Lovoang At Ne Pol Ti Limixin Nunu to Rom 13:1 - Madak

¹ Limixin axap dinak lok maxopok at lubung amgomgo at lagavaman atnedik, atla kopmen taasen silok goxo vot gamasa, Moroa xa ga lok li nedi. La lagavaman atdik, ne Moroa ga lok li di.

Lovoang At Ne Pol Ti Limixin Nunu to Rom 13:1 Iomraidhean Croise

Sam 62:11

Buaang levenaleng nia agara ronga vam ne Moroa ga tong i do, lolos axap, ateren mene,

Metiu 6:13

Nemen uta lok li nema ri leveloklok tong pen i lolos, ketla unang tanga amlong ka nema basinge ne Satan.’

Lagale Lavavang At Ne Iesu Karisito Jon Ga Malagan I 19:11

Iesu ga lok tin keretna, “U ruuna lololos mavana rak mila ne Moroa mun ga raba u min. Na lavanga u lox i ria i lok kapmek, ketla mo laradi ga song araba ia ru, laxakapmek teren i silok aleng.”

Leven Gugu 2:41

Buaang atnedi diga nuunu ap mo levelinga la luvuttadi vavang diga sep susu di; lavantun larabin sangsangaun kobot (3000) limixin diga beles saparap nedi luvuttadi nuunu ap mo laaleng.

Lovoang At Ne Pol Ti Limixin Nunu to Rom 12:21

Nemen gat miguta ke xepe laxapmek na sev asi nemi; ketla mina sev asi laxapmek mi loklox avukat.

Lovoang At Ne Pol Ti Limixin Nunu to Rom 13:2

Kuren la, nege do kopmen na ronga res at lubung amgomgo, i lok ngan do neni i lox abulubun ne Moroa, la laradi do i lox i na, neni naba ru at lavapaase nop mo loklok teren.

Epesas 5:21

Mina lox asi nimi maxopok at luvutneton nemi kusu miba lox asuusu loklok ngangao atnemi ri ne Karisito.

1 Timoti 2:2

la levesingising bok ti lok tooro lavaorong silok la tinedi limixin amgomgo, kusu ataba nemen atnaasan at lorooro nunuan eburu mi limila, la lorooro atdik na umsu mi loklok ngangao saparap ne Moroa la kopmen taxakapmek teren.

Taitas 3:1

La ne Taitas, una tong box i ri nom limixin nuunu do dina doxoma mumu lixitkis atdi maxopok at lagavaman mi lavaeme silok; la dinang tonga res at levelinga atdi la dina gagas kusu dina lok leven gugu nunuan;

Lovoang At Ne Jut 1:8

La kerepmo bok mo luvuttadi loklox ase xaxarang dira vubeles pam at lotu atnimi, dim tobo mun la levenapnobo atdi i sasat nedi ri laxapmek la dik lok laxapmek mi lenbantuxu atdi, ding tonga xepe levelinga at ne Moroa, la di paase vupu ri limixin silok no vana at laxalibet.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.

Lisilimet 17:14

La na lavatpanga sio eburu mi lasangaun lavaorong silok diba esep eburu mi Lanasip. La Lanasip eburu minedi neni ga ro xaka di, la nedi bok neni ga soxolik ka di la nedi bok di mumu asu ruturun i, diba sak tup mi na lavatpanga sio eburu mi lasangaun lavaorong silok, mila Lanasip neni Leeme Silok mavana at lavaeme silok axap la neni Loorong Silok mavana at lavaorong silok.”

Lisilimet 19:16

La lara langas linga ik lok to at lisingsigaara ren la to bok at laaon teren; nom langas linga i lok keretna, “Loorong Silok mavana at lavaorong silok la Leeme Silok mavana at lavaeme silok.”