Lovoang At Ne Pol Ti Limixin Nunu to Rom 13:12 - Madak

¹² Noxo lox abao la lamain na xap, la laaleng kangking na vot ta. Mina xap ta at loklok laxampanga at lamain, la mina lok kaka levempanga esep ti esep at laaleng kangking.

Lovoang At Ne Pol Ti Limixin Nunu to Rom 13:12 Iomraidhean Croise

Lovoang At Ne Pol Ti Limixin Nunu to Rom 13:14

Ketla mina lok ka levempanga esep at Leeme Silok ne Iesu Karisito, la mina doxoma xepe leveloklok kakapmek ngan lavavara at labantuxu mun.

1 Korin 10:11

Anai levempanga ga vot saparap di i ngan lampoovo ridik ik lok at Lovoang Kaala, la i lok ngan levempapaase aronga ri nedik na, ta nemen ta at levenaleng i auret ti laxavaxap at na lavatbung menemen.

1 Korin 7:29

Luvutnetak mi luvurinuk. Lavasuun at na levelinga rak i lok keretna; ixo lox abao bok ba levenaleng mo i nemen ti lomlong at ne Karisito. La i ru ka i mo ningina, lavatlok epot dina nemen ngan ta luvuttadi at ne Moroa.

2 Korin 10:4

Levempanga esep atnama ri esep at na lavatbung menemen kopmen mede at na lavatkangka; ketla ni i ruuna lololos boro at ne Moroa la i epovo xusu ri sele utut kepe lengkot kitkis at laradi munepen atdik min.

2 Korin 6:7

La maga lox asuusu box i at levempapaase ruturun atnema, la mi lololos at ne Moroa. Ma ruuna lorooro mokmokso ngan lavanga esep atnama, ti esep la ti see bok atnama.

Epesas 4:22

Miga lox ase kusu mina lok kepe lorooro maut mo gak lok at lorooro atnimi ganoxa, la lodomdoma ri laxakapmek gara lok kapmex i.

Epesas 5:11

Nemen mita etangas eburu minedi luvuttadi dik lok leveloklok at lamain. Mo leveloklok i ngan lavanga gamasa la noxo visik asu lempanga avukat, ketla mina vaase sok nedi limixin di lox i;

Epesas 5:8

Gano nemi miga nemen at lamain. Ketla na nga Leeme Silok ga lok li nemi at laxasep. Nemi minat pas ngan luvuttadi at laxasep.

Ibru 10:25

Nemen mita ke xepe mo leveloklok tit pot buru, kerekngan leventaba atnimi dira ke xepe vam i. Ketla nemi xa mina epang aru xusu lunuunu atnimi naba lolos; la mina lox amisix i na, mila laaleng ete i auret na vot.

Ibru 12:1

Buaang nedi lavalabat atdik no vana at laxalibet mo di reven dik ngan laneelen di reven lekampoovo; kuren la mina ke xepe levempanga axap mo ik lox angtang lunuunu atnimi la mina ke xepe bok laxakapmek mo nemi mik sak kikixin teren, la minak sixit eburu mi lololos ap mo lekampoovo ne Moroa ga lox agagas i rinimi.

Jems 1:21

Kuren la, leveloklok axap i bilingot la laxakapmek i umsu aleng at na lavatbung menemen, ni nom mina lok pes kape i. La mina lox asi nimi la mina xonom ka levelinga at ne Moroa, ni gatlo li i ro xeneng at lorooro atnimi. Ni mun nom levelinga i epovo na lox arooro nimi.

Jems 5:8

Nemi bok mina tu tuxuruxun la mina ngangais mi lomomo, mila lovotpot at Leeme Silok i auret.

1 Pita 2:1

Kuren la mina lok pes laxaloklok kakapmek basinge nemi; la nemen bok ba mita xaxarang, kopla mina lili aage levelinga, la mina reven peves, kopla mina lox asi tara mi levelinga.

1 Pita 4:7

Laxavaxap at levempanga axap, mo nga i auret. Kuren la levendoxoma atnemi na xasep nunuan la mina lok tatao avukat levempatpas atnemi, kusu miba epovo na lok levesingising.

2 Pita 3:11

Kuren la nemi minaba lok ngan limixin sala rinotno, do minaklen i do na lavatbung menemen naba rem utut keretna? Lorooro axa atnemi na xaala la kopmen taxakapmek noxok lok teren.

2 Pita 3:9

Leeme Silok kopmen nak lok sila rik lok levempanga neni gara tong li vam i xuren, na ngan tepentaba go dim doma i xuren. Ketla neni ik lox atnaasan nemi, mila neni i xopara i xusu teta na seeve; neni i vara i xusu limixin axap dina leeng basinge laxapmek atnedi.

1 Jon 2:18

Luvutnuruk orong. Levenaleng kavaxap at na lavatbung menemen ira rupot pam. Gano nemi miga ronga levelinga do laradi munepen ba rupot, la buaang atdi dira rupot pam. Kuren la nedik diraklen i do levenaleng kavaxap i rupot pam.

Lisilimet 1:3

Luvukat ti mo laradi do na us na levempapaase alii, la luvukat bok tinedi di ronga na levelinga, la di mu asu levelinga ik lok keneng at na lovoang; mila levenaleng ira auret pam ti na lempanga naba vot.

Lisilimet 22:10

La ni ga lok tia, “Nemen uta lipe levelinga vapaase alii at na lubuk, mila loxonaleng monga i auret kusu na levelinga na sorun.