeneng at laraugu atnedi, kusu kopmen di noxo raba luvuttadi munepen minedik kusu di noxo vaase xakapmek tidik.

Jems 2:4

Mo do nemi mi lok na loklok, nemi mi lok laxakapmek, atla mi lox abulubun kepe limixin banbalo keneng at lotu atnimi. Na lodoxoma i lok kapmek aleng.

Jems 4:11

Luvutnetak mi luvurinuk. Nemen mita vaase asi tara kantubu atnimi mi tevelinga. Do taradi i vaase asi neton mi levelinga, kopla na ila mumu loklok teren, i lok ngan ta do i ronga xepe Lenavolo at ne Moroa la i lox asi i. Do mina vaase asi levelinga at ne Moroa, kopmen mina ronga res teren, la mi lox asi i.

1 Jon 2:10

Do tara na balamu neton, neni i nemen keneng at laxasep la kopmen taxapmek nabak lok teren kusu na lox asak kikixin i.

Lisilimet 2:14

Ketla a ruuna lempapaase lixilik mun mumu nimi at lempanga mi lox i kopmen na lox avukat. Lentaba atnimi dom dim tebeng alolos levenanasa at ne Balam, mo ga lox ase ne Balak kusu na sar asoogong limixin me Israel ti laxakapmek. Ni ga tong i ridi do dina anan leveluxa laplavang ri lempoovo moroa la ni ga sar asoogong di kusu dina lok laxakapmek maxamang at lixitkis epot.